【賽後報告】般尼茅夫對車路士 唔值得拎走的3分
問心果句，作為車迷都唔覺得呢場值得拎走3分。正如季前所講，馬蛇無論咩對手都係擺個4231出黎迎戰，呢場就正正顯示出佢賽前部署的漏洞。
單睇控球數字無問題，車路士半場以67.2:32.8領先對手。但係踢法上反而俾對手完全壓制。般茅透過高強度的中場搶迫壓制車路士的中前場，有效咁阻止車路士過半場，睇返平均企位都會見到車路士全隊的位置比之前收得更深。而半場無論係射門數，定係防守次數都遠差於對手，般茅甚至把握到科芬拿的個人失誤獲得一個十二碼。只係因為山齊士突然爆seed救走。11次射門除左十二碼之外，仲有兩次射中門框，真係足球之神眷顧車路士先無事。
下半場車路士換入辛祖, 針對般茅的右路弱點攻擊，先叫有返少少攻勢。最後憑住86分鐘，辛祖係邊路突破，安宮古接應再射入全場唯一入球。
戰術&數據：
1) 馬蛇的4231，重點在於球員的控傳同組織，但係當對手防線的速度都快，可以對應到車路士的快攻的話，就可以完全壓制到車路士的攻勢。上半場般茅的掃蕩成功守到車路士一棟都無, 半場5射先1次中目標，xG低到得0.18。
2) 防守同對抗數據都輸，亦無能力贏Second ball，最大鑊係右閘的迪西施，走位同決定都錯，俾對面Tavernier極多空間去創造射門機會。6次帶波前進同3次進入FINAL THIRD都係般茅入面最多。
3) 中場連接失效，迫到彭馬要下下回後幫手，變相減弱左彭馬係前線的攻擊力。當車路士失去彭馬，成隊波就無晒板斧，呢個就係上半場攻極都唔到肉的原因。再睇全場數據，彭馬明顯成為左般茅針對的重點。
4) 換人的諗法好好，尼圖係左路無成功用速度換到任何優勢，所以決定換走尼圖換入一對一更強的辛祖，當對手防範右邊的彭馬，反而俾左更多空間辛祖突破再傳入禁區。而身後的古古尼亞都善用左辛祖拉出黎的空位，辛祖的入替可以話係神來之筆。
5) 但係遲遲都唔換走積臣就有少少令人費解。相信好多車迷都睇到眼火爆，最燥莫過於佢把握力唔好，控波又差，而積臣5次自己控失亦係全場最多果個。積臣的踢法唔係細膩技術型，反而係速度同走位接應，如果對手係密集式防守就會將佢的弱點曝露出黎。最後安宮古果球換成積臣的話，怕且佢重覆100次都唔會射得入。
個別球員表現：
山齊士：先唔講後防的問題令對面全場有7次中龍射門，但山齊士勇救6次，射門後預期進球數(PSxG)高達2.5但係一球不失，簡直係山齊士記錄上的一次成就。車路士贏波第一個功臣的確係山齊士。
辛祖：係狹窄的空間控波，廣闊的視野，有能力傳到俾隊友，全隊最多的3次傳入禁區同2次關鍵傳球，基本上呢場車路士可以拎走3分真係要多謝曼聯的慷慨解囊。不過更加重要的係佢可唔可以保持狀態，同埋有無入球的能力。
迪西施：60分鐘可以0 tackle，0 blocking，其實馬蛇搵受傷的占士去踢都應該差唔多。
維加：唔起眼，但其實今場佢功不可沒。2次嘗試過人2次成功，53次傳送成功，攻守兩邊都做足左本份，唔止係個樣，踢法上完全睇唔出佢得21歲。如果佢有能力踢右閘的話，分分鐘會取代迪西施。
總結：
雖然拎走3分係開心，但係球隊係攻守兩邊都處理得唔好，雖然話安素同KDH兩個突然唔舒服缺陣影響左部署，但彭馬失靈前線就無晒辦法，唔可能場場都交個波俾彭馬一個人諗掂佢，馬蛇唔缺人，不過都要認真諗下左中右要點擺先可以分擔到彭馬的壓力。
右閘的問題始終未搵到解決方案，要迪西施兼任都只係權宜之計，中堅間中自爆都成為左車路士的隱憂。報導話占士仲要養傷一段時間，到底仲有咩人可以救到車呢？
單睇控球數字無問題，車路士半場以67.2:32.8領先對手。但係踢法上反而俾對手完全壓制。般茅透過高強度的中場搶迫壓制車路士的中前場，有效咁阻止車路士過半場，睇返平均企位都會見到車路士全隊的位置比之前收得更深。而半場無論係射門數，定係防守次數都遠差於對手，般茅甚至把握到科芬拿的個人失誤獲得一個十二碼。只係因為山齊士突然爆seed救走。11次射門除左十二碼之外，仲有兩次射中門框，真係足球之神眷顧車路士先無事。
下半場車路士換入辛祖, 針對般茅的右路弱點攻擊，先叫有返少少攻勢。最後憑住86分鐘，辛祖係邊路突破，安宮古接應再射入全場唯一入球。
戰術&數據：
1) 馬蛇的4231，重點在於球員的控傳同組織，但係當對手防線的速度都快，可以對應到車路士的快攻的話，就可以完全壓制到車路士的攻勢。上半場般茅的掃蕩成功守到車路士一棟都無, 半場5射先1次中目標，xG低到得0.18。
2) 防守同對抗數據都輸，亦無能力贏Second ball，最大鑊係右閘的迪西施，走位同決定都錯，俾對面Tavernier極多空間去創造射門機會。6次帶波前進同3次進入FINAL THIRD都係般茅入面最多。
3) 中場連接失效，迫到彭馬要下下回後幫手，變相減弱左彭馬係前線的攻擊力。當車路士失去彭馬，成隊波就無晒板斧，呢個就係上半場攻極都唔到肉的原因。再睇全場數據，彭馬明顯成為左般茅針對的重點。
4) 換人的諗法好好，尼圖係左路無成功用速度換到任何優勢，所以決定換走尼圖換入一對一更強的辛祖，當對手防範右邊的彭馬，反而俾左更多空間辛祖突破再傳入禁區。而身後的古古尼亞都善用左辛祖拉出黎的空位，辛祖的入替可以話係神來之筆。
5) 但係遲遲都唔換走積臣就有少少令人費解。相信好多車迷都睇到眼火爆，最燥莫過於佢把握力唔好，控波又差，而積臣5次自己控失亦係全場最多果個。積臣的踢法唔係細膩技術型，反而係速度同走位接應，如果對手係密集式防守就會將佢的弱點曝露出黎。最後安宮古果球換成積臣的話，怕且佢重覆100次都唔會射得入。
個別球員表現：
山齊士：先唔講後防的問題令對面全場有7次中龍射門，但山齊士勇救6次，射門後預期進球數(PSxG)高達2.5但係一球不失，簡直係山齊士記錄上的一次成就。車路士贏波第一個功臣的確係山齊士。
辛祖：係狹窄的空間控波，廣闊的視野，有能力傳到俾隊友，全隊最多的3次傳入禁區同2次關鍵傳球，基本上呢場車路士可以拎走3分真係要多謝曼聯的慷慨解囊。不過更加重要的係佢可唔可以保持狀態，同埋有無入球的能力。
迪西施：60分鐘可以0 tackle，0 blocking，其實馬蛇搵受傷的占士去踢都應該差唔多。
維加：唔起眼，但其實今場佢功不可沒。2次嘗試過人2次成功，53次傳送成功，攻守兩邊都做足左本份，唔止係個樣，踢法上完全睇唔出佢得21歲。如果佢有能力踢右閘的話，分分鐘會取代迪西施。
總結：
雖然拎走3分係開心，但係球隊係攻守兩邊都處理得唔好，雖然話安素同KDH兩個突然唔舒服缺陣影響左部署，但彭馬失靈前線就無晒辦法，唔可能場場都交個波俾彭馬一個人諗掂佢，馬蛇唔缺人，不過都要認真諗下左中右要點擺先可以分擔到彭馬的壓力。
右閘的問題始終未搵到解決方案，要迪西施兼任都只係權宜之計，中堅間中自爆都成為左車路士的隱憂。報導話占士仲要養傷一段時間，到底仲有咩人可以救到車呢？