【賽後報告】熱身賽不勝 車路士對些路迪的散記
俗語話齋，深夜西波不可取。
車路士係上場的失利之後，今日凌晨迎戰蘇超班些路迪。場波的結果應該由各大的媒體都睇得到，千億大軍車路士以4：1大敗於些路迪，熱身賽連續兩場不勝。
今場比賽的比數固然係一個令人失望的地方，但同時呢場比賽都有好同壞的地方值得留意。
進攻面：
係用一千字去鬧球隊防守問題之前，不如先講左積極的部份先。呢場比賽車路士仍然係以控球嘗試主導形勢。全場比賽的平均控球率係57%，賽前的戰術佈陣不變應萬變，繼續擺成進攻時3421的陣形。
透過Overload些路迪的中路，再分波俾兩邊去滲透入對方的禁區，呢種踢法明顯睇得出球隊有練過。例如6分鐘由馬杜基傳俾中路的安官古。又或者係不停傳波俾中路突破對手的Guiu (古維)
全場最有活力的進攻球員，就一定係安官古同古維兩個。古維今場的表現仍然亮眼，無論係前線搶迫定係視線都好好，本身又有身位，難怪賽後馬蛇會話佢今季留隊
而安官古多少有擺脫左上季傷患的問題，無論係後上為隊友創造機會，定係自己搵位埋門兩者都做得好好
可惜的係，球隊係分波俾兩邊的時候經常都傳唔到個波俾隊友，上半場亦出現好幾次中路傳波俾右線的馬杜基但係接應唔到的畫面。就算接應到，馬杜基的突破都無乜為球隊帶黎實際的威脅，佢今場嘗試過人的次數係3次，只有1次成功，身體對抗8次亦只有1次贏到。
左邊的梅迪歷情況就更加慘，一來後上的占士分波俾另一邊的拉維亞，基本上個波就只會再由左邊斬去右線，梅迪歷可以透過跑動去接應的機會已經少，然後每次佢接應到再跑的時候，禁區內根本無隊友係度。所以踢足左45分鐘，實際上梅迪歷的觸球數字只有14次，10次傳波，4次自己突破，真係講唔上係咩出色的表現。
下半場換入史端寧代替梅迪歷，先唔講左史端寧右馬杜基的組合睇到人頭痛，但明顯有見到馬蛇落Order要求左線的攻勢。咁樣的調整之後，前線創造機會變得更加積極，只係把握力仲未夠，多次攻勢都有威脅，就係射唔入。
同上場一樣，進攻的節奏太慢，當車路士有球在腳的時候，往往都要好多花好多時間先有本事殺入禁區，亦因為花的時間太多，對手已經按部署回防，大大減少左自己可以起腳的機會。
防守面：
上季都有同樣的問題，防守的時候望波唔望人，8分鐘的時候些路迪的攻勢，本應該由科芬拿去追些路迪的前鋒古橋，但係無做好shoulder check結果起動慢左
之前講過的防守錯位的問題仍然嚴重，繼上場被overload防守之後，今場都有一樣的畫面，科芬拿失位，占士去補返科芬拿中堅的空間，但係就走漏最遠的前田
第一個失波，對手的右線傳入中路，占士以防中的角色去掃蕩，但係後面的高維爾無做好遮線的工作，結果直射入網，山齊士的落地太慢結果遠柱失守
而些路迪的踢法多少曝露左馬蛇戰術的弱點- 當閘位去左中場，對方大腳轉邊的話，邊線的球員就會獲得大量的跑動空間，呢場的前田就三番四次突破左防線，作為防線點後一點的巴迪亞舒尼又太遲發現呢件事，想去轉身追古橋已經太遲
第二球更加顯露出防守的問題，高維爾去邊線防守邊路球員，梅迪歷退後協防，中路由巴迪亞舒尼去守住一個的時候，科芬拿應該要留意處於越位位置的古橋，但到對方落低都好，科芬拿都無意識要去封返古橋，任由對方輕鬆射入，事後仲要舉手怪隊友。
有見到山齊士去禁區外掃波，下半場有減輕左防線的負擔，可惜防線唔爭氣，第三個失波就係由巴迪亞舒尼自己傳失俾對面直接射入
小總結：
作為第二場比賽，人腳上仲未做到最好的安排，球員的狀態都未提升到最好，亦睇得出球隊仲未熟習點樣用人數的優勢去壓制對手中場同創造更多控傳的空間。
左右兩邊要點樣進攻固然係一個課題，防守球員的協調性/默契的訓練會係本季的最大隱憂，馬蛇要揀邊對中堅，又要交俾邊個去指揮，就睇下下場會唔會有更好的表現。
而家正選的彭馬，安素，卡些度，古古都尚未歸隊，前鋒的積臣都仲未出黎踢到一分鐘，相信馬蛇的訓練工作仲有好長的路要行。
車路士係上場的失利之後，今日凌晨迎戰蘇超班些路迪。場波的結果應該由各大的媒體都睇得到，千億大軍車路士以4：1大敗於些路迪，熱身賽連續兩場不勝。
今場比賽的比數固然係一個令人失望的地方，但同時呢場比賽都有好同壞的地方值得留意。
進攻面：
係用一千字去鬧球隊防守問題之前，不如先講左積極的部份先。呢場比賽車路士仍然係以控球嘗試主導形勢。全場比賽的平均控球率係57%，賽前的戰術佈陣不變應萬變，繼續擺成進攻時3421的陣形。
透過Overload些路迪的中路，再分波俾兩邊去滲透入對方的禁區，呢種踢法明顯睇得出球隊有練過。例如6分鐘由馬杜基傳俾中路的安官古。又或者係不停傳波俾中路突破對手的Guiu (古維)
全場最有活力的進攻球員，就一定係安官古同古維兩個。古維今場的表現仍然亮眼，無論係前線搶迫定係視線都好好，本身又有身位，難怪賽後馬蛇會話佢今季留隊
而安官古多少有擺脫左上季傷患的問題，無論係後上為隊友創造機會，定係自己搵位埋門兩者都做得好好
可惜的係，球隊係分波俾兩邊的時候經常都傳唔到個波俾隊友，上半場亦出現好幾次中路傳波俾右線的馬杜基但係接應唔到的畫面。就算接應到，馬杜基的突破都無乜為球隊帶黎實際的威脅，佢今場嘗試過人的次數係3次，只有1次成功，身體對抗8次亦只有1次贏到。
左邊的梅迪歷情況就更加慘，一來後上的占士分波俾另一邊的拉維亞，基本上個波就只會再由左邊斬去右線，梅迪歷可以透過跑動去接應的機會已經少，然後每次佢接應到再跑的時候，禁區內根本無隊友係度。所以踢足左45分鐘，實際上梅迪歷的觸球數字只有14次，10次傳波，4次自己突破，真係講唔上係咩出色的表現。
下半場換入史端寧代替梅迪歷，先唔講左史端寧右馬杜基的組合睇到人頭痛，但明顯有見到馬蛇落Order要求左線的攻勢。咁樣的調整之後，前線創造機會變得更加積極，只係把握力仲未夠，多次攻勢都有威脅，就係射唔入。
同上場一樣，進攻的節奏太慢，當車路士有球在腳的時候，往往都要好多花好多時間先有本事殺入禁區，亦因為花的時間太多，對手已經按部署回防，大大減少左自己可以起腳的機會。
防守面：
上季都有同樣的問題，防守的時候望波唔望人，8分鐘的時候些路迪的攻勢，本應該由科芬拿去追些路迪的前鋒古橋，但係無做好shoulder check結果起動慢左
之前講過的防守錯位的問題仍然嚴重，繼上場被overload防守之後，今場都有一樣的畫面，科芬拿失位，占士去補返科芬拿中堅的空間，但係就走漏最遠的前田
第一個失波，對手的右線傳入中路，占士以防中的角色去掃蕩，但係後面的高維爾無做好遮線的工作，結果直射入網，山齊士的落地太慢結果遠柱失守
而些路迪的踢法多少曝露左馬蛇戰術的弱點- 當閘位去左中場，對方大腳轉邊的話，邊線的球員就會獲得大量的跑動空間，呢場的前田就三番四次突破左防線，作為防線點後一點的巴迪亞舒尼又太遲發現呢件事，想去轉身追古橋已經太遲
第二球更加顯露出防守的問題，高維爾去邊線防守邊路球員，梅迪歷退後協防，中路由巴迪亞舒尼去守住一個的時候，科芬拿應該要留意處於越位位置的古橋，但到對方落低都好，科芬拿都無意識要去封返古橋，任由對方輕鬆射入，事後仲要舉手怪隊友。
有見到山齊士去禁區外掃波，下半場有減輕左防線的負擔，可惜防線唔爭氣，第三個失波就係由巴迪亞舒尼自己傳失俾對面直接射入
小總結：
作為第二場比賽，人腳上仲未做到最好的安排，球員的狀態都未提升到最好，亦睇得出球隊仲未熟習點樣用人數的優勢去壓制對手中場同創造更多控傳的空間。
左右兩邊要點樣進攻固然係一個課題，防守球員的協調性/默契的訓練會係本季的最大隱憂，馬蛇要揀邊對中堅，又要交俾邊個去指揮，就睇下下場會唔會有更好的表現。
而家正選的彭馬，安素，卡些度，古古都尚未歸隊，前鋒的積臣都仲未出黎踢到一分鐘，相信馬蛇的訓練工作仲有好長的路要行。