撐香港足球的理由

顯示分享連結
諗左好耐，究竟寫唔寫好，最後，都係決定寫，當記事又好，分享又好。
其實撐香港足球，唔需要有特別理由。

唔需要因為其他國家既言行而令你撐，唔需要因為成為熱潮而撐，更唔需要為做勢而撐。可以好單純地因為一個理由，我係香港人！

當然，近期香港隊比賽的的確確係因為某D原因而令到多左好多人撐，無論係入場好，商品好，都無一不熱。最近對卡塔爾更有球迷一早到達球場，舉牌求票，甚至出價五百個大洋求有意者出讓。更甚係場外有香港隊既老翻球衣賣，我諗依個場面真係唔知幾多個十年無見過。

但請記得足球好單純係一項運動，唔需要有政治色彩，無論對手係邊個，都唔會有分別，因為目的只有一個，爭取最好成績！要記得，香港隊落場十一個球員係代表住香港人岀賽，當中十一個人都有可能有自己既政治取向，無可能每一個都同你取向一樣，但唯一十一個都人都一樣的，就係佢地都係香港人，代表香港，齊心為香港爭取最好成績，付岀十二分拼勁，發揮香港精神。

係撐既，港超聯開季繼續入場撐！

如果喜歡我們的文章，請即分享到︰

標籤: 香港足球  港足  港超聯  足球