DSE英文課外書藉推介 | hkdsegayau

顯示分享連結
原文網址：https://hkdsegayau.com/dse-english-sba-non-fiction-book-suggestion/

1. In Order To Live 《為了活下去》


相信同學要睇小說並唔難，但係要搵有意義，而且有趣、好睇嘅非小說並唔容易。In Order To Live 係一位脫北者（成功逃離北韓嘅人士）嘅自傳，內容係基於作者嘅自身經歷，故事情節有趣、引人入勝。加上作者係一位韓國人，佢嘅母語並唔係英文，所以書裏面用嘅字都唔會太深。In Order To Live 嘅作者朴研美出生於北韓，佢曾經親眼目睹朋友嘅媽咪因為睇咗好萊塢電影而被公開處決、脫北期間曾經目睹自己嘅母親被強姦、曾經走遍戈壁沙漠，為嘅時候只係逃離北韓嘅極權統治。呢本書講述嘅正正係朴研美脫北前嘅生活，以及脫北嘅經歷同辛酸。然後，網上有唔少人都質疑書本內容嘅真確性，懷疑作者為咗令書本更暢銷而誇大內容。同學可以探討呢本推介書目內容嘅真確性，又或者係反思吓自己從作者身上學到嘅嘢：堅毅 perseverance、勇氣 courage 等等。

2. Rise of The Robots: Technology and the Threat of a Jobless Future

小編推介呢本英文書嘅其中一個原因係，呢本書好有反思嘅意義。Rise of The Robots 嘅作者 Martin Ford係一位矽谷創業家，書裏面講嘅係隨住科技進步，現代嘅機器人崛起，好多工作都可能會被機器人所取代。有邊啲工種將來會被機器代替？人類身處嘅社會將來會變成點？小編個人認為呢本書真係好有啟發性，而且帶嚟咗好多反思嘅地方。就好似小編本身一心一意想做事務律師，睇完呢本書做反思，後來就會諗：如果我份工做嘅嘢只係做research, draft contract等等嘅事，其實小編嘅角色好快就會被機器所取代。其實呢個職業係咪仲值得做呢？

3. What I Wish I Knew When I Was 20 《真希望我20歲就懂的事》

雖然呢本書講嘅係作者後悔自己20歲前唔知道嘅事，但係依然好適合中四、中五、中六嘅你去睇。有啲事，越早知道越好。小編自己都係中五、中六期間睇呢本晝書嘅，受呢本書嘅啟發都唔少。小編好記得書裏面提及到，唔少學生上堂只係等答案，等住吸收課程內容，而唔會自己主動去發掘新嘅內容，提出一啲問題。呢種學習方式並唔係唔好，不過呢啲同學所學嘅只會同同輩所學嘅嘢一樣，好難能夠突圍而出。 呢本書討論嘅意義亦都好適合讀緊高中，讀緊HKDSE制度嘅你去反思 — 求學抑或求分數？同學可以喺閱讀報告裏面做番呢方面嘅反思。

以上推介嘅書藉其實非常適合同學做SBA英文書，而小編推介俾你哋嘅英文non-fiction當然唔止咁少！

即睇全文：https://hkdsegayau.com/dse-english-sba-non-fiction-book-suggestion/

如果喜歡我們的文章，請即分享到︰

標籤: hkdse  dse  DSE英文  英文  英文書  好書推介  英文SBA  SBA