卡斯美路攪邊科（賽後簡評-水晶宮對曼聯）
《整體發揮極差》
一場四比零既大敗！睇番失波果四球，球員個人失誤明顯係大過戰術上。正選中堅再起用新組合，由卡斯美路拍伊雲斯。冇左麥佳亞下，呢對中堅組合係攪唔掂馬迪達既衝撞。左閘試圖起用雲比沙卡去凍結奧拉斯，想法係有，但當奧拉斯內收入half-space，加埋右翼衛既丹尼爾出擊就令到雲比沙加難以兼顧，加上八爪魚今場狀態都係一般，加拿祖又番唔切，導致左路都幾放題。中場三人用曼治、明奴同艾歷臣，試圖用技術控制中場。不過，曼治今場繼續神隱，艾歷臣跑動覆蓋率同防守力不足，中場竟然係要靠18歲既明奴去支撐！唉！前場三人既表現就更差，加拿祖都係靠自己，甚少同隊友配合，當然就算雲比沙加上到黎，幫助都不大。右翼安東尼就連波都少拎，攻勢大多集中係左路（全場只有27次觸球；加拿祖則有50次）。海倫缺乏供應下更難有表現，而佢係前場作支點既作用亦唔明顯，鬥撞係撞輸比安達臣。進攻最大問題係缺乏左傳球核心，以往般奴在陣，波就會盡量塞俾佢等佢再派，當然佢有時都操之過急，又或者傳送時機唔好或傳球線路差而失控球，但起碼叫有個核心。今場出左曼治，但佢係左路既持球用波效果唔明顯，而右路既八號位應該係艾歷臣踢，但佢亦做唔到走上走落既功效。個波靠明奴一個由後場派上前場，但前場邊個係核心用波？防守問題就更大，前場三子好肯逼但同中後場缺乏一致性；中場缺乏防守中場做掃蕩，令中堅經常直接面對對方攻擊核心；防線則面對人腳組合狂變而缺乏默契，中堅單防同轉身回追速度亦欠奉。咁樣可以點贏？
《卡斯美路可能已心繫沙特》
今場成隊都踢得差，但要搵戰犯既話就必定係隊長卡斯美路孭晒。第一球貿然離開自己中堅位置上搶奧拉斯，結果一下就被扭過，從而令伊雲斯陷入二打一局面下，被奧拉斯輕鬆推進射入；第二球就面對3打4局面下(見下圖），仍然選擇交波俾安東尼，失去控球權下被打反擊，自己既位置亦同伊雲斯相距太大，令伊雲斯被一對一扭過，都要讚馬迪達怒抽近柱上角盡顯信心；第三球係先有達洛治包左越位，回追既卡斯美路亦慢過米曹一步，俾佢輕鬆射入；第四球係卡斯美路係自己底線擔唔晒個位，俾丹尼爾偷左個波再傳中俾奧拉斯輕鬆射入。失四球波都關佢事，唔好話因為打中堅，導致位置感不足，第二同第四球都肯定係因為佢個人問題而導致失波。今季佢傷完出番黎之後係冇一場好波，今場更錄得被八次扭過，又破記錄。或者…可能…佢個心已經唔係曼聯！
《對的戰術錯的人？》
水晶宮進攻時會將奧拉斯同艾斯移入中路，左右兩側交俾兩隻翼衛拉闊，後場三中堅連同門將形成出球點。中場中路踢現今非常常見既box-midfield 。坦克繼續維持高位逼搶，除左前場前鋒要遮門將同一個中堅；兩翼除左逼中堅亦要遮住傳俾兩翼衛既線路。重點就係曼聯中堅需要升上黎幫中場，避免中場陷入四打三既局面。呢個中堅要有準繩既攔截力、一定既身體質素同轉身回追速度，但卡斯美路明顯唔係呢類型，而身旁既伊雲斯就更加唔係，後備席亦只有小將可用。到底，領隊要求唔適合既人踢佢認為岩既戰術係岩，還是領隊應該審時度世睇咩人腳就改踢咩戰術先岩，就留俾大家判斷！
《總結》
水晶宮成場踢落游刃有餘，未必係佢地好勁，而係對面既曼聯毫無還擊之力。
曼聯俾我既感覺係成隊都缺乏戰意，後生仔都仲肯搏肯衝肯追，老果輩就已經係做就三十六，唔做就三十六咁款。實際地講，聯賽要追頭六去保歐洲賽席位係好難，最容易應該係足總盃贏冠軍，但同時間亦係最難，因為該場既對手係曼城。另外，一路睇直播就聽到旁述一路講點解中堅位唔用青訓。呢個世界咁多甘華拿同明奴咩？坦克都算肯用年輕人，但都冇係呢場出，某程度上證明佢地既質素係未必夠，而呢家都仲叫係聯賽爭緊頭六，出個年輕人一孭鑊，失分事少，攪到年輕人冇左信心先慘。今場踢成咁，可以預期下場都仲會係卡斯美路踢中堅，但防中位置相信安拉拔會正選拍明奴幫手做第一浸防守。下場對阿仙奴，俾番少少火我睇，可以嗎？
一場四比零既大敗！睇番失波果四球，球員個人失誤明顯係大過戰術上。正選中堅再起用新組合，由卡斯美路拍伊雲斯。冇左麥佳亞下，呢對中堅組合係攪唔掂馬迪達既衝撞。左閘試圖起用雲比沙卡去凍結奧拉斯，想法係有，但當奧拉斯內收入half-space，加埋右翼衛既丹尼爾出擊就令到雲比沙加難以兼顧，加上八爪魚今場狀態都係一般，加拿祖又番唔切，導致左路都幾放題。中場三人用曼治、明奴同艾歷臣，試圖用技術控制中場。不過，曼治今場繼續神隱，艾歷臣跑動覆蓋率同防守力不足，中場竟然係要靠18歲既明奴去支撐！唉！前場三人既表現就更差，加拿祖都係靠自己，甚少同隊友配合，當然就算雲比沙加上到黎，幫助都不大。右翼安東尼就連波都少拎，攻勢大多集中係左路（全場只有27次觸球；加拿祖則有50次）。海倫缺乏供應下更難有表現，而佢係前場作支點既作用亦唔明顯，鬥撞係撞輸比安達臣。進攻最大問題係缺乏左傳球核心，以往般奴在陣，波就會盡量塞俾佢等佢再派，當然佢有時都操之過急，又或者傳送時機唔好或傳球線路差而失控球，但起碼叫有個核心。今場出左曼治，但佢係左路既持球用波效果唔明顯，而右路既八號位應該係艾歷臣踢，但佢亦做唔到走上走落既功效。個波靠明奴一個由後場派上前場，但前場邊個係核心用波？防守問題就更大，前場三子好肯逼但同中後場缺乏一致性；中場缺乏防守中場做掃蕩，令中堅經常直接面對對方攻擊核心；防線則面對人腳組合狂變而缺乏默契，中堅單防同轉身回追速度亦欠奉。咁樣可以點贏？
《卡斯美路可能已心繫沙特》
今場成隊都踢得差，但要搵戰犯既話就必定係隊長卡斯美路孭晒。第一球貿然離開自己中堅位置上搶奧拉斯，結果一下就被扭過，從而令伊雲斯陷入二打一局面下，被奧拉斯輕鬆推進射入；第二球就面對3打4局面下(見下圖），仍然選擇交波俾安東尼，失去控球權下被打反擊，自己既位置亦同伊雲斯相距太大，令伊雲斯被一對一扭過，都要讚馬迪達怒抽近柱上角盡顯信心；第三球係先有達洛治包左越位，回追既卡斯美路亦慢過米曹一步，俾佢輕鬆射入；第四球係卡斯美路係自己底線擔唔晒個位，俾丹尼爾偷左個波再傳中俾奧拉斯輕鬆射入。失四球波都關佢事，唔好話因為打中堅，導致位置感不足，第二同第四球都肯定係因為佢個人問題而導致失波。今季佢傷完出番黎之後係冇一場好波，今場更錄得被八次扭過，又破記錄。或者…可能…佢個心已經唔係曼聯！
《對的戰術錯的人？》
水晶宮進攻時會將奧拉斯同艾斯移入中路，左右兩側交俾兩隻翼衛拉闊，後場三中堅連同門將形成出球點。中場中路踢現今非常常見既box-midfield 。坦克繼續維持高位逼搶，除左前場前鋒要遮門將同一個中堅；兩翼除左逼中堅亦要遮住傳俾兩翼衛既線路。重點就係曼聯中堅需要升上黎幫中場，避免中場陷入四打三既局面。呢個中堅要有準繩既攔截力、一定既身體質素同轉身回追速度，但卡斯美路明顯唔係呢類型，而身旁既伊雲斯就更加唔係，後備席亦只有小將可用。到底，領隊要求唔適合既人踢佢認為岩既戰術係岩，還是領隊應該審時度世睇咩人腳就改踢咩戰術先岩，就留俾大家判斷！
《總結》
水晶宮成場踢落游刃有餘，未必係佢地好勁，而係對面既曼聯毫無還擊之力。
曼聯俾我既感覺係成隊都缺乏戰意，後生仔都仲肯搏肯衝肯追，老果輩就已經係做就三十六，唔做就三十六咁款。實際地講，聯賽要追頭六去保歐洲賽席位係好難，最容易應該係足總盃贏冠軍，但同時間亦係最難，因為該場既對手係曼城。另外，一路睇直播就聽到旁述一路講點解中堅位唔用青訓。呢個世界咁多甘華拿同明奴咩？坦克都算肯用年輕人，但都冇係呢場出，某程度上證明佢地既質素係未必夠，而呢家都仲叫係聯賽爭緊頭六，出個年輕人一孭鑊，失分事少，攪到年輕人冇左信心先慘。今場踢成咁，可以預期下場都仲會係卡斯美路踢中堅，但防中位置相信安拉拔會正選拍明奴幫手做第一浸防守。下場對阿仙奴，俾番少少火我睇，可以嗎？