Amorim會係曼聯既「Mr. Right」？
尋晚先講完話Ineos肯定一早搵完人傾掂數，今日就已經有消息話士砵亭領隊阿莫林準備好入魔，基本上只係等官宣攪掂。
《分析下佢將會係曼聯帶隊既模式》
根據Youtube channel - 「Football Meta」既分析，阿莫林主打3-4-3陣式。阿莫林進攻好追求fluidity，亦有其他曼page講佢帶隊風格偏傳控、追求快打快、高位逼搶同陣式轉換。當球隊係後場build-up階段，中中堅會移前同兩名中場球員（6號位）幫手組織。另外兩名中堅拉開，聯一對翼衛拉闊邊路，聯同門將形成一個5-3既企位。另一個更常見就係中中堅推前同一名防守中場形成double pivot幫手組織，另外既中場則推前，形成2-4-2-2陣形。根據呢個模式，中中堅除左要識踢中堅位外，仲要具備係中場背身用波既能力，宏觀曼聯成隊得馬天尼斯係有咁既能力。其餘兩名中堅將會係左中堅約羅同右中堅迪列特，麥佳亞、伊雲斯同連迪路夫則會係後備。麥佳亞理論上踢中中堅較好，但如要推前至中場幫手用波build-up，睇黎非佢所長，要佢踢左右中堅亦冇速度去協防左右兩翼位既空位，睇黎賣得。連迪路夫就反而有得留低，腳下功夫還可以既佢或者可以輪換馬天尼斯，而伊雲斯踢左右中堅都未必唔可行，但年事已高都係踢一場抖一場。要咁踢既話，中堅都起碼要買兩個人。
兩翼衛負責整條邊路，冇傷既梳同馬拉仔理論上ok，不過呢兩個打壞到依家都未出得番，青年軍反而有個阿密斯可以用下。此子攻強守弱，有左中堅執屎，可以解放下佢既進攻能力。如前兩者出得番，呢個位置都唔一定要添兵。反而右路既馬沙拉維就未必得，佢唔係一個workrate咁高既球員，落底傳中亦非擅長。要佢成條邊咁踢就未必岩用，而達洛治則肯定可以適應呢個位置，所以右翼衛係有需要買人。
中場方面，球隊需要兩個防守中場，一個可以全力掃蕩，另一個則要推前進攻走上走落。當球隊成功運波到中場，就會留守一個掃蕩形中場，而另一個則壓前，形成接近3-1-6既陣式。中場掃蕩位都肯定係烏格迪同卡斯美路二選一，理論上烏格迪既正選位都好穩陣，胖虎亦有能力去輪換。烏仔問題不大，但佢個拍檔就好大問題。無論用般奴、艾歷臣定係明奈，用邊個都係唔夠workrate，亦有各自既問題。三人防守力都係不足，般奴太易失位、艾歷臣速率太慢、明奈覆蓋率唔夠。要靠呢5個人既其中兩個去踢，中場應該會有問題。
前場方面，因邊線係交俾翼衛負責，half-space就要交俾兩翼去攻。曼聯現有既翼，無論係加拿祖、華舒福定係迪亞路，佢地都係純翼鋒。踢呢個位唔識係線與線中間半轉身，持球後亦缺乏同隊友短傳配合既意識，幾個亦冇傳球既創造力。冇空間俾佢地就等同廢武功，所以翼鋒呢個位睇黎會大執。正前鋒方面，舒克斯同海倫應該都可以踢到，海倫係中鋒位做支點；舒克斯多墮後策應，都係兩類模式，對阿莫林黎講都係有得揀。總結前場方面，要睇下阿莫林教人既功力如何，否則都係要買人居多。
《總結》
小弟認為曼聯呢班球員係唔太match阿莫林既常用陣式，相信球會又要大灑金錢去換過另一批先得。再講，阿莫林帶隊既風格同坦夏都幾相似，但明顯曼聯班人係做唔到。坦夏都妥協左好多，但最後都係要落台。究竟今次管理層肯俾幾多年時間佢？呢個又係咪「對的人」呢？
==============================
P.S. : 歡迎follow我既ig一齊討論
IG : hea.talk.manu
《分析下佢將會係曼聯帶隊既模式》
根據Youtube channel - 「Football Meta」既分析，阿莫林主打3-4-3陣式。阿莫林進攻好追求fluidity，亦有其他曼page講佢帶隊風格偏傳控、追求快打快、高位逼搶同陣式轉換。當球隊係後場build-up階段，中中堅會移前同兩名中場球員（6號位）幫手組織。另外兩名中堅拉開，聯一對翼衛拉闊邊路，聯同門將形成一個5-3既企位。另一個更常見就係中中堅推前同一名防守中場形成double pivot幫手組織，另外既中場則推前，形成2-4-2-2陣形。根據呢個模式，中中堅除左要識踢中堅位外，仲要具備係中場背身用波既能力，宏觀曼聯成隊得馬天尼斯係有咁既能力。其餘兩名中堅將會係左中堅約羅同右中堅迪列特，麥佳亞、伊雲斯同連迪路夫則會係後備。麥佳亞理論上踢中中堅較好，但如要推前至中場幫手用波build-up，睇黎非佢所長，要佢踢左右中堅亦冇速度去協防左右兩翼位既空位，睇黎賣得。連迪路夫就反而有得留低，腳下功夫還可以既佢或者可以輪換馬天尼斯，而伊雲斯踢左右中堅都未必唔可行，但年事已高都係踢一場抖一場。要咁踢既話，中堅都起碼要買兩個人。
兩翼衛負責整條邊路，冇傷既梳同馬拉仔理論上ok，不過呢兩個打壞到依家都未出得番，青年軍反而有個阿密斯可以用下。此子攻強守弱，有左中堅執屎，可以解放下佢既進攻能力。如前兩者出得番，呢個位置都唔一定要添兵。反而右路既馬沙拉維就未必得，佢唔係一個workrate咁高既球員，落底傳中亦非擅長。要佢成條邊咁踢就未必岩用，而達洛治則肯定可以適應呢個位置，所以右翼衛係有需要買人。
中場方面，球隊需要兩個防守中場，一個可以全力掃蕩，另一個則要推前進攻走上走落。當球隊成功運波到中場，就會留守一個掃蕩形中場，而另一個則壓前，形成接近3-1-6既陣式。中場掃蕩位都肯定係烏格迪同卡斯美路二選一，理論上烏格迪既正選位都好穩陣，胖虎亦有能力去輪換。烏仔問題不大，但佢個拍檔就好大問題。無論用般奴、艾歷臣定係明奈，用邊個都係唔夠workrate，亦有各自既問題。三人防守力都係不足，般奴太易失位、艾歷臣速率太慢、明奈覆蓋率唔夠。要靠呢5個人既其中兩個去踢，中場應該會有問題。
前場方面，因邊線係交俾翼衛負責，half-space就要交俾兩翼去攻。曼聯現有既翼，無論係加拿祖、華舒福定係迪亞路，佢地都係純翼鋒。踢呢個位唔識係線與線中間半轉身，持球後亦缺乏同隊友短傳配合既意識，幾個亦冇傳球既創造力。冇空間俾佢地就等同廢武功，所以翼鋒呢個位睇黎會大執。正前鋒方面，舒克斯同海倫應該都可以踢到，海倫係中鋒位做支點；舒克斯多墮後策應，都係兩類模式，對阿莫林黎講都係有得揀。總結前場方面，要睇下阿莫林教人既功力如何，否則都係要買人居多。
《總結》
小弟認為曼聯呢班球員係唔太match阿莫林既常用陣式，相信球會又要大灑金錢去換過另一批先得。再講，阿莫林帶隊既風格同坦夏都幾相似，但明顯曼聯班人係做唔到。坦夏都妥協左好多，但最後都係要落台。究竟今次管理層肯俾幾多年時間佢？呢個又係咪「對的人」呢？
==============================
P.S. : 歡迎follow我既ig一齊討論
IG : hea.talk.manu