歡樂既時光過得特別快，又係時候講拜拜（賽後簡評-曼聯對李斯特城）
《略略講下戰情》
今場比數望落都懸殊，但曼聯全場計並唔係壓住對手狂攻狂砌。全場只得51%控球，十三射三中入三球，就係贏把握力；李斯特城能力有限，縱然係控球權方面同曼聯不相伯仲，但全場只得六射五中，上半場有四次中框；下半場只得一腳射門中框。無論創造機會還是把握力，都需要大大提升。
曼聯今場係創造機會方面其實唔算做得好好，般奴入第一球同加拿祖埋齋果球唔算係黃金機會，而般奴入既第二球仲要係省到人。坦夏時期連空門都可以飛機，今場偏偏可以全部擺到個波入網，只能說一換帥連運都改埋。曼聯整場右路係幾受壓，因為達洛治俾「發達胡」真係撚狗咁撚。值得一讚係雲佬果斷地係57分鐘用伊雲斯入替達洛治，將防守力較強既馬沙拉維踢番右閘，「發達仔」即時收皮，而改踢右路既般拿洛迪亦攪唔掂馬天尼斯。兩翼一廢武功，中路又冇用波好好既球員，李城空有控球權但難以創造到威脅俾安拿拿，連射門都冇就唔好講入波。
《總結下雲佬帶既四場波》
雲佬帶隊四場三勝一和，入左十一球失三球，齋睇成績比坦夏好幾條街。如果唔計聯賽盃（因李斯特城接近全副選上陣參考性不大），只睇其餘三場，又睇到乜野呢？
只睇數據：
對車路士
比數 ：1:1
控球率：46:54
射門：15射4中
對PAOK
比數：2:0
控球率：52:48
射門：16射4中
對李斯特城
比數 ：3:0
控球率：51:49
射門：13射3中
從數據上睇到，無論對前列對手還是下遊球隊，雲佬帶領下既曼聯係控球率都唔會多對方好多甚至乎比對方係少控球，而射門中框數字唔高但轉化入球數字係偏高。換句話講即係球隊呢幾場既埋門把握力係有明顯進步，但同時間球隊相對上係比坦夏時期冇咁追求主導球賽。場面上，雲佬亦選擇減少球隊係前場逼搶，中場起用番兩個掃蕩型中場，將球隊既防守起始線拉番後，增加三線既緊密度。咁做除左可以將球員體能慳啲使，亦令鋒線球員多左空間向前跑去打反擊，睇落甚有蘇B影子。進攻就比較簡單，放到空位比兩翼就單對單去推去扭，去唔到就回後45度多傳中搵中鋒，減少左好多外圍既搓傳，攻勢直接但少左圍攻格局。雲佬只帶四場，當然係以成績行先，但某程度上亦反映出呢班球員無論體能、技術同戰術思維都係未踢到更現代化既足球（強調高位逼搶，地面傳控）。
《總結》
首先恭喜雲佬最尾呢場可以帶領曼聯以三比零擊敗祖柏既李斯特城。冇錯，祖柏係唔需要驚奧脫福既，只需要輸波走人就得，得把口都係無用既。雲佬到現時為止都未知何去何從，但新帥阿莫林已經執好晒野準備入魔。除左睇下新帥功力如何外，雲佬去留都相當值得關注。
今場比數望落都懸殊，但曼聯全場計並唔係壓住對手狂攻狂砌。全場只得51%控球，十三射三中入三球，就係贏把握力；李斯特城能力有限，縱然係控球權方面同曼聯不相伯仲，但全場只得六射五中，上半場有四次中框；下半場只得一腳射門中框。無論創造機會還是把握力，都需要大大提升。
曼聯今場係創造機會方面其實唔算做得好好，般奴入第一球同加拿祖埋齋果球唔算係黃金機會，而般奴入既第二球仲要係省到人。坦夏時期連空門都可以飛機，今場偏偏可以全部擺到個波入網，只能說一換帥連運都改埋。曼聯整場右路係幾受壓，因為達洛治俾「發達胡」真係撚狗咁撚。值得一讚係雲佬果斷地係57分鐘用伊雲斯入替達洛治，將防守力較強既馬沙拉維踢番右閘，「發達仔」即時收皮，而改踢右路既般拿洛迪亦攪唔掂馬天尼斯。兩翼一廢武功，中路又冇用波好好既球員，李城空有控球權但難以創造到威脅俾安拿拿，連射門都冇就唔好講入波。
《總結下雲佬帶既四場波》
雲佬帶隊四場三勝一和，入左十一球失三球，齋睇成績比坦夏好幾條街。如果唔計聯賽盃（因李斯特城接近全副選上陣參考性不大），只睇其餘三場，又睇到乜野呢？
只睇數據：
對車路士
比數 ：1:1
控球率：46:54
射門：15射4中
對PAOK
比數：2:0
控球率：52:48
射門：16射4中
對李斯特城
比數 ：3:0
控球率：51:49
射門：13射3中
從數據上睇到，無論對前列對手還是下遊球隊，雲佬帶領下既曼聯係控球率都唔會多對方好多甚至乎比對方係少控球，而射門中框數字唔高但轉化入球數字係偏高。換句話講即係球隊呢幾場既埋門把握力係有明顯進步，但同時間球隊相對上係比坦夏時期冇咁追求主導球賽。場面上，雲佬亦選擇減少球隊係前場逼搶，中場起用番兩個掃蕩型中場，將球隊既防守起始線拉番後，增加三線既緊密度。咁做除左可以將球員體能慳啲使，亦令鋒線球員多左空間向前跑去打反擊，睇落甚有蘇B影子。進攻就比較簡單，放到空位比兩翼就單對單去推去扭，去唔到就回後45度多傳中搵中鋒，減少左好多外圍既搓傳，攻勢直接但少左圍攻格局。雲佬只帶四場，當然係以成績行先，但某程度上亦反映出呢班球員無論體能、技術同戰術思維都係未踢到更現代化既足球（強調高位逼搶，地面傳控）。
《總結》
首先恭喜雲佬最尾呢場可以帶領曼聯以三比零擊敗祖柏既李斯特城。冇錯，祖柏係唔需要驚奧脫福既，只需要輸波走人就得，得把口都係無用既。雲佬到現時為止都未知何去何從，但新帥阿莫林已經執好晒野準備入魔。除左睇下新帥功力如何外，雲佬去留都相當值得關注。