雲佬：射唔入，點贏呀？（賽後簡評-曼聯對車路士）
《叫得彭馬FC梗係有原因》
馬列斯卡排出4-2-3-1陣式，門將起用山齊士。列斯占士改踢左閘，古斯度踢右閘。左右中堅係高維同科芬拿。一對防中用拉維亞同沙斯度。左右翼係柏度尼圖同馬度亞基。攻中彭馬支援前鋒積遜攻堅。呢十一人係周中冇正選上陣，只有馬度亞基係後備有入替，整隊足足有七日時間休息。車路士有球進攻時會變成3-2-5陣式，將古斯度推前入half-space，而占士反而會留番後場build-up。一對防中係中路掃蕩同過渡。彭馬位置上雖然係進攻左路half-space，基於一對防中既創造力不足，所以彭馬個自由度極大。佢冇位置限制，因應佢對空間同對球賽既理解去選擇墮後較炮或留守前場。一對翼基本都係單打獨鬥為主，前鋒積遜就靠速度衝擊對方一對中堅既身後空間。因一對防中唔係用波人才，前線三义擊都係以單打獨鬥為主，缺乏組織配合能力，柏度尼圖已經算較好，變左彭馬要一個支撐起車路士既進攻組織派牌較炮。難怪隊波俾人叫做彭馬FC
《雲佬比坦夏仲直接》
雲佬接手第二場，陣容同周中冇大變動，只係抽番起比連迪亞、連迪路夫同舒克斯，將安拿拿、海倫同馬沙拉維擺番入正選陣容，其他人腳同周中不變。馬沙拉維為遷就達洛治改踢左閘；海倫則踢番正箭頭，而加拿祖同華舒福就調番轉，福仔踢番左面，而加拿祖就踢番右面。球隊係防守時改踢4-2-4，擺4人係前場應付對方既3-2 build-up企位，呢個模式都係普遍坦夏對強隊慣常既做法。進攻則同坦夏時期有所不同，今場一開波係build up上改用達洛治留守後場而將馬沙拉維推前協助福仔進攻，但今場踢法接近完全唔經中場。後場受壓就回後俾安拿拿，安拿拿就一腳長傳俾前線兩翼或海倫去踴去搶。上半場既場面同上季傷兵潮係非常接近，前中後斷開黎踢，開放式對攻足球非常性感。
《呢場波各得一分係合理》
車路士上半場係屬於主動既一方，起碼肯係後場搓兩板，嘗試打穿曼聯係中線既遮線搵彭馬，等佢去再做波。因車路士進攻左路為主，彭馬多次吸引到防守後再轉邊到右路，可惜古斯度既用波能力一般，馬度亞基亦太依賴個人突破，個波去到右路就會自動終斷。不得不提曼聯左閘馬沙拉維今場既防守真係滴水不漏，亦係車路士右路進攻癱瘓既原因。因為車路士組織力不足，前場斷纜多，所以曼聯留四人係前面就有好多反擊既機會。今場既表現一如以往，一係就掛住自己射自己推而唔交波，一係就有機會射果陣就唔知射左去邊或者送俾山齊士接實。下半場一開波，馬列斯卡先換入古古尼亞，將列斯占士改踢右閘，推前古古尼亞嘗試幫手打通左路。彭馬就移到右路進攻。曼聯都變一變，係上半場中後段將兩翼調轉位踢，下半場雲佬亦改左推前達洛治而留番馬沙拉維係後面防守彭馬。兩隊都唔係好用到個波，所以球來球往既時間較多。70分鐘，卡斯美路係右附位一腳福至心靈既傳中搵到海倫，佢一控一避俾山齊士撞跌，曼聯獲得十二碼，般奴一射入網。馬列斯卡隨即換入安素同梅迪歷加強攻力。迪亞路亦係3分鐘後入替冇乜表現既福仔。74分鐘，沙斯度係峨嵋月角窩利靚射入網，為車路士追成平手。雲佬去到84分鐘先換入舒克斯同連迪路夫，時間太短都起唔到咩作用。最後，曼聯同車路士一比一打和。
《總結》
馬列斯卡建隊思路清晰，防中最緊要覆蓋率同防守力要夠，波就俾晒彭馬發板，但缺陷係只要彭馬狀態差或被凍結，隊波就冇另一個人可以組織同發動進攻。兩翼亦太依賴突破，同隊友配合既次數寥寥可數。安素、尼高古同菲力斯應該都有一定能力可以幫到彭馬。兩邊都咁單打獨鬥對隊波唔一定係好事，或者試下抽起其中一個，起用一個突破力冇咁強但肯組織肯用下波既翼鋒，應該對車路士既進攻會有幫助。
雲佬第一場對副選李斯特城就輕鬆贏波，今場一對番同級對手就見真章。戰術套路同坦夏都冇咩大分別，但今場踢法更直接。某程度上都係對面進攻缺乏配合度先唔駛輸，而今場係進攻方面比坦夏時代更缺乏用波組織，球隊肯定講唔上係控制球賽，而最重要又係有機會但射唔入。連雲佬賽後都話，自己機會比對手好但都射唔入係非常失望。同一番說話由坦夏講就係「藉口」；明宿講就係「原因」，不過你都係帶多兩場，是但啦。另外，有不少人都話點解死都要留加拿祖係場上？個人睇法係，迪亞路突破力有，但埋門非擅長；福仔亦不復前季勇猛；最有射門慾既安東尼亦傷左，現時曼聯翼鋒能夠自己搵食既只係得番加拿祖一個。如果連佢都唔用，場上得番海倫、福仔同迪亞路，我諗場波踢夠180分鐘都未必入到波，所以就算佢有波應交而冇交，應射而射得差，暫時都要擺佢係場入面買個希望。小弟多次講，球員把握力唔係短時間可以提升到，球員既質數亦唔係換帥就可以增強，相信呢場波都見到係咩情況。唔炒都炒左，依家只能睇下阿莫林套體系岩唔岩曼聯，大家拭目以待。
馬列斯卡排出4-2-3-1陣式，門將起用山齊士。列斯占士改踢左閘，古斯度踢右閘。左右中堅係高維同科芬拿。一對防中用拉維亞同沙斯度。左右翼係柏度尼圖同馬度亞基。攻中彭馬支援前鋒積遜攻堅。呢十一人係周中冇正選上陣，只有馬度亞基係後備有入替，整隊足足有七日時間休息。車路士有球進攻時會變成3-2-5陣式，將古斯度推前入half-space，而占士反而會留番後場build-up。一對防中係中路掃蕩同過渡。彭馬位置上雖然係進攻左路half-space，基於一對防中既創造力不足，所以彭馬個自由度極大。佢冇位置限制，因應佢對空間同對球賽既理解去選擇墮後較炮或留守前場。一對翼基本都係單打獨鬥為主，前鋒積遜就靠速度衝擊對方一對中堅既身後空間。因一對防中唔係用波人才，前線三义擊都係以單打獨鬥為主，缺乏組織配合能力，柏度尼圖已經算較好，變左彭馬要一個支撐起車路士既進攻組織派牌較炮。難怪隊波俾人叫做彭馬FC
《雲佬比坦夏仲直接》
雲佬接手第二場，陣容同周中冇大變動，只係抽番起比連迪亞、連迪路夫同舒克斯，將安拿拿、海倫同馬沙拉維擺番入正選陣容，其他人腳同周中不變。馬沙拉維為遷就達洛治改踢左閘；海倫則踢番正箭頭，而加拿祖同華舒福就調番轉，福仔踢番左面，而加拿祖就踢番右面。球隊係防守時改踢4-2-4，擺4人係前場應付對方既3-2 build-up企位，呢個模式都係普遍坦夏對強隊慣常既做法。進攻則同坦夏時期有所不同，今場一開波係build up上改用達洛治留守後場而將馬沙拉維推前協助福仔進攻，但今場踢法接近完全唔經中場。後場受壓就回後俾安拿拿，安拿拿就一腳長傳俾前線兩翼或海倫去踴去搶。上半場既場面同上季傷兵潮係非常接近，前中後斷開黎踢，開放式對攻足球非常性感。
《呢場波各得一分係合理》
車路士上半場係屬於主動既一方，起碼肯係後場搓兩板，嘗試打穿曼聯係中線既遮線搵彭馬，等佢去再做波。因車路士進攻左路為主，彭馬多次吸引到防守後再轉邊到右路，可惜古斯度既用波能力一般，馬度亞基亦太依賴個人突破，個波去到右路就會自動終斷。不得不提曼聯左閘馬沙拉維今場既防守真係滴水不漏，亦係車路士右路進攻癱瘓既原因。因為車路士組織力不足，前場斷纜多，所以曼聯留四人係前面就有好多反擊既機會。今場既表現一如以往，一係就掛住自己射自己推而唔交波，一係就有機會射果陣就唔知射左去邊或者送俾山齊士接實。下半場一開波，馬列斯卡先換入古古尼亞，將列斯占士改踢右閘，推前古古尼亞嘗試幫手打通左路。彭馬就移到右路進攻。曼聯都變一變，係上半場中後段將兩翼調轉位踢，下半場雲佬亦改左推前達洛治而留番馬沙拉維係後面防守彭馬。兩隊都唔係好用到個波，所以球來球往既時間較多。70分鐘，卡斯美路係右附位一腳福至心靈既傳中搵到海倫，佢一控一避俾山齊士撞跌，曼聯獲得十二碼，般奴一射入網。馬列斯卡隨即換入安素同梅迪歷加強攻力。迪亞路亦係3分鐘後入替冇乜表現既福仔。74分鐘，沙斯度係峨嵋月角窩利靚射入網，為車路士追成平手。雲佬去到84分鐘先換入舒克斯同連迪路夫，時間太短都起唔到咩作用。最後，曼聯同車路士一比一打和。
《總結》
馬列斯卡建隊思路清晰，防中最緊要覆蓋率同防守力要夠，波就俾晒彭馬發板，但缺陷係只要彭馬狀態差或被凍結，隊波就冇另一個人可以組織同發動進攻。兩翼亦太依賴突破，同隊友配合既次數寥寥可數。安素、尼高古同菲力斯應該都有一定能力可以幫到彭馬。兩邊都咁單打獨鬥對隊波唔一定係好事，或者試下抽起其中一個，起用一個突破力冇咁強但肯組織肯用下波既翼鋒，應該對車路士既進攻會有幫助。
雲佬第一場對副選李斯特城就輕鬆贏波，今場一對番同級對手就見真章。戰術套路同坦夏都冇咩大分別，但今場踢法更直接。某程度上都係對面進攻缺乏配合度先唔駛輸，而今場係進攻方面比坦夏時代更缺乏用波組織，球隊肯定講唔上係控制球賽，而最重要又係有機會但射唔入。連雲佬賽後都話，自己機會比對手好但都射唔入係非常失望。同一番說話由坦夏講就係「藉口」；明宿講就係「原因」，不過你都係帶多兩場，是但啦。另外，有不少人都話點解死都要留加拿祖係場上？個人睇法係，迪亞路突破力有，但埋門非擅長；福仔亦不復前季勇猛；最有射門慾既安東尼亦傷左，現時曼聯翼鋒能夠自己搵食既只係得番加拿祖一個。如果連佢都唔用，場上得番海倫、福仔同迪亞路，我諗場波踢夠180分鐘都未必入到波，所以就算佢有波應交而冇交，應射而射得差，暫時都要擺佢係場入面買個希望。小弟多次講，球員把握力唔係短時間可以提升到，球員既質數亦唔係換帥就可以增強，相信呢場波都見到係咩情況。唔炒都炒左，依家只能睇下阿莫林套體系岩唔岩曼聯，大家拭目以待。