【轉會分析】祖亞奧菲歷斯 車路士的轉會狂想曲
多方消息報導，車路士同馬體會達成協議，菲歷斯好接近重新加盟車路士。先排除呢單轉會的吹水成份，但菲歷斯的加盟對車路士黎講到底係好事定係壞事？今次嘗試下係數字上搵下答案。
個人數據：
菲歷斯加盟第一季的時候，當時的領隊普捷天奴認為佢唔係球隊合適的人材。主要原因係菲歷斯雖然有突破同射門的能力，但係防守的能力相對較低。當時的車路士需要前線都回後搶迫，菲歷斯自然唔係考慮之列。
係西甲過左一年之後，菲歷斯係禁區內的表現仍然保持到一貫的水準。其中最令人留下印象的，莫過於佢的接收前傳次數，達場均11次，比平均同位置球員的8.03次高出唔少。其次係射門方面的數據，包括左預期入球，射門次數兩方面都係高。前者0.49 (平均0.22), 後者3.68 (平均2.26)
所以單就呢幾項數據，就可以睇出菲歷斯的踢波風格類似係：
「聰明的走位，有能力接應隊友傳球，扭波入侵對手禁區起腳射門」
然而相對於優點，弱點一樣咁明顯。基本上防守數據滿堂紅，唔止防守次數少，防守成功率都唔高。嘗試過人次數係多，但被搶斷失去控球的次數同樣高。關鍵傳球，傳入禁區等等的傳球數據一樣全部肥佬，長傳欠奉，唯一死剩就係短傳。
所以可以係上面的風格再補充：
「聰明的走位，有能力接應隊友傳球，扭波入侵對手禁區起腳射門，盤扭成功率唔多，間中就會頭腦發熱硬去失去控球，唔太積極傳長波俾隊友，無防守意願亦無防守能力」
呢個就係呢兩年數據上反映出菲歷斯的能力全貌。
融入踢法：
馬蛇的車路士，觀察左大約7場比賽，踢法仍然係以4231為中軸。前鋒負責拉開防線，兩翼橫向牽制對手，兩個中場壓上形成更多傳送點，閘位進入中路Overload對手中場人數形成3-2-2-3的「盒形」踢法。
現階段睇，菲歷斯最有可能出任的位置仍然係左翼鋒。雖然菲歷斯無梅迪歷的速度，但佢更加接近係科頓果種會回後接應傳球的類型。有能力拉空對手，為Half Space的隊友創造進攻機會，因為菲歷斯有唔錯的視野同判斷力，彈彈波咁撞牆再入侵對手禁區都係一個好的選擇。
除左左翼鋒，仲有可能被安排的位置有攻中或者假九。係接近禁區邊緣走動，接應隊友傳波後直接殺入禁區起腳，佢的速度同盤扭能力的確有方法打亂對手的中堅節奏，作為假九算係一個唔錯的選項，而呢個踢法係季前熱身賽對曼城亦有試過。
但作為攻中的話，就略嫌菲歷斯的傳球能力同傳球視野不足，可以為前鋒拉空，但係無辦法為前鋒提供射門機會。如果佢可以係傳波更進一步，相信表現可以比上場安素更加好。
隊中隱憂：
講完踢法同可能，最後單純係前線球員有人滿之患。
前線的球員包括左史端寧，梅迪歷，尼圖，安宮古，彭馬，積臣，馬杜基，小將古爾，卓古美卡，甚至傳緊車路士仲努力緊買多一個前鋒，係呢一刻再加一個菲歷斯，就算係4線都好都可以組得出好多個唔同的攻堅組合。
加埋安素被安排後上去禁區邊騷擾對手，黎緊車路士的課題仍然離唔開要清理球員解決前鋒位置的擁擠問題。
但既然菲歷斯的加盟係勢在必行，就繼續觀望一下馬蛇會點處理。
個人數據：
菲歷斯加盟第一季的時候，當時的領隊普捷天奴認為佢唔係球隊合適的人材。主要原因係菲歷斯雖然有突破同射門的能力，但係防守的能力相對較低。當時的車路士需要前線都回後搶迫，菲歷斯自然唔係考慮之列。
係西甲過左一年之後，菲歷斯係禁區內的表現仍然保持到一貫的水準。其中最令人留下印象的，莫過於佢的接收前傳次數，達場均11次，比平均同位置球員的8.03次高出唔少。其次係射門方面的數據，包括左預期入球，射門次數兩方面都係高。前者0.49 (平均0.22), 後者3.68 (平均2.26)
所以單就呢幾項數據，就可以睇出菲歷斯的踢波風格類似係：
「聰明的走位，有能力接應隊友傳球，扭波入侵對手禁區起腳射門」
然而相對於優點，弱點一樣咁明顯。基本上防守數據滿堂紅，唔止防守次數少，防守成功率都唔高。嘗試過人次數係多，但被搶斷失去控球的次數同樣高。關鍵傳球，傳入禁區等等的傳球數據一樣全部肥佬，長傳欠奉，唯一死剩就係短傳。
所以可以係上面的風格再補充：
「聰明的走位，有能力接應隊友傳球，扭波入侵對手禁區起腳射門，盤扭成功率唔多，間中就會頭腦發熱硬去失去控球，唔太積極傳長波俾隊友，無防守意願亦無防守能力」
呢個就係呢兩年數據上反映出菲歷斯的能力全貌。
融入踢法：
馬蛇的車路士，觀察左大約7場比賽，踢法仍然係以4231為中軸。前鋒負責拉開防線，兩翼橫向牽制對手，兩個中場壓上形成更多傳送點，閘位進入中路Overload對手中場人數形成3-2-2-3的「盒形」踢法。
現階段睇，菲歷斯最有可能出任的位置仍然係左翼鋒。雖然菲歷斯無梅迪歷的速度，但佢更加接近係科頓果種會回後接應傳球的類型。有能力拉空對手，為Half Space的隊友創造進攻機會，因為菲歷斯有唔錯的視野同判斷力，彈彈波咁撞牆再入侵對手禁區都係一個好的選擇。
除左左翼鋒，仲有可能被安排的位置有攻中或者假九。係接近禁區邊緣走動，接應隊友傳波後直接殺入禁區起腳，佢的速度同盤扭能力的確有方法打亂對手的中堅節奏，作為假九算係一個唔錯的選項，而呢個踢法係季前熱身賽對曼城亦有試過。
但作為攻中的話，就略嫌菲歷斯的傳球能力同傳球視野不足，可以為前鋒拉空，但係無辦法為前鋒提供射門機會。如果佢可以係傳波更進一步，相信表現可以比上場安素更加好。
隊中隱憂：
講完踢法同可能，最後單純係前線球員有人滿之患。
前線的球員包括左史端寧，梅迪歷，尼圖，安宮古，彭馬，積臣，馬杜基，小將古爾，卓古美卡，甚至傳緊車路士仲努力緊買多一個前鋒，係呢一刻再加一個菲歷斯，就算係4線都好都可以組得出好多個唔同的攻堅組合。
加埋安素被安排後上去禁區邊騷擾對手，黎緊車路士的課題仍然離唔開要清理球員解決前鋒位置的擁擠問題。
但既然菲歷斯的加盟係勢在必行，就繼續觀望一下馬蛇會點處理。