上場救國，今場敗家（賽後簡評-白禮頓對曼聯）
英超第二週早場，白禮頓主場以二比一擊敗曼聯，兩戰兩勝拎六分暫時排係第一位。白禮頓放走左中場大腦戈斯同輪換球員拉蘭拿，今場起用占士米拿拍住基摩出任防中。講用波能力，老人家同戈斯有一段距離，所以係中場既控制力同創造性都比上季差左。米拿都只係替工，睇下球會買到咩人又或者新帥會用邊個黎踢呢個位置。傷兵仲有馬治、艾斯度邊恩同費格遜等，今屆又唔駛踢歐洲賽，可以預期白禮頓今屆既成績可以又試下衝頭六。
曼聯雖然輸波，但今場既表現唔係差。特別係同上季比較既話，今場係進步左好多。上半場限制左對方只有三次射門，而自己就有五次射門。形勢係比較均等，冇乜邊隊特別佔優。直到由下半場迪亞路追平後，大家都踢得幾開放 ，互相都有入波機會。轉捩點就肯定係七十分鐘，舒克斯越位情況下係白界線前掂到一個必入既波，而令到曼聯未能領先對手，先有祖奧柏度係補時階段入波令曼聯被擊敗。
三樣野值得研究
第一樣就係般奴係咪一定唔可以換走？上半場論表現既話，曼治明顯係狀態同表現都比般奴好。今場佢除左係逼搶上繼續交到功課外，進攻亦多左係前場做第一點停波同向前插入走位，少左墮後策應。先落後下，下半場一開波就要換入前鋒係無可厚非，但二揀一下點解要將表現較好既曼治抽起？佢係咪完全冇能力做進攻核心？係既話咁當初買佢既原因係乜？
第二樣則係入左波係咪一定唔換得？迪亞路整場波既表現都比較一般。雖然個波唔係好多時都派去佢果邊，但當佢拎到波後，佢做既決定都係比較差。佢六十分鐘入波，係咪咁堅持要到89分鐘先肯換入安東尼去改變一下右路既進攻人選？安東尼一出黎亦即刻過左兩人再沉底用右腳出波，中間亦有人接應有射門。望落佢既狀態又唔係差到連20分鐘時間都唔可以俾佢試囉。
第三樣就係舒克斯。先講七十分鐘既一次反擊，般奴既疊瓦，迪亞路既忍再送般奴一程，然後尾柱加拿祖接應般奴地波射門，整個攻勢都真係叫做完美。門前既舒克斯係果刻都冇可能唔飛剷搏入波，加拿祖射果腳都冇咩好批評，但就係省中左越位既舒克斯個膝頭先至入。除左講「好慘」，就係「好L慘」。從呢下半場呢45分鐘睇，個人比較期待舒克斯同海倫同場合作。舒克斯既有一定既埋門觸角（連埋今次越位都叫入左兩球），亦有墮後組織串連中前場既能力。一剛一柔，如再將般奴墮後一格派牌，隊波有條件踢得更直接。佢既加盟增加左中前場既戰術變化，呢個收購暫時睇係幾好！
總結
球季都係岩岩開始，輸一場波並唔係世界末日，正好俾隊波睇下有咩問題要執。今場既死球防守係好有問題，多次俾對手直接攻門，而輸果一球既防守亦非常「學界」，左路可以係完全冇人防守。整體黎講，小弟收貨。 下場對利物浦又睇下隊波踢成點！
曼聯雖然輸波，但今場既表現唔係差。特別係同上季比較既話，今場係進步左好多。上半場限制左對方只有三次射門，而自己就有五次射門。形勢係比較均等，冇乜邊隊特別佔優。直到由下半場迪亞路追平後，大家都踢得幾開放 ，互相都有入波機會。轉捩點就肯定係七十分鐘，舒克斯越位情況下係白界線前掂到一個必入既波，而令到曼聯未能領先對手，先有祖奧柏度係補時階段入波令曼聯被擊敗。
三樣野值得研究
第一樣就係般奴係咪一定唔可以換走？上半場論表現既話，曼治明顯係狀態同表現都比般奴好。今場佢除左係逼搶上繼續交到功課外，進攻亦多左係前場做第一點停波同向前插入走位，少左墮後策應。先落後下，下半場一開波就要換入前鋒係無可厚非，但二揀一下點解要將表現較好既曼治抽起？佢係咪完全冇能力做進攻核心？係既話咁當初買佢既原因係乜？
第二樣則係入左波係咪一定唔換得？迪亞路整場波既表現都比較一般。雖然個波唔係好多時都派去佢果邊，但當佢拎到波後，佢做既決定都係比較差。佢六十分鐘入波，係咪咁堅持要到89分鐘先肯換入安東尼去改變一下右路既進攻人選？安東尼一出黎亦即刻過左兩人再沉底用右腳出波，中間亦有人接應有射門。望落佢既狀態又唔係差到連20分鐘時間都唔可以俾佢試囉。
第三樣就係舒克斯。先講七十分鐘既一次反擊，般奴既疊瓦，迪亞路既忍再送般奴一程，然後尾柱加拿祖接應般奴地波射門，整個攻勢都真係叫做完美。門前既舒克斯係果刻都冇可能唔飛剷搏入波，加拿祖射果腳都冇咩好批評，但就係省中左越位既舒克斯個膝頭先至入。除左講「好慘」，就係「好L慘」。從呢下半場呢45分鐘睇，個人比較期待舒克斯同海倫同場合作。舒克斯既有一定既埋門觸角（連埋今次越位都叫入左兩球），亦有墮後組織串連中前場既能力。一剛一柔，如再將般奴墮後一格派牌，隊波有條件踢得更直接。佢既加盟增加左中前場既戰術變化，呢個收購暫時睇係幾好！
總結
球季都係岩岩開始，輸一場波並唔係世界末日，正好俾隊波睇下有咩問題要執。今場既死球防守係好有問題，多次俾對手直接攻門，而輸果一球既防守亦非常「學界」，左路可以係完全冇人防守。整體黎講，小弟收貨。 下場對利物浦又睇下隊波踢成點！