The city is Blue or Red?(足總盃決賽-曼城對曼聯）
今季英超經已告一段落，曼城再次後來追上，力壓阿仙奴一分捧走聯賽冠軍，更係史上第一支英超四連霸球隊。今場佢地係溫布萊踢決賽挑戰雙冠王，對手係今季頹爆並只能以聯賽第八名完成既曼聯。
曼城應該只有門將伊達臣一人受傷而缺陣比賽，後備門將奧迪加已經準備就緒。呢個後備門將實力絕對不容忽視，前一場對熱刺後備上陣，化解左起碼兩次對方必入既攻門。佢既撲救能力甚至比伊達臣更好，只係用波差少少。除左龍門要換一換外，其他位置相信都會正選上陣。防線由右至左係卡爾獲加、魯賓戴亞斯、艾簡治同加維奧。防中洛迪拍住迪布尼同高華錫。左右兩翼係杜古同科頓支援前鋒夏蘭特攻堅。
預測曼城正選陣容（4-3-3）
奧迪加
卡爾獲加 魯賓戴亞斯 艾簡治 加維奧
迪布尼 洛迪 高華錫
杜古 夏蘭特 科頓
曼聯既傷兵就開始陸續歸來，曼治、連迪路夫同馬斯亞都可以上陣，但麥佳亞就未能趕及復出呢個決賽。季尾中堅位置多左傷兵復出，對曼聯絕對係好消息，睇下今場坦克會點安排。預測安拿拿繼續正選，下半季佢既表現開始兌現到佢既身價。中堅突然有幸福的煩惱，馬天尼斯肯定係必然正選，佢既拍檔首選會係華拉尼。左右二閘則係雲比沙加同達洛治。中堅位置齊人下，卡斯美路可以踢番上一格，逗住明奴同般奴費南迪斯。翼鋒位置都幾難揀，擺明踢防反就冇理由唔出福仔，但左翼用福仔，咁右翼就要從加拿祖同迪亞路二選一，論近況迪亞路係絕對應該先踢正選，睇下坦克會係狀態行先定係能力行先。估計左翼會先用福仔，右翼都會先用加拿祖，除非福仔冇得出，否則迪亞路應該都冇正選。前鋒會係麥湯文尼同海倫二選一，理論上都會先用海倫，除非坦克想佢做後備奇兵。
少少個人睇法，曼聯今季人腳嚴重不整，就算傷兵復出，球員狀態同埋球員間既磨合程度都一定比曼城差，要贏係十分十分艱難。我就唔期望曼聯可以贏到波，只期望落得場既球員係比賽過程中，展現到鬥心同對勝利既渴求，跑盡每分每秒就好。
預測曼聯正選陣容（4-3-3）
安拿拿
雲比沙加 華拉尼 馬天尼斯 達洛治
明奴 卡斯美路 般奴費南迪斯
加拿祖 海倫 華舒福
曼城應該只有門將伊達臣一人受傷而缺陣比賽，後備門將奧迪加已經準備就緒。呢個後備門將實力絕對不容忽視，前一場對熱刺後備上陣，化解左起碼兩次對方必入既攻門。佢既撲救能力甚至比伊達臣更好，只係用波差少少。除左龍門要換一換外，其他位置相信都會正選上陣。防線由右至左係卡爾獲加、魯賓戴亞斯、艾簡治同加維奧。防中洛迪拍住迪布尼同高華錫。左右兩翼係杜古同科頓支援前鋒夏蘭特攻堅。
預測曼城正選陣容（4-3-3）
奧迪加
卡爾獲加 魯賓戴亞斯 艾簡治 加維奧
迪布尼 洛迪 高華錫
杜古 夏蘭特 科頓
曼聯既傷兵就開始陸續歸來，曼治、連迪路夫同馬斯亞都可以上陣，但麥佳亞就未能趕及復出呢個決賽。季尾中堅位置多左傷兵復出，對曼聯絕對係好消息，睇下今場坦克會點安排。預測安拿拿繼續正選，下半季佢既表現開始兌現到佢既身價。中堅突然有幸福的煩惱，馬天尼斯肯定係必然正選，佢既拍檔首選會係華拉尼。左右二閘則係雲比沙加同達洛治。中堅位置齊人下，卡斯美路可以踢番上一格，逗住明奴同般奴費南迪斯。翼鋒位置都幾難揀，擺明踢防反就冇理由唔出福仔，但左翼用福仔，咁右翼就要從加拿祖同迪亞路二選一，論近況迪亞路係絕對應該先踢正選，睇下坦克會係狀態行先定係能力行先。估計左翼會先用福仔，右翼都會先用加拿祖，除非福仔冇得出，否則迪亞路應該都冇正選。前鋒會係麥湯文尼同海倫二選一，理論上都會先用海倫，除非坦克想佢做後備奇兵。
少少個人睇法，曼聯今季人腳嚴重不整，就算傷兵復出，球員狀態同埋球員間既磨合程度都一定比曼城差，要贏係十分十分艱難。我就唔期望曼聯可以贏到波，只期望落得場既球員係比賽過程中，展現到鬥心同對勝利既渴求，跑盡每分每秒就好。
預測曼聯正選陣容（4-3-3）
安拿拿
雲比沙加 華拉尼 馬天尼斯 達洛治
明奴 卡斯美路 般奴費南迪斯
加拿祖 海倫 華舒福