【數據分析】未遇伯樂的千里馬 淺談加拉加
呢篇文用左頗長時間整理，其中一個原因係，我唔確定要點樣評論加拉加呢個球員先係正確。
我都係一個鍾意FF的球迷，曾幾何時都有幻想過車路士會唔會擁有一生一隊的球員，係車路士青訓出身，奮鬥，退役。當球隊出現有實力青訓的時候，自然就會想佢地留隊，想佢地變成球隊核心。
由初代卡古達(Gaël Kakuta)，賓特拿(Ryan Bertrand)，後來的麥伊治蘭(Josh McEachran)，赫切臣(Sam Hutchinson)，大查路拜(Nathaniel Chalobah)，呢d球員都曾經出現係車路士一隊名單，但結果因為領隊風格或者球員實力等的原因賣走或者完約離隊。(當然後面仲有更多更好的球員而家係其他隊發光發熱)
如果有返咁上下年資的車迷，應該會記得加拉加最初都係不停外借，最後唔賣俾水晶宮收為己用。由果時開始，我認知中的加拉加，踢法偏向全能型中場。
射門方面，我唔會話佢係一個出色的攻擊手。如果你要同隊中的攻擊球員比較，你唔會覺得加拉加係進攻陣入面的核心。仔細觀察佢的xG，射門數，入球數，唔難發現加拉加的數字踩住合格線。機會創造方面亦係一樣，xA係數字上都唔係高。係生波的射門機會創造上，加拉加只係比世界同位置的球員略高。
而加拉加的賣點，算係防守方面。佢定位係中場中，同位置比較下佢攔截盤扭的數字處於合格水平。因為夠晒勤力work rate高，係進攻邊的攔截次數佢係多ge ，不過成功率唔算高咁解。礙於踢法同身形問題，高波可以話係佢的弱項，加拉加的高空爭頂數據同樣唔合格。
而佢另一個明顯的弱點，係控球同護球能力。加拉加的miscontrol數字偏高，失去控球數字都一樣，係進攻組織的時候往往變成斷波點，就算後面勤力搶返，多少都拖慢左全隊的進攻節奏。
加拉加而家明顯處於攻又唔係守又唔係的兩難局面。要加拉加攻門，前面又有彭馬/尼干古呢堆攻擊好手，要佢傳波，身邊的安素，彭馬一樣可以勝任，防守上，只能依靠體力跑滿全場做防務，可惜實際落腳的準確性又無簡迪咁好，經常都領黃。
正正就係呢種特性，令我覺得難以落筆。如果黎緊車路士的光頭馬蛇要踢傳控，加拉加控球較弱，有無能力融入球隊之餘搵到屬於自己的個性?
光頭馬蛇有無方法令加拉加更進一步?一係將佢變成更加趨向防中，集中精神係防守同後上方面，變成類似懷斯的球員，但同位置上，又有卡些度同拉維亞。要佢的傳波進步，變成車路士隊中的迪布尼？攻擊線又有彭馬，安宮古同今年上車的契仔霍爾。
再者，幾種能力比較之下，亦睇得出加拉加的特點有可能被其他球員COVER，問佢係咪無可取代又好似唔係。
如果佢係施蒙尼或者其他教頭手上變成更好的球員更有侵略性，會唔會比佢留係車路士虛渡光陰更加好。加拉加可能係千里馬，不過單睇而家光頭馬蛇的踢法，可能就未必係佢的伯樂。而家都傳緊加拉加拒絕左車路士的續約兩次，睇黎佢都諗好左要點做。
「放手都係愛的一種」
我都係一個鍾意FF的球迷，曾幾何時都有幻想過車路士會唔會擁有一生一隊的球員，係車路士青訓出身，奮鬥，退役。當球隊出現有實力青訓的時候，自然就會想佢地留隊，想佢地變成球隊核心。
由初代卡古達(Gaël Kakuta)，賓特拿(Ryan Bertrand)，後來的麥伊治蘭(Josh McEachran)，赫切臣(Sam Hutchinson)，大查路拜(Nathaniel Chalobah)，呢d球員都曾經出現係車路士一隊名單，但結果因為領隊風格或者球員實力等的原因賣走或者完約離隊。(當然後面仲有更多更好的球員而家係其他隊發光發熱)
如果有返咁上下年資的車迷，應該會記得加拉加最初都係不停外借，最後唔賣俾水晶宮收為己用。由果時開始，我認知中的加拉加，踢法偏向全能型中場。
射門方面，我唔會話佢係一個出色的攻擊手。如果你要同隊中的攻擊球員比較，你唔會覺得加拉加係進攻陣入面的核心。仔細觀察佢的xG，射門數，入球數，唔難發現加拉加的數字踩住合格線。機會創造方面亦係一樣，xA係數字上都唔係高。係生波的射門機會創造上，加拉加只係比世界同位置的球員略高。
而加拉加的賣點，算係防守方面。佢定位係中場中，同位置比較下佢攔截盤扭的數字處於合格水平。因為夠晒勤力work rate高，係進攻邊的攔截次數佢係多ge ，不過成功率唔算高咁解。礙於踢法同身形問題，高波可以話係佢的弱項，加拉加的高空爭頂數據同樣唔合格。
而佢另一個明顯的弱點，係控球同護球能力。加拉加的miscontrol數字偏高，失去控球數字都一樣，係進攻組織的時候往往變成斷波點，就算後面勤力搶返，多少都拖慢左全隊的進攻節奏。
加拉加而家明顯處於攻又唔係守又唔係的兩難局面。要加拉加攻門，前面又有彭馬/尼干古呢堆攻擊好手，要佢傳波，身邊的安素，彭馬一樣可以勝任，防守上，只能依靠體力跑滿全場做防務，可惜實際落腳的準確性又無簡迪咁好，經常都領黃。
正正就係呢種特性，令我覺得難以落筆。如果黎緊車路士的光頭馬蛇要踢傳控，加拉加控球較弱，有無能力融入球隊之餘搵到屬於自己的個性?
光頭馬蛇有無方法令加拉加更進一步?一係將佢變成更加趨向防中，集中精神係防守同後上方面，變成類似懷斯的球員，但同位置上，又有卡些度同拉維亞。要佢的傳波進步，變成車路士隊中的迪布尼？攻擊線又有彭馬，安宮古同今年上車的契仔霍爾。
再者，幾種能力比較之下，亦睇得出加拉加的特點有可能被其他球員COVER，問佢係咪無可取代又好似唔係。
如果佢係施蒙尼或者其他教頭手上變成更好的球員更有侵略性，會唔會比佢留係車路士虛渡光陰更加好。加拉加可能係千里馬，不過單睇而家光頭馬蛇的踢法，可能就未必係佢的伯樂。而家都傳緊加拉加拒絕左車路士的續約兩次，睇黎佢都諗好左要點做。
「放手都係愛的一種」