【轉會分析】車迷眼中的辛祖 浴火重生的機會
早係四年前，車路士就有考慮直接係多蒙特收購辛祖。然而有趣的係，今時今日收購辛祖居然會引來一眾曼聯球迷高呼「多謝Todd大佬」。
呢篇文都唔想集中討論辛祖的記律問題同探討佢之後有無更衣室用，更多會想透過數字去比較同分析。相信好多曼迷都唔會對辛祖陌生，特別係多蒙特年代的辛祖，今次都特別抽出左佢係多蒙特年代(20/21), 加盟曼聯第二年(22/23), 仲有上年(23/24)的數據去分析佢的個人特點。雖然只係睇數據去預測，就由辛祖的個人特質開始講下佢加盟車路士的影響。
多蒙特時期的辛祖(2020/21)
呢一季的辛祖，係19/20年發光發熱之後，仍然繼續令世人刮目相看。集合速度，盤扭，射門，助攻於一身，各方面的數據都可以話係無懈可擊。入球數字更加拍得住當年同隊的夏蘭特。
辛祖第一個個人特點，速度盤扭。
辛祖係記錄上的最高速係34.60 km/h。雖然唔可以話係球壇頂端的速度，但係佢加速需要的距離短，好易就爆到最高速度。如果距離夠長, 空間相對足夠的話, 辛祖就可以發揮佢的所長。
當年的辛祖，平均帶波距離係312碼，呢個數字係遠超於平均的218.53碼。當中有159.3碼係帶波前進的距離，呢個數字亦一樣係遠超平均的107.67碼。辛祖亦唔係得個跑字，過人嘗試同成功次數方面辛祖都係站於球壇頂點(3.36/6.03)。相比同位置平均的數字都係高得驚人(1.69/3.81)。
而因為佢有速度又有盤扭能力，所以佢殺入去Final Third的次數都相對多，達到3.36次，高於平均的2.36次。
第二個個人特點，創造力。
因為有第一個特點，佢後面可以發揮的地方就更多。其中一樣係佢的射門創造能力。係多蒙特的辛祖，場均創造5.46次射門機會，用人話講，佢幾乎同上季的彭馬差唔多，而兩個人的數字亦係遠超平均數字3.96次。
辛祖最擅長就係透過傳送創造射門機會，扣除左死球直射，過人都創造左場均0.35次射門。
再詳細睇佢的傳球數據就更加不得了(括號內係世界平均)。該季向前傳球次數達7.77次(4.16)，3.58次傳入禁區(1.50)，其中有2.93次係關鍵傳球(1.79)，預計助攻數字差唔多0.35(0.19)。
第三個個人特點，無球跑動。
果一季的辛祖，並非係無腦帶住個波死衝爛衝的球員。保持速度的同時，佢有能力觀察隊友的走位，將個波帶入擠擁的區域配合隊友，自己再做無球跑動都係佢的特點之一。
該季的辛祖接應傳球數達59.9次(38.06), 當中接應的前傳亦有12.1次(8.01)，兩者都可以證明辛祖走位正確，隊友都有好好配合到佢。
難怪當時曼聯會願意用85M去買辛祖帶佢返去。
加盟曼聯後的辛祖(21/22~)
任何球員轉去另一個聯賽之後，總會有低潮，其中一個原因係聯賽的風格轉變，仲有隊友的轉變。係多蒙特的辛祖，全世界幾乎係圍住佢而轉。去到曼聯之後遇上第一個問題，係同隊友之間的默契。以下文字抽左佢係曼聯時期(22/23)去睇。
轉會之後，辛祖下跌得最明顯的數字係過人數據同接應傳球數據。過人由最初的3.36跌到1.76，接收隊友前傳的數據亦由12.1跌到9.25。90分鐘平均觸球次數亦由76.7次大減到52.2次。
最重要的入球數字都不見得係好，多蒙特時期的0.52球跌到0.21球，幾乎係一半的效率。主要的原因唔係佢射術變差，而更多係佢射門數字下跌，由0.91次大幅跌到0.43次。入球轉化率亦維持，由0.23變成0.20，唔算係大的跌幅。
更可怕的係，佢根本配合唔到隊友去製造攻勢。傳入禁區次數由3.58跌到2.14次，前傳次數由7.77次跌到4.06次。辛祖的狀態低迷，其中一部份都要歸咎於佢的隊友把握力唔好，雖然辛祖的預期助攻數字由0.35跌到0.22次, 但係實際助攻差距數字由0.14大跌到-0.11，證明佢傳到個波出黎但隊友無能力送個波入網。
當然，數字上唔係一面倒退步，辛祖係個人技術同控球方面更趨成熟亦係事實。首先係佢的命中射門轉化率，由多蒙特時期的0.44提升到0.48。自己控失的數字由多蒙特時期的2.75次減少到1.84次(平均2.25)。失去控球次數1.41次進步到0.96次(平均1.50)。至少係射門同控球上可以睇到，辛祖個人技術無明顯的退步。
加盟車路士的影響：
繼續撇除佢公開批評坦克的態度問題，同埋訓練遲到呢d紀律問題。好多球迷會有錯覺，認為辛祖回晒塘，去車路士都只係保利錢太多。但英國記者都有講，車路士認為20~25m呢個價錢買辛祖係一個唔可以抗拒的交易黎。曾經有同辛祖共事過的後台員工，話有信心辛祖係新環境下可以搵返狀態。
就算用辛祖回塘的數字去同車路士陣中的翼位球員比較都無問題。而家車路士陣中，會直接同辛祖撞位的球員包括左梅迪歷，馬杜基同新加盟的尼圖。由於彭馬可以勝任攻中的關係就先無視。
先睇佢地各自的最高速度：
尼圖：36.86km/h
梅迪歷：36.60 km/h
辛祖：34.60 km/h
馬杜基：28.30 km/h
辛祖係佢地4個入面唔算係最快，不過好多球迷都識講，得個快字無用的，所以拎埋其餘幾樣數據比較下：
如圖所見，辛祖的過人成功率係4個人入面最高，而佢的過人成功率亦唔係建立於大量的嘗試。接應隊友的前傳數字亦高於尼圖同梅迪歷，最重要的係，回塘的辛祖係失去控球同控失兩個數字上表現都好過其餘三名。射門機會創造，傳入禁區數字，關鍵傳球數字，入球轉化率，全部都係4個人入面最高。同位置上，可以話將梅迪歷完全比下去。
所以，如果呢個真係回塘的數據，就好難怪保利會想用25m去買個機會。
不過數據都唔係一面倒得好無壞。首先係辛祖的過頭波傳送能力唔好，係講求拉空轉邊的馬蛇踢法下，辛祖的弱點有可能被放大黎睇。
其次係，辛祖並唔係積極回防類型的球員，防守數據滿堂紅的辛祖大概會俾馬蛇由開場指到換走為止。
最後就係，辛祖算係雖然控球在腳的球員，但車路士隊中要求球權的球員都唔係少，要點樣調節球員之間的球權問題，恐怕會係馬蛇黎緊的課題之一。
總結：
比較過全面的數據，只可以講一句爛船仲有三分釘。數字上同尼圖有差唔多的表現，但係可能的轉會費就平一半。而家轉會方面的消息都話，車路士今季只要排名高於14位，就要買斷辛祖。相信今季會係辛祖表現自己的最後機會，否則下年可能要陪捷維爾去U21踢波。
呢篇文都唔想集中討論辛祖的記律問題同探討佢之後有無更衣室用，更多會想透過數字去比較同分析。相信好多曼迷都唔會對辛祖陌生，特別係多蒙特年代的辛祖，今次都特別抽出左佢係多蒙特年代(20/21), 加盟曼聯第二年(22/23), 仲有上年(23/24)的數據去分析佢的個人特點。雖然只係睇數據去預測，就由辛祖的個人特質開始講下佢加盟車路士的影響。
多蒙特時期的辛祖(2020/21)
呢一季的辛祖，係19/20年發光發熱之後，仍然繼續令世人刮目相看。集合速度，盤扭，射門，助攻於一身，各方面的數據都可以話係無懈可擊。入球數字更加拍得住當年同隊的夏蘭特。
辛祖第一個個人特點，速度盤扭。
辛祖係記錄上的最高速係34.60 km/h。雖然唔可以話係球壇頂端的速度，但係佢加速需要的距離短，好易就爆到最高速度。如果距離夠長, 空間相對足夠的話, 辛祖就可以發揮佢的所長。
當年的辛祖，平均帶波距離係312碼，呢個數字係遠超於平均的218.53碼。當中有159.3碼係帶波前進的距離，呢個數字亦一樣係遠超平均的107.67碼。辛祖亦唔係得個跑字，過人嘗試同成功次數方面辛祖都係站於球壇頂點(3.36/6.03)。相比同位置平均的數字都係高得驚人(1.69/3.81)。
而因為佢有速度又有盤扭能力，所以佢殺入去Final Third的次數都相對多，達到3.36次，高於平均的2.36次。
第二個個人特點，創造力。
因為有第一個特點，佢後面可以發揮的地方就更多。其中一樣係佢的射門創造能力。係多蒙特的辛祖，場均創造5.46次射門機會，用人話講，佢幾乎同上季的彭馬差唔多，而兩個人的數字亦係遠超平均數字3.96次。
辛祖最擅長就係透過傳送創造射門機會，扣除左死球直射，過人都創造左場均0.35次射門。
再詳細睇佢的傳球數據就更加不得了(括號內係世界平均)。該季向前傳球次數達7.77次(4.16)，3.58次傳入禁區(1.50)，其中有2.93次係關鍵傳球(1.79)，預計助攻數字差唔多0.35(0.19)。
第三個個人特點，無球跑動。
果一季的辛祖，並非係無腦帶住個波死衝爛衝的球員。保持速度的同時，佢有能力觀察隊友的走位，將個波帶入擠擁的區域配合隊友，自己再做無球跑動都係佢的特點之一。
該季的辛祖接應傳球數達59.9次(38.06), 當中接應的前傳亦有12.1次(8.01)，兩者都可以證明辛祖走位正確，隊友都有好好配合到佢。
難怪當時曼聯會願意用85M去買辛祖帶佢返去。
加盟曼聯後的辛祖(21/22~)
任何球員轉去另一個聯賽之後，總會有低潮，其中一個原因係聯賽的風格轉變，仲有隊友的轉變。係多蒙特的辛祖，全世界幾乎係圍住佢而轉。去到曼聯之後遇上第一個問題，係同隊友之間的默契。以下文字抽左佢係曼聯時期(22/23)去睇。
轉會之後，辛祖下跌得最明顯的數字係過人數據同接應傳球數據。過人由最初的3.36跌到1.76，接收隊友前傳的數據亦由12.1跌到9.25。90分鐘平均觸球次數亦由76.7次大減到52.2次。
最重要的入球數字都不見得係好，多蒙特時期的0.52球跌到0.21球，幾乎係一半的效率。主要的原因唔係佢射術變差，而更多係佢射門數字下跌，由0.91次大幅跌到0.43次。入球轉化率亦維持，由0.23變成0.20，唔算係大的跌幅。
更可怕的係，佢根本配合唔到隊友去製造攻勢。傳入禁區次數由3.58跌到2.14次，前傳次數由7.77次跌到4.06次。辛祖的狀態低迷，其中一部份都要歸咎於佢的隊友把握力唔好，雖然辛祖的預期助攻數字由0.35跌到0.22次, 但係實際助攻差距數字由0.14大跌到-0.11，證明佢傳到個波出黎但隊友無能力送個波入網。
當然，數字上唔係一面倒退步，辛祖係個人技術同控球方面更趨成熟亦係事實。首先係佢的命中射門轉化率，由多蒙特時期的0.44提升到0.48。自己控失的數字由多蒙特時期的2.75次減少到1.84次(平均2.25)。失去控球次數1.41次進步到0.96次(平均1.50)。至少係射門同控球上可以睇到，辛祖個人技術無明顯的退步。
加盟車路士的影響：
繼續撇除佢公開批評坦克的態度問題，同埋訓練遲到呢d紀律問題。好多球迷會有錯覺，認為辛祖回晒塘，去車路士都只係保利錢太多。但英國記者都有講，車路士認為20~25m呢個價錢買辛祖係一個唔可以抗拒的交易黎。曾經有同辛祖共事過的後台員工，話有信心辛祖係新環境下可以搵返狀態。
就算用辛祖回塘的數字去同車路士陣中的翼位球員比較都無問題。而家車路士陣中，會直接同辛祖撞位的球員包括左梅迪歷，馬杜基同新加盟的尼圖。由於彭馬可以勝任攻中的關係就先無視。
先睇佢地各自的最高速度：
尼圖：36.86km/h
梅迪歷：36.60 km/h
辛祖：34.60 km/h
馬杜基：28.30 km/h
辛祖係佢地4個入面唔算係最快，不過好多球迷都識講，得個快字無用的，所以拎埋其餘幾樣數據比較下：
如圖所見，辛祖的過人成功率係4個人入面最高，而佢的過人成功率亦唔係建立於大量的嘗試。接應隊友的前傳數字亦高於尼圖同梅迪歷，最重要的係，回塘的辛祖係失去控球同控失兩個數字上表現都好過其餘三名。射門機會創造，傳入禁區數字，關鍵傳球數字，入球轉化率，全部都係4個人入面最高。同位置上，可以話將梅迪歷完全比下去。
所以，如果呢個真係回塘的數據，就好難怪保利會想用25m去買個機會。
不過數據都唔係一面倒得好無壞。首先係辛祖的過頭波傳送能力唔好，係講求拉空轉邊的馬蛇踢法下，辛祖的弱點有可能被放大黎睇。
其次係，辛祖並唔係積極回防類型的球員，防守數據滿堂紅的辛祖大概會俾馬蛇由開場指到換走為止。
最後就係，辛祖算係雖然控球在腳的球員，但車路士隊中要求球權的球員都唔係少，要點樣調節球員之間的球權問題，恐怕會係馬蛇黎緊的課題之一。
總結：
比較過全面的數據，只可以講一句爛船仲有三分釘。數字上同尼圖有差唔多的表現，但係可能的轉會費就平一半。而家轉會方面的消息都話，車路士今季只要排名高於14位，就要買斷辛祖。相信今季會係辛祖表現自己的最後機會，否則下年可能要陪捷維爾去U21踢波。