遲早到馬沙拉維「爆偈」
睇圖就知，達洛治都知道自己係失波罪人。除左呢一腳之外，今場佢既表現係災難級。不過，今次唔係想問責，而係想探討咩因素令佢今場突然hang晒機。
《左閘既新任務》
梳爾同馬拿斯亞由開季至今都係養傷當中，換句話曼聯係呢三個月同上季一樣都係冇正宗左閘。幸好，馬沙拉維既加盟令曼聯起碼叫做有兩個具級數既閘位球員。先講左右閘既任務，坦夏要求係build-up時，左閘除左要係邊線支援左中堅外，亦需要更多內切入中路係中路製造人數優勢，幫助球隊解除逼搶，而因左閘移左入中路，亦會因應情況進入half-space幫手進攻；反而右閘會更多時間留守後場，形成三中堅做出球點，有機會間中先會推前overlap係邊路協助進攻。左右閘既功能改變下，令左右閘既體能輸出係有所不同，左閘既體能要求會比右閘為高。達洛治同馬沙拉維都可以踢左閘，坦夏就選擇讓達洛治改踢左閘，而馬沙拉維就踢番右閘。原因？馬沙拉維既用波傳送能力比達洛治穩陣，但如要求佢用個人技術去落底出波，甚至乎要入中路背身拎波轉身，就應該唔夠達洛治好，所以坦夏呢個決定係有想法。
《咁踢法鐵人都死》
上文已提及基於曼聯兩隻左閘都傷，所以馬沙拉維同達洛治係冇得休息。唔計國際賽，達洛治今季係踢足晒曼聯所有賽事，連聯賽盃對班士利都踢左63分鐘先被換走。上季開始，達洛治都近乎係踢足所有比賽。加上今季左閘既新任務，大大加重左佢既體能負擔。小弟認為今場佢嚴重失準，歸根究底既原因係佢既使用率過大，令佢既體能恢復唔切導致「爆計」。現代足球對兩閘既體能同技術要求都極高，達洛治下場能否恢復得切，絕對係曼聯能否贏波既因素之一。
《總結》
曼聯至今既兩個正宗左閘都仲係養緊傷，令到坦夏係呢個艱難時期下係冇可能抽起馬沙拉維同達洛治其中一人。諗多一步就係達洛治已經「爆計」，下個會唔會輪到馬沙拉維？下場歐霸作客波圖，再下場就聯賽作客維拉，兩閘既表現絕對影響曼聯攻守能力，佢兩個恢復程度既多少，或者會係曼聯呢兩場贏輸既關鍵！
《左閘既新任務》
梳爾同馬拿斯亞由開季至今都係養傷當中，換句話曼聯係呢三個月同上季一樣都係冇正宗左閘。幸好，馬沙拉維既加盟令曼聯起碼叫做有兩個具級數既閘位球員。先講左右閘既任務，坦夏要求係build-up時，左閘除左要係邊線支援左中堅外，亦需要更多內切入中路係中路製造人數優勢，幫助球隊解除逼搶，而因左閘移左入中路，亦會因應情況進入half-space幫手進攻；反而右閘會更多時間留守後場，形成三中堅做出球點，有機會間中先會推前overlap係邊路協助進攻。左右閘既功能改變下，令左右閘既體能輸出係有所不同，左閘既體能要求會比右閘為高。達洛治同馬沙拉維都可以踢左閘，坦夏就選擇讓達洛治改踢左閘，而馬沙拉維就踢番右閘。原因？馬沙拉維既用波傳送能力比達洛治穩陣，但如要求佢用個人技術去落底出波，甚至乎要入中路背身拎波轉身，就應該唔夠達洛治好，所以坦夏呢個決定係有想法。
《咁踢法鐵人都死》
上文已提及基於曼聯兩隻左閘都傷，所以馬沙拉維同達洛治係冇得休息。唔計國際賽，達洛治今季係踢足晒曼聯所有賽事，連聯賽盃對班士利都踢左63分鐘先被換走。上季開始，達洛治都近乎係踢足所有比賽。加上今季左閘既新任務，大大加重左佢既體能負擔。小弟認為今場佢嚴重失準，歸根究底既原因係佢既使用率過大，令佢既體能恢復唔切導致「爆計」。現代足球對兩閘既體能同技術要求都極高，達洛治下場能否恢復得切，絕對係曼聯能否贏波既因素之一。
《總結》
曼聯至今既兩個正宗左閘都仲係養緊傷，令到坦夏係呢個艱難時期下係冇可能抽起馬沙拉維同達洛治其中一人。諗多一步就係達洛治已經「爆計」，下個會唔會輪到馬沙拉維？下場歐霸作客波圖，再下場就聯賽作客維拉，兩閘既表現絕對影響曼聯攻守能力，佢兩個恢復程度既多少，或者會係曼聯呢兩場贏輸既關鍵！