（幻想篇）《蘇亞雷斯停賽四個月期間做咩好?》
蘇7：「好悶呀，無波踢做咩好？」
蘇亞雷斯咬咗基亞連呢一大啖，代價係，國際賽停賽九場，兼且四個月內不准從事同足球有關的任何活動。唔單止無波踢，連入場睇波都唔得，足球廣告唔拍得，連自己玩FM或者同隊友打Winning Eleven都唔得。作為一個過度活躍的少年，絕對係無可能好似毒L們一樣，日日開冷氣上網的，喺呢個超級悠長的暑假，搵啲咩嘢做好？
英雄地特別為他度身定做一個完美行程，肯定能夠讓他在歷來首個沒有足球的暑假，過得「又美麗又愉快」的！
七月－－賣西瓜
天時暑熱，蘇7一口強而有力的鋼牙，最適合去街市推銷西瓜，既可示範比大家睇啲西瓜有幾甜幾多汁，又可以消消暑。不過，蘇7如果好落力咁刨西瓜，刨到好似成口血咁，嚇親班街坊，啲西瓜賣唔賣得出就好難講了。
八月－－拍戲 《Twilight 2014》 +《我和殭屍有個約會IV之永恆咬到》
既然吸血殭屍的身份已被揭穿，蘇7肯定大受演藝界歡迎，全球大熱的《Twilight》，新一輯必定預埋佢一份就唔在講，就連亞洲電視經典神劇《我和殭屍有個約會》，也可以翻炒嚟多輯呢！
《Twilight》新一輯，蘇7做硬主角，女主角用巴卡爾、伊雲諾域定係基亞連尼好？
加埋蘇7落去唔知會點？
九月－－拍「愛齒健」廣告
蘇7棚鋼牙咁勁，獲網民頒發一個「2014國際足協最佳金牙大獎」，絕對切合「講嘢最緊要有牙力，睇牙梗要揀有實力！」的愛齒健。蘇7可以同朱咪咪來個crossover，宣傳效果肯定加勁百倍。
如果蘇7同朱咪咪來個crossover拍「愛齒健」廣告，肯定熱爆全城！
十月－－扮鬼@「海洋公園哈囉喂2014」
既然嚟得香港，蘇7當然不可以錯過全城一年一度的盛事－－「海洋公園哈囉喂2014」啦！哈囉喂的驚嚇度只屬一般，如果可以重金禮聘蘇7嚟扮鬼，肯定可以一洗頹風，佢真係會咬落嚟過喎，你唔係唔驚呀？而且，佢扮為食鬼又得，扮殭屍又得，甚至扮暴龍都可以，絕對可以講得上係，蔗渣嘅價錢，咬出燒鵝嘅味道！
係咪覺得差咁隻鬼呢？
強烈建議：海洋公園增設恐龍館，由蘇7扮暴龍，日日狂追基亞連尼，咁樣就唔怕佢10月底復出時，因為長期無波練而唔夠Fit了！
有抵死網民將食鬼遊戲(Pac-Man)改裝力Bite-Man諷刺蘇7，你玩咗未？http://bitemangame.com/
蘇亞雷斯咬咗基亞連呢一大啖，代價係，國際賽停賽九場，兼且四個月內不准從事同足球有關的任何活動。唔單止無波踢，連入場睇波都唔得，足球廣告唔拍得，連自己玩FM或者同隊友打Winning Eleven都唔得。作為一個過度活躍的少年，絕對係無可能好似毒L們一樣，日日開冷氣上網的，喺呢個超級悠長的暑假，搵啲咩嘢做好？
英雄地特別為他度身定做一個完美行程，肯定能夠讓他在歷來首個沒有足球的暑假，過得「又美麗又愉快」的！
七月－－賣西瓜
天時暑熱，蘇7一口強而有力的鋼牙，最適合去街市推銷西瓜，既可示範比大家睇啲西瓜有幾甜幾多汁，又可以消消暑。不過，蘇7如果好落力咁刨西瓜，刨到好似成口血咁，嚇親班街坊，啲西瓜賣唔賣得出就好難講了。
八月－－拍戲 《Twilight 2014》 +《我和殭屍有個約會IV之永恆咬到》
既然吸血殭屍的身份已被揭穿，蘇7肯定大受演藝界歡迎，全球大熱的《Twilight》，新一輯必定預埋佢一份就唔在講，就連亞洲電視經典神劇《我和殭屍有個約會》，也可以翻炒嚟多輯呢！
《Twilight》新一輯，蘇7做硬主角，女主角用巴卡爾、伊雲諾域定係基亞連尼好？
加埋蘇7落去唔知會點？
九月－－拍「愛齒健」廣告
蘇7棚鋼牙咁勁，獲網民頒發一個「2014國際足協最佳金牙大獎」，絕對切合「講嘢最緊要有牙力，睇牙梗要揀有實力！」的愛齒健。蘇7可以同朱咪咪來個crossover，宣傳效果肯定加勁百倍。
如果蘇7同朱咪咪來個crossover拍「愛齒健」廣告，肯定熱爆全城！
十月－－扮鬼@「海洋公園哈囉喂2014」
既然嚟得香港，蘇7當然不可以錯過全城一年一度的盛事－－「海洋公園哈囉喂2014」啦！哈囉喂的驚嚇度只屬一般，如果可以重金禮聘蘇7嚟扮鬼，肯定可以一洗頹風，佢真係會咬落嚟過喎，你唔係唔驚呀？而且，佢扮為食鬼又得，扮殭屍又得，甚至扮暴龍都可以，絕對可以講得上係，蔗渣嘅價錢，咬出燒鵝嘅味道！
係咪覺得差咁隻鬼呢？
強烈建議：海洋公園增設恐龍館，由蘇7扮暴龍，日日狂追基亞連尼，咁樣就唔怕佢10月底復出時，因為長期無波練而唔夠Fit了！
有抵死網民將食鬼遊戲(Pac-Man)改裝力Bite-Man諷刺蘇7，你玩咗未？http://bitemangame.com/