【新婚大日子】聘用 新娘化妝 4大注意事項 | HelloToby

有人話結婚係一生人一次，新娘當然要做全場最矚目、最靚嗰個啦！除咗物色婚紗晚裝，新娘最緊張莫過於自己嘅妝容。市面上，化妝師都係自由工作者為主，有時交易都未必有白紙黑字講明服務條款，令雙方隨時出現誤解甚至發生不快事件。唔想喺大日子因錢銀問題同服務細節造成爭拗？等HelloToby話你知聘用 新娘化妝 嘅重要資訊同注意事項啦！

新娘化妝 Set頭點計錢？

新娘化妝 收費因人而異，化妝同Set頭可以分3個收費階段，包括試妝費、訂金以及婚禮當日交付化妝費。

試妝係俾新娘睇下妝容合唔合乎心意，每次試妝價錢介乎$200至$600。過程大約需要2.5至3個小時，化妝師會幫客人研究2至3個妝容及髮型。如果雙方對試妝效果滿意，就可以進一步落訂金。

唔少人對訂金存有誤解，以為訂金包括結婚當日化妝費，但其實大部分化妝師收取訂金只係作預留檔期嘅費用。

真正嘅化妝費係婚禮當日支付，有化妝師於開工前收錢，有化妝師於完工後收錢（亦係一般人所稱嘅尾數），做法人人唔同。化妝費定價視乎造型數量、化妝師名氣以及經驗而定，如果係老行尊或者名牌化妝師當然會比較昂貴。
整體而言，一個造型收費介乎$1,500至$4,000，通常適合婚禮註冊或新娘出門等場合。如果新娘想早晚轉妝同換髪型，兩個造型價錢介乎$3,000至$5,000。若新娘希望化妝師全日跟場，價錢介乎$5,000至$15,000，通常包括4至6次換妝。（以上所有價格只供參考，不同化妝師收費可以有頗大出入。）


新娘化妝師要履行乜嘢責任？

坊間新娘對化妝師有唔同期望。有人覺得化妝師要貼身服侍，包括拉裙掛之類。事實上，即使係全日跟場嘅化妝師，其責任範圍都只限新娘化妝以及髮型，其餘事項只屬於義務性質。

試妝時，每個化妝師有責任就客人膚色、喜好、面型輪廓建議幾個化妝風格同髪型。過程當中，化妝師要做足基本清潔、護膚、底妝、面妝及補妝工作。但補妝次數可圈可點，視乎實際需要以及婚禮節目安排。大部分全日跟場嘅化妝師會喺拍攝之前以及賓客進餐時補妝或換妝。

支付尾數有變數？

新娘要注意，以上價錢未必係最終收費，因為過程中有可能產生預料唔到嘅額外費用。如果客人一開始並無要求全日跟場，到當日突然要求補妝及髮型修飾等，都需要另議，價錢介乎$200至$600。如果伴娘、姊妹以及其他親友要化妝，需按人頭或造型數目另外收費。除此之外，婚宴經常比原定時間長，若新娘需要化妝師延長服務，必須「補水」支付超時工作費用。以上種種額外收費，都可能令尾數比原定金額多。
究竟聘用新娘化妝時有啲咩要留意?

結婚始終係人生大事，每對新人都希望高高興興度過，有番個美好回憶。如果因為錢銀問題或服務細節上出現狀況，大家都感到掃興。所以搵化妝Set頭服務時其實有好多嘢有注意架，唔想同化妝師發生爭執?即刻上HelloToby Blog 查看原文了解更多。

揾緊新娘化妝師? 立即上HelloToby平台上參考化妝師評價同作品相片，精選信譽良好嘅服務提供者。