反完坦又睇下反邊個
今日最爆既消息就係曼聯宣布同領隊坦夏分道揚鑣，相信一眾反坦黨會開香檳大肆慶祝，而一班撐坦黨（包括我）都可能會有少少愕然。以我角度而言，因球證黑哨而輸左俾韋斯咸，而因此要立刻炒坦夏，在情在理上個說服力係完全唔夠。如果管理層係球隊輸俾熱刺後而炒佢，說服力相對仲大少少。因為從近況黎講，曼聯點都叫做前四場不敗，而輸既呢一場絕對唔會關坦夏事。
《睇黎一早已想炒》
國際賽期間傳出管理層開埋會既最終決定係唔炒佢住，等佢繼續帶，到上周六傳有管理層飛到西班牙搵沙維密斟，而對韋斯咸呢場波一輸就即刻落鑊。馬後炮睇（金田一上身），小弟有理由相信，管理層係呢幾個星期係不停都有搵唔同既領隊傾計，睇下邊個傾得掂數，然後只係等坦夏邊一場輸波，就會立刻落鑊。就算呢場唔輸，下下場對車路士，都好大機會會冇分落袋就可以炒。以Ineos今季既辦事作風，搵定左人先炒都幾合理，絕對唔似以前先炒再慢慢搵。因此，小弟相信雲佬既暫代領隊都係做一兩場，等件事過一過冷河就會公佈邊個上馬。呢幾日所謂既「搵領隊」都係做下樣，好大機會「沙維」會入魔又或者「蘇B」重返都唔出奇。個人估就「沙維」機會比較大。
《個人意見》
球隊係呢個時候易帥，我就唔太覺得係一個合適既時機。第一個原因係傷兵太多，就算換領隊，你都係得呢堆人俾你用，我唔認為係踢法上可以有好大既改變。第二係今季整隊係防守同進攻係數據上都比上季有進步。雖然戰績上反映唔到，但主要原因係球員係埋門把握既處理做得唔夠好，而整隊係創造機會方面係有明顯進步。第三則係人腳級數問題，當你起用廿歲都未夠既年青球員擔大旗，係穩定性方面就一定係不足，仲要講緊係唔止一個擔大旗。加拿祖、海倫、明奴同迪亞路都係今季常規球員，除左穩定性，級數未夠都係主因。呢堆咁年輕既球員明顯係需要時間去提升，而唔係立刻可以交出球星級既能力。種種原因解釋點解我會選擇撐坦，撐坦但唔代表唔駛炒佢，但我就唔會係呢個時間炒。
《展望》
坦夏已被炒，對管理層既展望係千其唔好又請番以防守理念行先既領隊，咪球隊又走回頭路，真係唔知幾時先輪迴完。此外，雲佬上任，希望佢都把握機會贏得一場得一場，又睇下佢走馬頂住，球隊既精神面貌同踢法又會唔會好唔同，從而睇下究竟係咪球員逼宮成功啦！
《睇黎一早已想炒》
國際賽期間傳出管理層開埋會既最終決定係唔炒佢住，等佢繼續帶，到上周六傳有管理層飛到西班牙搵沙維密斟，而對韋斯咸呢場波一輸就即刻落鑊。馬後炮睇（金田一上身），小弟有理由相信，管理層係呢幾個星期係不停都有搵唔同既領隊傾計，睇下邊個傾得掂數，然後只係等坦夏邊一場輸波，就會立刻落鑊。就算呢場唔輸，下下場對車路士，都好大機會會冇分落袋就可以炒。以Ineos今季既辦事作風，搵定左人先炒都幾合理，絕對唔似以前先炒再慢慢搵。因此，小弟相信雲佬既暫代領隊都係做一兩場，等件事過一過冷河就會公佈邊個上馬。呢幾日所謂既「搵領隊」都係做下樣，好大機會「沙維」會入魔又或者「蘇B」重返都唔出奇。個人估就「沙維」機會比較大。
《個人意見》
球隊係呢個時候易帥，我就唔太覺得係一個合適既時機。第一個原因係傷兵太多，就算換領隊，你都係得呢堆人俾你用，我唔認為係踢法上可以有好大既改變。第二係今季整隊係防守同進攻係數據上都比上季有進步。雖然戰績上反映唔到，但主要原因係球員係埋門把握既處理做得唔夠好，而整隊係創造機會方面係有明顯進步。第三則係人腳級數問題，當你起用廿歲都未夠既年青球員擔大旗，係穩定性方面就一定係不足，仲要講緊係唔止一個擔大旗。加拿祖、海倫、明奴同迪亞路都係今季常規球員，除左穩定性，級數未夠都係主因。呢堆咁年輕既球員明顯係需要時間去提升，而唔係立刻可以交出球星級既能力。種種原因解釋點解我會選擇撐坦，撐坦但唔代表唔駛炒佢，但我就唔會係呢個時間炒。
《展望》
坦夏已被炒，對管理層既展望係千其唔好又請番以防守理念行先既領隊，咪球隊又走回頭路，真係唔知幾時先輪迴完。此外，雲佬上任，希望佢都把握機會贏得一場得一場，又睇下佢走馬頂住，球隊既精神面貌同踢法又會唔會好唔同，從而睇下究竟係咪球員逼宮成功啦！