福仔生性病母感安慰（賽後簡評-修咸頓對曼聯）
坦夏今場係正選陣容作出左改變，抽起左卡斯美路同加拿祖，用艾歷臣同迪亞路取代佢兩個位置，其餘位置人腳不變。基於正選上起用左艾歷臣，所以坦夏係戰術上都有改變，並冇要求球隊不停前壓踢高位逼搶，反而選擇改踢中低位防守。
《球賽戰況》
頭三十分鐘，修咸頓確實係佔有較多控球權。除左迪布林係右路能產生較大威脅外，整隊攻勢都係隔靴搔癢。反而，曼聯憑反擊或者係僅有既控球在腳時，產生埋門既威脅俾修咸頓更大。球賽轉淚點相信係三十三分鐘，修咸頓前鋒阿查射失十二碼。僅兩分鐘後，迪列特接應般奴傳送頂入加盟球會既第一球。華舒福再係四十一分鐘射入第二球，兩隊既信心同士氣都此消彼長。下半場曼聯拖慢黎踢，而修咸頓亦係下半場六十分鐘作出變動。不過史提芬斯係七十九分鐘被直紅趕離場，想追番一球就難上加難。最後加拿祖補時階段入波錦上添花，曼聯三比零輕取對手。
《三樣野值得一讚》
讚一下坦夏係正選陣容用上艾歷臣，面對較弱既對手用佢係有助球隊持球進攻既節奏掌控。雖然有佢就好難係前場踢高位壓逼，打唔到高效既快速轉換，但係整隊進攻既耐性明顯係加強左，亦加強左球隊係陣地戰進攻既板斧。
除左艾歷臣外，第二個想讚既係華舒福同舒克斯。華舒福除左有一個入波外，可以見到佢同隊友既配合係多左，冇再盲目突破或衝入人堆，而佢係前場幫手停波再回波幫助球隊解除逼搶亦做得不俗。舒克斯表現亦不俗，係前場既遊走幫助球隊串連做多左，而佢明顯比海倫更夾到福仔同般奴，唔止淨係係前線等波，亦有衝入禁區接應，今場入唔到波都係差少少運氣。
第三個要讚當然係今場mom迪列特。防守可以話係滴水不漏，更先入波幫助球隊打破悶局。讚還讚，今場對手實力相對較弱，後防線自然唔會受到太大考驗。要對番強少少既對手先可以驗證到佢既能力。
《總結》
曼聯今場贏波終止左二連敗，同日利物浦輸左俾森林，白禮頓同葉士域治打和，可以見到英超既競爭何其激烈。曼聯呢場贏波可以令球員拎番唔少信心。下場十七號係聯賽盃第三圈對班士利，睇下坦夏會唔會作出輪換，等一眾正選可以抖抖去迎戰十七號聯賽對水晶宮。
《球賽戰況》
頭三十分鐘，修咸頓確實係佔有較多控球權。除左迪布林係右路能產生較大威脅外，整隊攻勢都係隔靴搔癢。反而，曼聯憑反擊或者係僅有既控球在腳時，產生埋門既威脅俾修咸頓更大。球賽轉淚點相信係三十三分鐘，修咸頓前鋒阿查射失十二碼。僅兩分鐘後，迪列特接應般奴傳送頂入加盟球會既第一球。華舒福再係四十一分鐘射入第二球，兩隊既信心同士氣都此消彼長。下半場曼聯拖慢黎踢，而修咸頓亦係下半場六十分鐘作出變動。不過史提芬斯係七十九分鐘被直紅趕離場，想追番一球就難上加難。最後加拿祖補時階段入波錦上添花，曼聯三比零輕取對手。
《三樣野值得一讚》
讚一下坦夏係正選陣容用上艾歷臣，面對較弱既對手用佢係有助球隊持球進攻既節奏掌控。雖然有佢就好難係前場踢高位壓逼，打唔到高效既快速轉換，但係整隊進攻既耐性明顯係加強左，亦加強左球隊係陣地戰進攻既板斧。
除左艾歷臣外，第二個想讚既係華舒福同舒克斯。華舒福除左有一個入波外，可以見到佢同隊友既配合係多左，冇再盲目突破或衝入人堆，而佢係前場幫手停波再回波幫助球隊解除逼搶亦做得不俗。舒克斯表現亦不俗，係前場既遊走幫助球隊串連做多左，而佢明顯比海倫更夾到福仔同般奴，唔止淨係係前線等波，亦有衝入禁區接應，今場入唔到波都係差少少運氣。
第三個要讚當然係今場mom迪列特。防守可以話係滴水不漏，更先入波幫助球隊打破悶局。讚還讚，今場對手實力相對較弱，後防線自然唔會受到太大考驗。要對番強少少既對手先可以驗證到佢既能力。
《總結》
曼聯今場贏波終止左二連敗，同日利物浦輸左俾森林，白禮頓同葉士域治打和，可以見到英超既競爭何其激烈。曼聯呢場贏波可以令球員拎番唔少信心。下場十七號係聯賽盃第三圈對班士利，睇下坦夏會唔會作出輪換，等一眾正選可以抖抖去迎戰十七號聯賽對水晶宮。