賽事前瞻 - 白禮頓對曼聯
迪沙比上季帶白禮頓有唔錯既成績，但今季已轉教馬賽，而白禮頓好快已經搵到年輕少帥侯斯拿教。睇番白禮頓管理層由樸達到迪沙比時期，不論換帥還是收購球員既方針都係一致，所以相信換帥唔會對球隊本身踢開既風格有好大影響。直到現時為止，白禮頓都走左唔少球員，包括有安素法迪、戈斯、拉蘭拿同般拿洛迪，搵邊個填補戈斯既功能會係新領隊既首要任務；而收購方面都係向幼幼埋手，買左五名都係廿五歲以下既球員，又睇下佢地能否提供到即戰力。白禮頓係熱身賽踢五場贏四場，聯賽首場亦清風送爽以三比零KO愛華頓。兩名新兵都正選上陣，表現不俗。睇黎都可以幫傷兵滿營既白禮頓頂一頂住先。
曼聯係第一場憑舒克斯係八十七分鐘既入波以一比零擊敗富咸，冇白禮頓贏得咁清脆。不過，從該場波既表現睇，曼聯比起上季係有明顯進步，特別係卡斯美路既回勇，馬天尼斯既回歸，馬沙拉維既加盟，與及曼治既使用說明書，亦不得不提麥佳亞該場既一夫當關。曼聯對富咸係上半場既高位逼搶係極有效率，今場面對控傳能力更強，兩翼質素同速度更高更快既白禮頓，會係一場考牌戰，睇下曼聯今場係高位能否逼到白禮頓犯錯從而爭取入球。防守方面，除左要守住韋神韋碧克外，馬沙拉維能否限制三笘薰會係呢場波勝負既關鍵。
暫時一周一賽情況下，坦夏都唔駛諗點輪換，可以預測佢會安排對富咸一樣既正選陣容。龍門繼續係安拿拿。雖然坦夏愛將迪列特已加盟，但上場麥佳亞出色既表現確實難以換走，所以防線都仍然會係馬沙拉維、麥佳亞、馬天尼斯同達洛治。一對平排中場係明奴同卡斯美路。前鋒舒克斯雖然上場入波，但佢既狀態同隊友既磨合肯定要再加強，所以都會先列後備。前場四個繼續係迪亞路、曼治、般奴費南迪斯同華舒福。值得一提係福仔上場既表現比起上季有進步，上腳用波同無球走位既決定都好左好多，睇好今場佢有波入。
預測曼聯正選陣容（4-2-4）
安拿拿
馬沙拉維 麥佳亞 馬天尼斯 達洛治
卡斯美路 明奴
迪亞路 曼治 般奴費南迪斯 華舒福
曼聯係第一場憑舒克斯係八十七分鐘既入波以一比零擊敗富咸，冇白禮頓贏得咁清脆。不過，從該場波既表現睇，曼聯比起上季係有明顯進步，特別係卡斯美路既回勇，馬天尼斯既回歸，馬沙拉維既加盟，與及曼治既使用說明書，亦不得不提麥佳亞該場既一夫當關。曼聯對富咸係上半場既高位逼搶係極有效率，今場面對控傳能力更強，兩翼質素同速度更高更快既白禮頓，會係一場考牌戰，睇下曼聯今場係高位能否逼到白禮頓犯錯從而爭取入球。防守方面，除左要守住韋神韋碧克外，馬沙拉維能否限制三笘薰會係呢場波勝負既關鍵。
暫時一周一賽情況下，坦夏都唔駛諗點輪換，可以預測佢會安排對富咸一樣既正選陣容。龍門繼續係安拿拿。雖然坦夏愛將迪列特已加盟，但上場麥佳亞出色既表現確實難以換走，所以防線都仍然會係馬沙拉維、麥佳亞、馬天尼斯同達洛治。一對平排中場係明奴同卡斯美路。前鋒舒克斯雖然上場入波，但佢既狀態同隊友既磨合肯定要再加強，所以都會先列後備。前場四個繼續係迪亞路、曼治、般奴費南迪斯同華舒福。值得一提係福仔上場既表現比起上季有進步，上腳用波同無球走位既決定都好左好多，睇好今場佢有波入。
預測曼聯正選陣容（4-2-4）
安拿拿
馬沙拉維 麥佳亞 馬天尼斯 達洛治
卡斯美路 明奴
迪亞路 曼治 般奴費南迪斯 華舒福