【賽後報告】首場熱身賽 車路士對域斯咸
車路士對域斯咸的賽後報告
車路士熱身熱足左兩個幾星期，終於迎來左第一場的友誼賽。比賽的對手係英甲的域斯咸，睇首發陣容就多少估到馬蛇想透過呢場比賽去測試戰術同提升球員的狀態。
安宮古(Nkunku)在第35分鐘為車路士先開紀錄，但下半場域斯咸的盧克 保頓(Luke Bolton)和積 米列特(Jack Marriott)利用車路士的防守失誤連續得分。烏高卓克(Lesley Ugochukwu)在第82分鐘射入扳平。賽後馬蛇表示，球隊正在適應佢的控球戰術，雖然會有失波風險，但他相信這種風格最終會帶來更多入球。
戰術層面 (括號的數據係上年英超球隊90分鐘平均)：
今場比賽的其中一個重點，係馬蛇控傳的踢法。原先估計馬蛇會沿用李城時代的4後，無諗過最終出黎的係直接的343。將列斯占士推入中場。
全場踢落，進攻面明顯感受到車路士的行軍速度緩慢，傳波亦欠缺穿透力。防守方面，面對對手的快速反擊時顯得束手無策，當對手利用人數overload我地防線亦無好好咁透過走位去應對。
雙方的數據亦顯示出今場比賽的部份內容，車路士以75%的控球控制住比賽的節奏，700次傳波入面有145次係傳入final third，當中只有41次係禁區內的觸球，而射門數只有區區的11次(13.66)，亦只有3次中龍(4.67)。
係咁樣的控球比例下，睇過人的數據就更加可悲，全隊20次嘗試過人只有9次成功，兩項雖然睇落都貼近英超水平，但係高控球比例下，就反映出車路士老鼠拉龜咬極唔入。
個別球員表現：
今場比賽有幾個球員都值得注目的
列斯占士：
今場比賽被安排扮演Inverted Fullback的角色，不過明顯馬蛇未搵到佢本說明書。本來占士的賣點就係邊路的突破同攻擊力，放左佢去中路之後，無論係攻守兩邊都毫無發揮的地方。
馬路 古斯托：
同占士一樣，被安排去踢Inverted Fullback，但發揮的效果同占士完全一樣，踢左45分鐘都感覺唔到佢的存在，亦無做到應有的實力。
史端寧同馬杜基：
放埋一齊講啦，兩個都好似唔記得帶個腦落場咁，死扭爛扭想入禁區但係無乜成果做得出，呢對孖寶兄弟如果一左一右一齊出的話，相信今季會見到唔少車迷嘔血。當然，佢地兩個都具備左突破的能力，馬蛇要點樣調教佢地，相信會係一大難題。
Guiu：
今場的其中一個驚喜，應該係新仔Guiu的表現，作為前鋒係最前線顯示出強大的身體能力同跑動能力，甚至三番四次靠走位去嘗試突破。6次地面對抗贏足左4次，3次嘗試過人又成功2次，絕對係我地今場前線的希望。如果佢有埋射門能力，或者中場可以俾到更多供應，Guiu可能會係我地前鋒的新希望都唔定。
其餘仲有好多出左場的球員，不過篇幅同時間所限就唔逐一詳講。都希望各位記住，今場只係熱身賽，出的球員無論係默契，狀態都未提升到正式比賽的程度，所以繼續俾耐性馬蛇啦。
車路士熱身熱足左兩個幾星期，終於迎來左第一場的友誼賽。比賽的對手係英甲的域斯咸，睇首發陣容就多少估到馬蛇想透過呢場比賽去測試戰術同提升球員的狀態。
安宮古(Nkunku)在第35分鐘為車路士先開紀錄，但下半場域斯咸的盧克 保頓(Luke Bolton)和積 米列特(Jack Marriott)利用車路士的防守失誤連續得分。烏高卓克(Lesley Ugochukwu)在第82分鐘射入扳平。賽後馬蛇表示，球隊正在適應佢的控球戰術，雖然會有失波風險，但他相信這種風格最終會帶來更多入球。
戰術層面 (括號的數據係上年英超球隊90分鐘平均)：
今場比賽的其中一個重點，係馬蛇控傳的踢法。原先估計馬蛇會沿用李城時代的4後，無諗過最終出黎的係直接的343。將列斯占士推入中場。
全場踢落，進攻面明顯感受到車路士的行軍速度緩慢，傳波亦欠缺穿透力。防守方面，面對對手的快速反擊時顯得束手無策，當對手利用人數overload我地防線亦無好好咁透過走位去應對。
雙方的數據亦顯示出今場比賽的部份內容，車路士以75%的控球控制住比賽的節奏，700次傳波入面有145次係傳入final third，當中只有41次係禁區內的觸球，而射門數只有區區的11次(13.66)，亦只有3次中龍(4.67)。
係咁樣的控球比例下，睇過人的數據就更加可悲，全隊20次嘗試過人只有9次成功，兩項雖然睇落都貼近英超水平，但係高控球比例下，就反映出車路士老鼠拉龜咬極唔入。
個別球員表現：
今場比賽有幾個球員都值得注目的
列斯占士：
今場比賽被安排扮演Inverted Fullback的角色，不過明顯馬蛇未搵到佢本說明書。本來占士的賣點就係邊路的突破同攻擊力，放左佢去中路之後，無論係攻守兩邊都毫無發揮的地方。
馬路 古斯托：
同占士一樣，被安排去踢Inverted Fullback，但發揮的效果同占士完全一樣，踢左45分鐘都感覺唔到佢的存在，亦無做到應有的實力。
史端寧同馬杜基：
放埋一齊講啦，兩個都好似唔記得帶個腦落場咁，死扭爛扭想入禁區但係無乜成果做得出，呢對孖寶兄弟如果一左一右一齊出的話，相信今季會見到唔少車迷嘔血。當然，佢地兩個都具備左突破的能力，馬蛇要點樣調教佢地，相信會係一大難題。
Guiu：
今場的其中一個驚喜，應該係新仔Guiu的表現，作為前鋒係最前線顯示出強大的身體能力同跑動能力，甚至三番四次靠走位去嘗試突破。6次地面對抗贏足左4次，3次嘗試過人又成功2次，絕對係我地今場前線的希望。如果佢有埋射門能力，或者中場可以俾到更多供應，Guiu可能會係我地前鋒的新希望都唔定。
其餘仲有好多出左場的球員，不過篇幅同時間所限就唔逐一詳講。都希望各位記住，今場只係熱身賽，出的球員無論係默契，狀態都未提升到正式比賽的程度，所以繼續俾耐性馬蛇啦。