「算命佬」係英國應該有生意（賽後簡評-英格蘭對荷蘭）
1） 修夫基排出5-2-3既陣式，但今場一改其保守作風，主動係高位逼搶，令荷蘭有少少亂左陣腳。從比賽戰程中睇到，荷蘭中場球員既個人突破力一般，技術質素同英格蘭比都係差少少，可能正正係呢點，所以修夫基選擇係高位壓逼，試圖係對方前場迫甩對方踢轉守為攻。事實上英軍確實係有幾次成功係前場搶到波或迫到對方交失波，可惜最後一傳都係操之過急而失去入波既機會。
2） 左翼衛查比亞做左多場替工，今場只上陣左45分鐘就被換走，相信下場正選唔會見到佢。梳爾好大機會係決賽直接面對17歲強勁新人耶馬既挑戰。
3）比寧咸今場發揮一般，係進攻端既貢獻唔算好大，但修夫基仍舊留佢係場中而換走科頓。見到係修夫基心目中，球員改變戰局既能力比場上表現既重要。當然，如要選擇換入彭馬，係位置上就只能選擇科頓或薩卡，唔換走比寧咸都係可以理解。
4） 80分鐘先換人，用10-15分鐘搏一搏，搏唔到就疊埋心水望加時，以唔輸為大前題都係修夫基帶隊既核心價值。換人都係以位換位形式，唔會為左90分鐘贏波而選擇改變陣式，除非係輸緊波而又時間無多既情況下。不過，換邊個入去就好睇果日邊個「好運」。明明上兩場「東尼」入替後都有表現，但今場卻選擇用「屈堅斯」，但又真無係俾佢一腳絕殺荷蘭，睇黎「算命佬」係英國都會有生意！
5） 今屆缺少左麥佳亞，英格蘭明顯係防守對方死球方面係弱左好多。荷蘭差唔多每次死球都可以搶點成功，甚至有一球頂中楣。好彩西班牙唔係擅於以死球製威脅既球隊，下場英格蘭可以踢得比較粗野去阻止西班牙進攻，唔駛太忌憚對方既死球戰術。
2） 左翼衛查比亞做左多場替工，今場只上陣左45分鐘就被換走，相信下場正選唔會見到佢。梳爾好大機會係決賽直接面對17歲強勁新人耶馬既挑戰。
3）比寧咸今場發揮一般，係進攻端既貢獻唔算好大，但修夫基仍舊留佢係場中而換走科頓。見到係修夫基心目中，球員改變戰局既能力比場上表現既重要。當然，如要選擇換入彭馬，係位置上就只能選擇科頓或薩卡，唔換走比寧咸都係可以理解。
4） 80分鐘先換人，用10-15分鐘搏一搏，搏唔到就疊埋心水望加時，以唔輸為大前題都係修夫基帶隊既核心價值。換人都係以位換位形式，唔會為左90分鐘贏波而選擇改變陣式，除非係輸緊波而又時間無多既情況下。不過，換邊個入去就好睇果日邊個「好運」。明明上兩場「東尼」入替後都有表現，但今場卻選擇用「屈堅斯」，但又真無係俾佢一腳絕殺荷蘭，睇黎「算命佬」係英國都會有生意！
5） 今屆缺少左麥佳亞，英格蘭明顯係防守對方死球方面係弱左好多。荷蘭差唔多每次死球都可以搶點成功，甚至有一球頂中楣。好彩西班牙唔係擅於以死球製威脅既球隊，下場英格蘭可以踢得比較粗野去阻止西班牙進攻，唔駛太忌憚對方既死球戰術。