我命犯天煞孤星 注定一世無冠終老（賽後分析-西班牙對英格蘭）
西班牙照舊排出4-3-3，龍門係西蒙，防線由左至右係古古尼亞、拿樸迪、洛文同卡華查。洛迪逗住丹尼奧莫同法比安路易斯。左右翼係歷高威廉斯同耶馬支援前鋒莫拉達。
英格蘭on paper係5-2-3既陣式，但落場企位卻係一個4-2-3-1。龍門係碧福特。防線由左至右係梳爾、古希、史東斯同獲加。明奴同懷斯踢平排中場。左右翼係比寧咸同薩卡。攻擊中場科頓支援前鋒哈利簡尼。
《修夫基如意算盤打得響一半》
西班牙都唔需要有特別針對性部署，都係照平時咁攻，繼續依賴今屆侵略性極強既兩翼去策動進攻。英格蘭修夫基突然改變陣式，真係「俾你估到，我就唔係修夫基啦」。英軍擁有兩隻單防能力極強既梳爾同獲加，所以修夫基決定由五後衛改踢番四後防，係中路擺多個球員去爭中場，以防中路被overload。此舉係上半場可以話係十分成功，基本上歷高威廉斯同耶馬都係被凍結，令到西班牙係兩側既威脅力大減。中場亦選擇人釘人，科頓釘洛迪，懷斯釘法比安路易斯，懷斯釘丹尼奧莫，分工清晰，所以係中場捉人都冇乜太大問題。兩翼守番對面二閘，而簡尼就防守一對中堅。上半場英格蘭防守上既問題不大，因為對面兩翼被凍結，中場唔駛過多協防下，就唔會令中路有太多空間俾西班牙用波，加上英格蘭一縮落黎守都幾深，自然空位都較少。守到對方半場只有五射二中，修夫基既如意算盤可以話打響左一半。
英軍守到啦，咁進攻呢？老實說，真係睇唔到佢既部署係乜。簡尼仍舊係最前點但缺少跑對方身後空間既走位，問題都唔算大，佢都仲可以當柱躉咁打，但科頓同比寧咸就完全唔知想點。比寧咸不嬲唔係果類怒跑五十碼接應長波再盤扭既球員；科頓亦唔係一個擅長箍波派牌分波既球員，將佢兩個咁樣擺位其實係廢左兩個既武功。先唔講你中後場冇能力憑猜傳去破解對方既高位逼搶，全隊縮得較後去守，搶到波就需要有快速既球員去跑對方既後場空間去打反擊，只有右路薩卡係呢類球員，但只要古古尼亞唔胡亂壓前進攻，根本你連呢點既反擊接應點都冇埋，而左路既比寧咸實在太唔擅長咁樣同你來回折返跑。西班牙逼你踢長傳，但簡尼又唔係下下停到；科頓亦唔擅長執second ball；比寧咸又唔夠卡華查跑，拎唔到個波，再好技術都冇用，所以整個上半場英軍都組織唔到攻勢。唯一一次中框射門就係科頓窄位接應死球撞射，生波入波既機會係零啊！
《洛迪受傷反而入波先》
上半場零比零完結，西班牙卻係下半場先換人。洛迪因傷要被換出，富安迪除左用蘇比文迪入替外，仲將陣式改打4-2-3-1，某程度上係想法比安路易斯去逗一逗呢位小將，等佢唔駛一個人覆蓋晒整個中場，而呢個變動亦可以順勢將兩隻閘推前，將翼鋒移入half-space，令前場保持有五個進攻點，後場亦能保持有四人做rest defense。下半場開波僅兩分鐘，法比安路易斯移落右閘位置接波，將卡華查推前過中場線，耶馬移入half-space。呢一個簡單跑動overload邊路，就令英軍捉人出現問題。首先，西班牙由單防中變雙防中，科頓要追邊個？當路易斯移落右閘位，究竟係科頓還是比寧咸去對位？西班牙由兩名中場入half-space變成翼鋒入，懷斯要照釘丹尼奧莫還是守移入half-space既耶馬？梳爾由man-mark耶馬被overload，佢應該推前守卡華查定係照捉耶馬？輸呢球係左路先出問題，導致最後右閘位既歷高威廉斯無人看管。宏觀睇，係西班牙調整戰術令英格蘭整隊防守混亂而輸，淨係怪獲加既就睇得太狹窄啦。
《修夫基調動快左架啦》
西班牙火速領先，修夫基見狀都改變防守模式，防守改踢4-4-2，推前科頓壓迫一對中堅，西班牙一對平排中場就俾懷斯同明奴防守。經調整後，英格蘭都冇再走甩人，起碼陣地戰對到波對岩位。60分鐘，修夫基火速用屈堅斯入替冇乜表現既簡尼。唔好以為屈堅斯入左黎就大發神威，佢入黎都係同簡尼差唔多，只係佢多左走中堅身後，戰術上多左變化，但中後場冇輸送，走到都俾唔到。換人後既英格蘭係有前壓嘗試爭取入球，與此同時，後場都暴露左好多空位，令西班牙有不少打反擊既入球機會。
70分鐘，修夫基用彭馬換入明奴加強進攻火力，進攻改踢4-3-3，比寧咸同彭馬踢兩個進攻中場，將科頓扔去左翼。防守時就將比寧咸踢後一格，攻中位交俾彭馬。彭馬一入場明顯改變左進攻節奏，整隊英格蘭快左好多，而比寧咸就踢番後一格策動進攻。僅三分鐘後，碧福特接實對方射門後隨即策動反擊。薩卡係邊線引左幾個埋黎就地波傳入中間，比寧咸第一時間回後俾彭馬係禁區外撞射盪遠柱死角入網追平。追和後，英格蘭都有一段時間壓得好前進攻，而西班牙明顯係果時亂左少少陣腳。
《修夫基最唔想就係輸呢D反擊》
西班牙企番穩陣腳後，就開始拎番球賽主導權，與其話修夫基泊巴士，不如話西班牙既控傳能力高，只要猜番定，英軍根本就搶唔到球權去攻。當中場只得懷斯一個係偏防守型，比寧咸踢平排中場既防守意識係肯定唔夠明奴好。向前攻自然後場多左空間俾人打反擊，呢點係修夫基最唔想見到既場景。86分鐘，西班牙一個反擊幾腳傳送，就已經俾到後上既古古尼亞係左路出地波，入楔既奧耶沙巴爾門前撞射建功。
呢個入波要讚既絕對係丹尼奧莫，佢係中場一控一引，選擇先交俾中路既奧耶沙巴爾，等英軍防守注意力集中係中路，奧耶沙巴爾再即彈俾後上拉邊既古古尼亞。正正個波係先交中路，獲加未有全速補番自己既盲眼位，到佢發現個波彈去自己身後再出去封就趕唔切。如果丹尼奧莫選擇直接交俾古古尼亞，個波係唔可能打得到去獲加既身後。古古尼亞最後一傳亦非常毒，一過左史東斯只要有人掂到就有得入。薩卡如果勤力少少，見到對方既閘後上而有全速追，亦可能避免到失波，不過當然佢見到獲加係度而唔追，都唔可以話錯既。臨完場先失波，修夫基都立刻換入東尼搏一鋪。最後階段，丹尼奧莫護空門成功，英軍未能成功扳平。球證場雞一響，冠軍係屬於西班牙！
《總結》
西班牙今場貫徹始終，終於可以過住癮咁贏！洛迪既傷出反而係轉捩點，令富安迪少有地係呢個咁重要既位置換人。換人既同時亦見到呢個教頭唔會迷戀一個陣式，適當地轉陣去令後備入替既球員有更好既發揮。今屆賽事七場全勝拎冠，西班牙確係實至名歸。
英格蘭今場踢得唔算差，戰術部署上都見到思路。被對手既突然變陣打亂左部署，失波後亦好快作出調整同果斷地換人。換人亦有其效果，唯一既敗筆可能係追平後，修夫基冇換番一個防守性較強既中場入黎幫手掃蕩，導致賽事尾段係缺乏控球權被攻既情況下，前場同中後場斷開左黎踢而被人再入波。
今屆黎講，修夫基都多次係陣容作出調整，亦多次轉換陣式，但始終都難以搵到一個陣式去兼容比寧咸、科頓同簡尼呢三個球員。佢亦冇「膽量」從正選中抽起其中一人，又或者佢知道三者係兼容唔到，所以球隊係冇條件主攻對手，所以先大踢保守足球，諗住悶悶地咁贏。英格蘭連續兩屆賽事屈居亞軍，睇黎修夫基再好運都敵不過簡尼的魔咒（講笑）。修夫基會否繼續執教暫時係一個謎，但呢屆盃賽證實科頓同比寧咸係新時代既「雙特」問題。無論邊個領隊上任都好，若果解決唔到，英格蘭都好難係進攻層面上會有突飛猛進既表現。Football is still not going home，睇下兩年後世界盃又有冇機會啦！
英格蘭on paper係5-2-3既陣式，但落場企位卻係一個4-2-3-1。龍門係碧福特。防線由左至右係梳爾、古希、史東斯同獲加。明奴同懷斯踢平排中場。左右翼係比寧咸同薩卡。攻擊中場科頓支援前鋒哈利簡尼。
《修夫基如意算盤打得響一半》
西班牙都唔需要有特別針對性部署，都係照平時咁攻，繼續依賴今屆侵略性極強既兩翼去策動進攻。英格蘭修夫基突然改變陣式，真係「俾你估到，我就唔係修夫基啦」。英軍擁有兩隻單防能力極強既梳爾同獲加，所以修夫基決定由五後衛改踢番四後防，係中路擺多個球員去爭中場，以防中路被overload。此舉係上半場可以話係十分成功，基本上歷高威廉斯同耶馬都係被凍結，令到西班牙係兩側既威脅力大減。中場亦選擇人釘人，科頓釘洛迪，懷斯釘法比安路易斯，懷斯釘丹尼奧莫，分工清晰，所以係中場捉人都冇乜太大問題。兩翼守番對面二閘，而簡尼就防守一對中堅。上半場英格蘭防守上既問題不大，因為對面兩翼被凍結，中場唔駛過多協防下，就唔會令中路有太多空間俾西班牙用波，加上英格蘭一縮落黎守都幾深，自然空位都較少。守到對方半場只有五射二中，修夫基既如意算盤可以話打響左一半。
英軍守到啦，咁進攻呢？老實說，真係睇唔到佢既部署係乜。簡尼仍舊係最前點但缺少跑對方身後空間既走位，問題都唔算大，佢都仲可以當柱躉咁打，但科頓同比寧咸就完全唔知想點。比寧咸不嬲唔係果類怒跑五十碼接應長波再盤扭既球員；科頓亦唔係一個擅長箍波派牌分波既球員，將佢兩個咁樣擺位其實係廢左兩個既武功。先唔講你中後場冇能力憑猜傳去破解對方既高位逼搶，全隊縮得較後去守，搶到波就需要有快速既球員去跑對方既後場空間去打反擊，只有右路薩卡係呢類球員，但只要古古尼亞唔胡亂壓前進攻，根本你連呢點既反擊接應點都冇埋，而左路既比寧咸實在太唔擅長咁樣同你來回折返跑。西班牙逼你踢長傳，但簡尼又唔係下下停到；科頓亦唔擅長執second ball；比寧咸又唔夠卡華查跑，拎唔到個波，再好技術都冇用，所以整個上半場英軍都組織唔到攻勢。唯一一次中框射門就係科頓窄位接應死球撞射，生波入波既機會係零啊！
《洛迪受傷反而入波先》
上半場零比零完結，西班牙卻係下半場先換人。洛迪因傷要被換出，富安迪除左用蘇比文迪入替外，仲將陣式改打4-2-3-1，某程度上係想法比安路易斯去逗一逗呢位小將，等佢唔駛一個人覆蓋晒整個中場，而呢個變動亦可以順勢將兩隻閘推前，將翼鋒移入half-space，令前場保持有五個進攻點，後場亦能保持有四人做rest defense。下半場開波僅兩分鐘，法比安路易斯移落右閘位置接波，將卡華查推前過中場線，耶馬移入half-space。呢一個簡單跑動overload邊路，就令英軍捉人出現問題。首先，西班牙由單防中變雙防中，科頓要追邊個？當路易斯移落右閘位，究竟係科頓還是比寧咸去對位？西班牙由兩名中場入half-space變成翼鋒入，懷斯要照釘丹尼奧莫還是守移入half-space既耶馬？梳爾由man-mark耶馬被overload，佢應該推前守卡華查定係照捉耶馬？輸呢球係左路先出問題，導致最後右閘位既歷高威廉斯無人看管。宏觀睇，係西班牙調整戰術令英格蘭整隊防守混亂而輸，淨係怪獲加既就睇得太狹窄啦。
《修夫基調動快左架啦》
西班牙火速領先，修夫基見狀都改變防守模式，防守改踢4-4-2，推前科頓壓迫一對中堅，西班牙一對平排中場就俾懷斯同明奴防守。經調整後，英格蘭都冇再走甩人，起碼陣地戰對到波對岩位。60分鐘，修夫基火速用屈堅斯入替冇乜表現既簡尼。唔好以為屈堅斯入左黎就大發神威，佢入黎都係同簡尼差唔多，只係佢多左走中堅身後，戰術上多左變化，但中後場冇輸送，走到都俾唔到。換人後既英格蘭係有前壓嘗試爭取入球，與此同時，後場都暴露左好多空位，令西班牙有不少打反擊既入球機會。
70分鐘，修夫基用彭馬換入明奴加強進攻火力，進攻改踢4-3-3，比寧咸同彭馬踢兩個進攻中場，將科頓扔去左翼。防守時就將比寧咸踢後一格，攻中位交俾彭馬。彭馬一入場明顯改變左進攻節奏，整隊英格蘭快左好多，而比寧咸就踢番後一格策動進攻。僅三分鐘後，碧福特接實對方射門後隨即策動反擊。薩卡係邊線引左幾個埋黎就地波傳入中間，比寧咸第一時間回後俾彭馬係禁區外撞射盪遠柱死角入網追平。追和後，英格蘭都有一段時間壓得好前進攻，而西班牙明顯係果時亂左少少陣腳。
《修夫基最唔想就係輸呢D反擊》
西班牙企番穩陣腳後，就開始拎番球賽主導權，與其話修夫基泊巴士，不如話西班牙既控傳能力高，只要猜番定，英軍根本就搶唔到球權去攻。當中場只得懷斯一個係偏防守型，比寧咸踢平排中場既防守意識係肯定唔夠明奴好。向前攻自然後場多左空間俾人打反擊，呢點係修夫基最唔想見到既場景。86分鐘，西班牙一個反擊幾腳傳送，就已經俾到後上既古古尼亞係左路出地波，入楔既奧耶沙巴爾門前撞射建功。
呢個入波要讚既絕對係丹尼奧莫，佢係中場一控一引，選擇先交俾中路既奧耶沙巴爾，等英軍防守注意力集中係中路，奧耶沙巴爾再即彈俾後上拉邊既古古尼亞。正正個波係先交中路，獲加未有全速補番自己既盲眼位，到佢發現個波彈去自己身後再出去封就趕唔切。如果丹尼奧莫選擇直接交俾古古尼亞，個波係唔可能打得到去獲加既身後。古古尼亞最後一傳亦非常毒，一過左史東斯只要有人掂到就有得入。薩卡如果勤力少少，見到對方既閘後上而有全速追，亦可能避免到失波，不過當然佢見到獲加係度而唔追，都唔可以話錯既。臨完場先失波，修夫基都立刻換入東尼搏一鋪。最後階段，丹尼奧莫護空門成功，英軍未能成功扳平。球證場雞一響，冠軍係屬於西班牙！
《總結》
西班牙今場貫徹始終，終於可以過住癮咁贏！洛迪既傷出反而係轉捩點，令富安迪少有地係呢個咁重要既位置換人。換人既同時亦見到呢個教頭唔會迷戀一個陣式，適當地轉陣去令後備入替既球員有更好既發揮。今屆賽事七場全勝拎冠，西班牙確係實至名歸。
英格蘭今場踢得唔算差，戰術部署上都見到思路。被對手既突然變陣打亂左部署，失波後亦好快作出調整同果斷地換人。換人亦有其效果，唯一既敗筆可能係追平後，修夫基冇換番一個防守性較強既中場入黎幫手掃蕩，導致賽事尾段係缺乏控球權被攻既情況下，前場同中後場斷開左黎踢而被人再入波。
今屆黎講，修夫基都多次係陣容作出調整，亦多次轉換陣式，但始終都難以搵到一個陣式去兼容比寧咸、科頓同簡尼呢三個球員。佢亦冇「膽量」從正選中抽起其中一人，又或者佢知道三者係兼容唔到，所以球隊係冇條件主攻對手，所以先大踢保守足球，諗住悶悶地咁贏。英格蘭連續兩屆賽事屈居亞軍，睇黎修夫基再好運都敵不過簡尼的魔咒（講笑）。修夫基會否繼續執教暫時係一個謎，但呢屆盃賽證實科頓同比寧咸係新時代既「雙特」問題。無論邊個領隊上任都好，若果解決唔到，英格蘭都好難係進攻層面上會有突飛猛進既表現。Football is still not going home，睇下兩年後世界盃又有冇機會啦！