原來隊長先係鬼（賽後簡評-波圖對曼聯）
《比賽戰況》
正選陣容同小弟既預測陣容只係差一個卡斯美路，都唔難預測到坦夏呢場要主動出擊。不過中場出埋卡斯美路，就令到整條中場線既速率遠遠不及對手。坦夏想係前場壓迫，但中場既速率同覆蓋率都欠奉，所以曼聯今場都極少可以係高位逼甩對手再打轉守為攻。坦夏睇黎亦冇做功課，波圖基本上都係九九八十一斬，描住前鋒森美爾去斬。對方亦針對部署係曼聯既左路進襲，就係睇穿你達洛治內收，加上華舒福回防意慾較低，靠馬利奧斬斬斬就有斬獲。迪列特踢得非常吃力，如果有做功課就應該先用麥佳亞，身型同制空肯定唔會輸得咁慘烈。雖然防守今場係差，但當球隊有球在腳時，進攻既節奏控制明顯較好。上半場頭兩次射門就入左兩球。海倫亦不負所托咁射入左一球。兩邊既側擊同傳中亦比以往多，幾下都係差埋門果腳。今場係正選陣容上起碼肯變下，變完都即刻有波入，呢樣都要讚下領隊既。
下半場坦夏用加拿祖入替華舒福，望落福仔唔似有傷，可能坦夏係唔滿意佢既防守積極性。雖然進攻佢係有貨交，但都係要換。下半場又係極早時間就失波，缺口都係左路。之後波圖主動放棄球權等曼聯攻。可惜，曼聯既進攻都係依賴邊路既單打獨鬥。個波只要一到加拿祖腳，一係扭失一係推大位射；右邊既迪亞路反而有一兩下配合，但到最後一傳都係差少少。反而波圖既反擊極有威脅，要不是安拿拿神救左「幾」下，麥佳亞最後都冇可能救到國。今場要揀最佳球員就肯肯定係安拿拿。坦夏係78分鐘換入麥佳亞同伊雲斯，呢個調動純粹係因為一對正選中堅體力不足，反而麥前隊長既制空力係補時階段發揮到，接應角球一頂入網，起碼拎番一分救國救坦夏。
《最失望球員》
最失望既球員當然係般奴隊長。今場佢既表現係令人失望方面係冇令人失望。建樹不大亦繼上場之後再次被趕離場，再次要隊友十人應戰。佢既情況同上季安拿拿好相似，唔知咩事但總之就係有問題，要去一去非洲盃抖番一個月，個人先好似醒番咁。今場曼治同明奈都有微傷，中場冇人而焗出佢都冇辦法，但下場對維拉都仲用佢既話，坦夏都真係要自求多福。
《換人問題》
換人方面，小弟對坦夏都幾失望。去到呢個地步仲要落後一球，佢都係仍然堅持位換位既調動。換完人既戰況其實同冇換係差唔多，叫做圍住黎搓但冇乜配合係可以打穿人地防守。舒克斯入到黎都冇乜點踢到波，而中前場走位亦欠奉，positional play就真係企左係個postition就完左。如果坦夏係落後情況肯抽走般奴改踢4-4-2，就算最後追唔番，我相信部分球迷會相對受落，起碼見到領隊係絕境下會改變自己固有想法，唔係咁stubborn 。
《總結》
曼聯作客波圖從來都唔易踢，但領先兩球下都未能取勝，對球迷黎講就肯肯定唔okay，但最後都拎到一分又入到三球，都算係咁啦。唔知Jim sir點睇呢場波？打和又算唔算過關呢？周末對維拉仲難踢，睇下坦夏會唔會改變一下踢法，或者試下抽走某位球員啦！
正選陣容同小弟既預測陣容只係差一個卡斯美路，都唔難預測到坦夏呢場要主動出擊。不過中場出埋卡斯美路，就令到整條中場線既速率遠遠不及對手。坦夏想係前場壓迫，但中場既速率同覆蓋率都欠奉，所以曼聯今場都極少可以係高位逼甩對手再打轉守為攻。坦夏睇黎亦冇做功課，波圖基本上都係九九八十一斬，描住前鋒森美爾去斬。對方亦針對部署係曼聯既左路進襲，就係睇穿你達洛治內收，加上華舒福回防意慾較低，靠馬利奧斬斬斬就有斬獲。迪列特踢得非常吃力，如果有做功課就應該先用麥佳亞，身型同制空肯定唔會輸得咁慘烈。雖然防守今場係差，但當球隊有球在腳時，進攻既節奏控制明顯較好。上半場頭兩次射門就入左兩球。海倫亦不負所托咁射入左一球。兩邊既側擊同傳中亦比以往多，幾下都係差埋門果腳。今場係正選陣容上起碼肯變下，變完都即刻有波入，呢樣都要讚下領隊既。
下半場坦夏用加拿祖入替華舒福，望落福仔唔似有傷，可能坦夏係唔滿意佢既防守積極性。雖然進攻佢係有貨交，但都係要換。下半場又係極早時間就失波，缺口都係左路。之後波圖主動放棄球權等曼聯攻。可惜，曼聯既進攻都係依賴邊路既單打獨鬥。個波只要一到加拿祖腳，一係扭失一係推大位射；右邊既迪亞路反而有一兩下配合，但到最後一傳都係差少少。反而波圖既反擊極有威脅，要不是安拿拿神救左「幾」下，麥佳亞最後都冇可能救到國。今場要揀最佳球員就肯肯定係安拿拿。坦夏係78分鐘換入麥佳亞同伊雲斯，呢個調動純粹係因為一對正選中堅體力不足，反而麥前隊長既制空力係補時階段發揮到，接應角球一頂入網，起碼拎番一分救國救坦夏。
《最失望球員》
最失望既球員當然係般奴隊長。今場佢既表現係令人失望方面係冇令人失望。建樹不大亦繼上場之後再次被趕離場，再次要隊友十人應戰。佢既情況同上季安拿拿好相似，唔知咩事但總之就係有問題，要去一去非洲盃抖番一個月，個人先好似醒番咁。今場曼治同明奈都有微傷，中場冇人而焗出佢都冇辦法，但下場對維拉都仲用佢既話，坦夏都真係要自求多福。
《換人問題》
換人方面，小弟對坦夏都幾失望。去到呢個地步仲要落後一球，佢都係仍然堅持位換位既調動。換完人既戰況其實同冇換係差唔多，叫做圍住黎搓但冇乜配合係可以打穿人地防守。舒克斯入到黎都冇乜點踢到波，而中前場走位亦欠奉，positional play就真係企左係個postition就完左。如果坦夏係落後情況肯抽走般奴改踢4-4-2，就算最後追唔番，我相信部分球迷會相對受落，起碼見到領隊係絕境下會改變自己固有想法，唔係咁stubborn 。
《總結》
曼聯作客波圖從來都唔易踢，但領先兩球下都未能取勝，對球迷黎講就肯肯定唔okay，但最後都拎到一分又入到三球，都算係咁啦。唔知Jim sir點睇呢場波？打和又算唔算過關呢？周末對維拉仲難踢，睇下坦夏會唔會改變一下踢法，或者試下抽走某位球員啦！