【數據分析】梅迪歷—數字講出的進步
唔覺唔覺，梅迪歷由薩克達轉會去車路士已經兩季。不過睇下球迷的反應，就知道大家對梅迪歷的表現仲未滿意。一來佢的身價為佢帶來多餘的壓力，二來係媒體都俾左唔少壓力佢本人。
所以，排除佢身價同媒體的報道，單用數字比較梅迪歷以前的踢法同而家的狀態，睇下佢到底有得救定無得救，有進步定無進步。
先講下當初梅迪歷的優點：
作為右腳的左翼球員，梅迪歷擅長的係由左路內切到大位用右腳射門。同時佢的加速度突出，可以好快咁由靜止狀態提升到最高速度。而佢的左腳都唔係生鏽，根據WYScout的分析，可以睇得出梅迪歷的左腳仍然可以做到傳送同帶波的微修正。呢幾樣就係當初車路士同阿仙奴都睇中佢的原因。
相對於優點，弱點都相對明顯得多。
第一樣係射門力量同準確度，加速之後梅迪歷由控球到射門之間的動作仲未做到好好的控制，往往令佢的射門唔夠致命，唔止講緊唔中目標，甚至中目標都好都未必可以威脅到門將。同樣連佢的傳波動作都一併受到影響。
第二樣係比賽節奏的控制，梅迪歷到呢一刻仲未做到加速減速的收放自如，向前加速的途中如果被攔截搶斷失去控球，往往佢需要比同位置的球員更多時間同距離去回防，加速之後出現的大量空間亦需要隊友去填充。因為咁所以當佢落場的時候，隊友需要配合佢做更多防務，而佢的防守表現比同位置的球員差。
薩克達 vs 車路士
咁到底梅迪歷經歷左兩季英超的洗禮，佢有無進步呢？
用射門/創造/控球逐一比較下，我的答案係正面ge。
薩克達時期的梅迪歷，場均1.5次射門，1次命中，xG係0.19
去到上季的梅迪歷，已經追貼佢自己的表現，場均1.94次射門，0.79次命中，xG上升到0.25
至少係射門的數據上佢已經有進步，甚至超越左自己。
創造方面，薩克達時期的射門創造係場均2.11次，上季已經升到3.43次，而且當中靠過人去做出的射門創造係0.4次，亦係一個唔錯的進步。
控球方面，係防守強度高的英超，被搶斷的次數已經明顯比佢薩克達時期有減少，由3.33次跌到1.26次，向前帶波的距離，次數已經返左去薩克達時期。
講到佢全部野都比薩克達時期好，咁係咪佢好勁唔使場場鬧？ 可惜的係，以上的數據都只係用佢自己同自己比。將數據拉去同返一樣位置的球員比較，好多部份都仲係唔合格。
不過可以講的係，佢本人無原地踏步，數字都表明左佢有努力適應英超的踢法同有確確實實地搵返自己的表現。而且，而家我地講緊的係一個活生生的人而唔係機器，唔係話我改段Code佢就會自動有大進步，係拘泥於佢的身價的同時，不妨留意下佢會唔會繼續改善自己的弱項取得進步。
所以，排除佢身價同媒體的報道，單用數字比較梅迪歷以前的踢法同而家的狀態，睇下佢到底有得救定無得救，有進步定無進步。
先講下當初梅迪歷的優點：
作為右腳的左翼球員，梅迪歷擅長的係由左路內切到大位用右腳射門。同時佢的加速度突出，可以好快咁由靜止狀態提升到最高速度。而佢的左腳都唔係生鏽，根據WYScout的分析，可以睇得出梅迪歷的左腳仍然可以做到傳送同帶波的微修正。呢幾樣就係當初車路士同阿仙奴都睇中佢的原因。
相對於優點，弱點都相對明顯得多。
第一樣係射門力量同準確度，加速之後梅迪歷由控球到射門之間的動作仲未做到好好的控制，往往令佢的射門唔夠致命，唔止講緊唔中目標，甚至中目標都好都未必可以威脅到門將。同樣連佢的傳波動作都一併受到影響。
第二樣係比賽節奏的控制，梅迪歷到呢一刻仲未做到加速減速的收放自如，向前加速的途中如果被攔截搶斷失去控球，往往佢需要比同位置的球員更多時間同距離去回防，加速之後出現的大量空間亦需要隊友去填充。因為咁所以當佢落場的時候，隊友需要配合佢做更多防務，而佢的防守表現比同位置的球員差。
薩克達 vs 車路士
咁到底梅迪歷經歷左兩季英超的洗禮，佢有無進步呢？
用射門/創造/控球逐一比較下，我的答案係正面ge。
薩克達時期的梅迪歷，場均1.5次射門，1次命中，xG係0.19
去到上季的梅迪歷，已經追貼佢自己的表現，場均1.94次射門，0.79次命中，xG上升到0.25
至少係射門的數據上佢已經有進步，甚至超越左自己。
創造方面，薩克達時期的射門創造係場均2.11次，上季已經升到3.43次，而且當中靠過人去做出的射門創造係0.4次，亦係一個唔錯的進步。
控球方面，係防守強度高的英超，被搶斷的次數已經明顯比佢薩克達時期有減少，由3.33次跌到1.26次，向前帶波的距離，次數已經返左去薩克達時期。
講到佢全部野都比薩克達時期好，咁係咪佢好勁唔使場場鬧？ 可惜的係，以上的數據都只係用佢自己同自己比。將數據拉去同返一樣位置的球員比較，好多部份都仲係唔合格。
不過可以講的係，佢本人無原地踏步，數字都表明左佢有努力適應英超的踢法同有確確實實地搵返自己的表現。而且，而家我地講緊的係一個活生生的人而唔係機器，唔係話我改段Code佢就會自動有大進步，係拘泥於佢的身價的同時，不妨留意下佢會唔會繼續改善自己的弱項取得進步。