【數據分析】車路士的「兵長」 利維・高維爾
車路士對上一次係客場零失球，已經係2023年10月的事，經歷左幾乎一年的時間差唔多廿幾場波，終於僥幸地由般尼茅夫個主場拎走1個Clean Sheet同3分。正如我上場賽後報告所寫，車路士的防守問題仍然存在，開賽3分鐘已經俾人響柱，後面又有隊友派膠回傳輸個十二碼。但係咁樣有防守甩漏下，車路士的「兵長」利維・高維爾（Levi Colwil）仍然交出穩定的表現，至少係施華離隊之後，佢成為左球隊中堅的必然正選。
高維爾自從由白禮頓外借歸隊之後，一直都備受車路士高層的青睞。2023年10月的時候拜仁曾經出過手問車路士賣唔賣，甚至同聯賽的利物浦都對佢有過興趣。係呢個流行賣青訓套現的年頭，車路士仍然不為所動，就知道佢地有幾咁睇重高維爾。咁到底高維爾有咩特點吸引到唔同的強隊？
1) 出色的傳球和推進能力
近年球壇趨向整體足球，對於中堅已經唔止係保護防線或者上去頂下角球咁簡單，更多的係要求球員有一定的用球能力，接應龍門傳波之後可以向前長傳或者自行帶波推進。
高維爾的其中一個特點就正正係呢兩項能力。同樣係中堅，高維爾係Attack Third觸球的數字獨樹一格，場均達6.02，係平均中堅的差唔多一倍(3.69)。向前帶波同傳入禁區的數字都係名列前茅。而且佢失去控球的數字唔係高，以鍾意前進的中堅黎講算係相當特殊。
傳波方面，配合高維爾鍾意前推的踢法，其實佢長傳的數字唔係真係咁多，因為佢可以長傳的直線空間不足，當佢帶波推進，基本上就已經由長傳變成中傳。高維爾係中傳的成功率係92.9%，比一般的中堅都要高(91.4%)。
2) 良好的防守意識和走位
除左好符合現代足球口味的傳球同推進能力，高維爾同時兼備作為中堅的防守力同掃蕩力。由Tackle開Blocking，到1對1的Dribblers Tackle數據統統都係頂點。而且佢唔係單純的防守，遮線做Interception的數字上都同樣係高。
受教於波特的白禮頓，到後期係肥普手下踢波，高維爾唔止可以踢到左中堅，同時佢可以兼任左閘位置。雖然左閘唔係佢最佳位置，但閘位的經驗多少都令佢對於攻守兩邊的發展更加完整。
但相對於強項，高維爾的弱項就相對明顯。
1) 單蹄馬
無錯，高維爾到目前為止只係一個左腳球員，而且係只得左腳。過份依賴一邊腳球員的通病，就係容易被睇穿。特別係高維爾係鍾意前推的球員，當佢要作出長傳的時候就好易被對手提早防範同攔截。呢一樣亦間接做成第二點問題。
2) 短傳成功率不足
因為有第一點，令高維爾係短傳的成功率比其他同位置的頂級球員低。平均90.9%的中堅，高維爾只做到大約89.6%的水平，距離頂級中堅的95~97%尚有一段好長的距離。係主張傳控的馬蛇手下，短傳的失誤往往變得更加致命。
3) First Touch
最後一項，基本上係年青球員都會有的問題。越後生第一腳控球就越差。高維爾的最大弱項就係Miscontrol問題，場均1.05領跑全世界(0.48)。雖然隊友同全隊的戰術會影響失球數字，但頂級的中堅仍然可以靠出色的防守將自己上陣場均失球壓係1以下，高維爾回歸車路士之後仍然係1.3(2023)同1.25(2024)，係數據上仍然係唔好睇。
當然，考慮到高維爾仲係21歲，踢法同技術仲有進一步成長的空間，就算有部份能力唔係頂級，係而家車路士的陣中高維爾已經算係最後的希望，望下另外三位法國中堅只會令車迷更加絕望。
外媒普遍都對高維爾寄予厚望，一來係因為高維爾有領袖的特質，長遠有可能成為車路士的隊長。二來佢的踢法符合現代足球對中堅的要求，只要累積更多經驗，學識點樣對抗速度型的對手同做好控球的動作，改善自己的右腳，將來(唔被賣的話)成為頂級中堅絕對唔係不可能的事。
高維爾自從由白禮頓外借歸隊之後，一直都備受車路士高層的青睞。2023年10月的時候拜仁曾經出過手問車路士賣唔賣，甚至同聯賽的利物浦都對佢有過興趣。係呢個流行賣青訓套現的年頭，車路士仍然不為所動，就知道佢地有幾咁睇重高維爾。咁到底高維爾有咩特點吸引到唔同的強隊？
1) 出色的傳球和推進能力
近年球壇趨向整體足球，對於中堅已經唔止係保護防線或者上去頂下角球咁簡單，更多的係要求球員有一定的用球能力，接應龍門傳波之後可以向前長傳或者自行帶波推進。
高維爾的其中一個特點就正正係呢兩項能力。同樣係中堅，高維爾係Attack Third觸球的數字獨樹一格，場均達6.02，係平均中堅的差唔多一倍(3.69)。向前帶波同傳入禁區的數字都係名列前茅。而且佢失去控球的數字唔係高，以鍾意前進的中堅黎講算係相當特殊。
傳波方面，配合高維爾鍾意前推的踢法，其實佢長傳的數字唔係真係咁多，因為佢可以長傳的直線空間不足，當佢帶波推進，基本上就已經由長傳變成中傳。高維爾係中傳的成功率係92.9%，比一般的中堅都要高(91.4%)。
2) 良好的防守意識和走位
除左好符合現代足球口味的傳球同推進能力，高維爾同時兼備作為中堅的防守力同掃蕩力。由Tackle開Blocking，到1對1的Dribblers Tackle數據統統都係頂點。而且佢唔係單純的防守，遮線做Interception的數字上都同樣係高。
受教於波特的白禮頓，到後期係肥普手下踢波，高維爾唔止可以踢到左中堅，同時佢可以兼任左閘位置。雖然左閘唔係佢最佳位置，但閘位的經驗多少都令佢對於攻守兩邊的發展更加完整。
但相對於強項，高維爾的弱項就相對明顯。
1) 單蹄馬
無錯，高維爾到目前為止只係一個左腳球員，而且係只得左腳。過份依賴一邊腳球員的通病，就係容易被睇穿。特別係高維爾係鍾意前推的球員，當佢要作出長傳的時候就好易被對手提早防範同攔截。呢一樣亦間接做成第二點問題。
2) 短傳成功率不足
因為有第一點，令高維爾係短傳的成功率比其他同位置的頂級球員低。平均90.9%的中堅，高維爾只做到大約89.6%的水平，距離頂級中堅的95~97%尚有一段好長的距離。係主張傳控的馬蛇手下，短傳的失誤往往變得更加致命。
3) First Touch
最後一項，基本上係年青球員都會有的問題。越後生第一腳控球就越差。高維爾的最大弱項就係Miscontrol問題，場均1.05領跑全世界(0.48)。雖然隊友同全隊的戰術會影響失球數字，但頂級的中堅仍然可以靠出色的防守將自己上陣場均失球壓係1以下，高維爾回歸車路士之後仍然係1.3(2023)同1.25(2024)，係數據上仍然係唔好睇。
當然，考慮到高維爾仲係21歲，踢法同技術仲有進一步成長的空間，就算有部份能力唔係頂級，係而家車路士的陣中高維爾已經算係最後的希望，望下另外三位法國中堅只會令車迷更加絕望。
外媒普遍都對高維爾寄予厚望，一來係因為高維爾有領袖的特質，長遠有可能成為車路士的隊長。二來佢的踢法符合現代足球對中堅的要求，只要累積更多經驗，學識點樣對抗速度型的對手同做好控球的動作，改善自己的右腳，將來(唔被賣的話)成為頂級中堅絕對唔係不可能的事。