給應屆DSE考生的話

顯示分享連結
小編 hkdsegayau 比 2020 dse 考生嘅小小心靈雞湯 :)

作為一個香港中學文憑試過來人，眼見DSE一屆一屆咁過去，一屆又屆嘅狀元誕生，越嚟越多嘅 DSE 狀元讀書心得分享，小編驚覺自己老了，忽然有啲感觸，又有啲話想同應屆考生講嘅。

備戰咗三年嘅DSE，好似眨吓眼就到，心情緊張，忐忑不安係正常嘅。呢個時候嘅你要記住，自己讀咗咁耐書，為嘅都係公開試入面考得好成績，入到大學心儀嘅學科。而家嘅你溫書好辛苦，好攰，四圍搵 DSE 免費筆記下載嚟溫習，冇方向係正常架，因為小編都經歷過。但係你唔以放棄架！文憑試好快就完，你好快就唔使再聽到綠袖子。

考試前一晚記住瞓足啲，千其唔好通頂溫書。考完試覺得自己考得唔好千其唔好氣餒，因為你嘅感覺並唔代表真正嘅分數。小編考完某科之後真係以為自己得level 4架，點知出到嚟有5*嘅，真係世事難料。考試最重要嘅係心理，如果你心情低落，考試嗰陣心不在焉，就一定會影響你嘅成績。

如果有一日你覺得自己溫書溫到頂唔順，覺得人生好痛苦嘅話，同自己講句：成千上萬個考生都捱過咗文憑試，點解人哋做到我做唔到？記住關關難過關關過，各位2020 DSE考生加油！

如果喜歡我們的文章，請即分享到︰