【數據分析】車路士四輪過後 細數登頂的各項數據
英超聯賽已經過左四輪，曼城以全勝姿態穩守住佢的榜首位置，仲未穩定的車路士安守本份做自己的8弟。
但四輪過後，有d數字幾有趣，值得同大家分享一下，當然，如果你覺得4場的數據完全無參考價值的話，可以按上一頁去睇其他文。
1) 一般數據：
車路士第一個最搶眼的項目係，「黃牌數」。呢樣應該唔使我多講，上場車路士對般尼茅夫，球證張黃牌幾乎每5分鐘就拎出黎一次。而家車路士以16張黃牌領放英超，比第二名的阿仙奴仲要多3張。
而第二樣，居然係「助攻數」。唔止你，我都嚇一跳，而家車路士的助攻係7次，同榜首的曼城並列第一。上季平均每場的助攻數係1.34，而家暫時升到1.75，側面證明左車路士減少左依靠個人表演去造就入球。
2) 射門數據：
車路士係呢一項入面，有兩組數據排行第一。
第一樣係「被射門距離」。車路士的對手射門的平均距離係20.6碼，比第二位的富咸(18.8)仲要高1.8碼。呢度會引伸出一個雞先定蛋先的問題：到底係對手唔入車路士禁區，定係車路士防守有咁好阻止到對方入禁區呢？但無論係前者定後者，都改變唔到車路士的對手採用較長距離射門的事實。
第二樣係，「把握力」(G-xG aka Goals minus Expected Goals)。G-xG係足球的世界入面，算係一個衡量射門效率和把握機會能力的指標，佢幫助教練們和分析師評估球員或者球隊係實際比賽中同預期表現之間的偏差，把握力越好的球隊，呢個數出黎越係正數，相反亦然。而呢項數據上，車路士居然以0.57領跑英超。比第二位的曼城(0.45)高些少。如果唔係積臣將呢個數字拖低的話，相信會更高。(但因為積臣有入波的關係，佢係把握力排名榜無大家想像咁低。)
3) 傳球數據
「死球創造出的射門機會」次數全英超最低，只有3次。可以諗到的其中一個原因係施華的離隊，除左施華之外，車路士陣中就幾乎無晒有制空能力的中場或者中堅，當中最好果個已經係高維爾。雖然之前車路士出重金買左賓福特的死球教練。但睇黎要靠死球去入波仲有一段好長的距離。
而另一個有趣的數字，係車路士「被攔截的傳球」數。居然係全英超最少，只有22次。緊隨其後的有阿記同利記兩隊。先唔講傳到的波係橫傳定前傳，至少係馬蛇的傳控體系入面，呢個數字某程度上反映出車路士傳波的水準有一定程度的提升。相反，全英超傳波被攔截最多的球隊係熱刺…4場波已經54次…
4) 防守數據
防守數據方法就幾乎無乜特別的地方。唯一可以提下就只有防守次數。車路士「Tackle」數全英超第二少，只有59次，最低係曼城的57次。馬蛇的踢法講求使用更多時間控球，Overload對手中場，迫對方傳失波或者出界，睇得出馬蛇有確確實實咁跟住佢師父哥迪奧拿。
5) 控球數據
全部數據入面，最好笑的一項。車路士自己「控失(Miscontrol)」的數字達64次。場均多達16次。觀乎所有強隊，例如阿仙奴，到目前為止都只係得36次控失。當然，除左要怪球員本身波底唔好控甩個波，仲要考慮埋傳波果個人有無好好控制力度，傳俾隊友做到First Touch但係太大力甩左腳，一樣會計落控失而唔係傳失。64次控失入面積臣一個人就佔左12次，睇黎馬蛇真係要捉班球員加操控波先掂。
但四輪過後，有d數字幾有趣，值得同大家分享一下，當然，如果你覺得4場的數據完全無參考價值的話，可以按上一頁去睇其他文。
1) 一般數據：
車路士第一個最搶眼的項目係，「黃牌數」。呢樣應該唔使我多講，上場車路士對般尼茅夫，球證張黃牌幾乎每5分鐘就拎出黎一次。而家車路士以16張黃牌領放英超，比第二名的阿仙奴仲要多3張。
而第二樣，居然係「助攻數」。唔止你，我都嚇一跳，而家車路士的助攻係7次，同榜首的曼城並列第一。上季平均每場的助攻數係1.34，而家暫時升到1.75，側面證明左車路士減少左依靠個人表演去造就入球。
2) 射門數據：
車路士係呢一項入面，有兩組數據排行第一。
第一樣係「被射門距離」。車路士的對手射門的平均距離係20.6碼，比第二位的富咸(18.8)仲要高1.8碼。呢度會引伸出一個雞先定蛋先的問題：到底係對手唔入車路士禁區，定係車路士防守有咁好阻止到對方入禁區呢？但無論係前者定後者，都改變唔到車路士的對手採用較長距離射門的事實。
第二樣係，「把握力」(G-xG aka Goals minus Expected Goals)。G-xG係足球的世界入面，算係一個衡量射門效率和把握機會能力的指標，佢幫助教練們和分析師評估球員或者球隊係實際比賽中同預期表現之間的偏差，把握力越好的球隊，呢個數出黎越係正數，相反亦然。而呢項數據上，車路士居然以0.57領跑英超。比第二位的曼城(0.45)高些少。如果唔係積臣將呢個數字拖低的話，相信會更高。(但因為積臣有入波的關係，佢係把握力排名榜無大家想像咁低。)
3) 傳球數據
「死球創造出的射門機會」次數全英超最低，只有3次。可以諗到的其中一個原因係施華的離隊，除左施華之外，車路士陣中就幾乎無晒有制空能力的中場或者中堅，當中最好果個已經係高維爾。雖然之前車路士出重金買左賓福特的死球教練。但睇黎要靠死球去入波仲有一段好長的距離。
而另一個有趣的數字，係車路士「被攔截的傳球」數。居然係全英超最少，只有22次。緊隨其後的有阿記同利記兩隊。先唔講傳到的波係橫傳定前傳，至少係馬蛇的傳控體系入面，呢個數字某程度上反映出車路士傳波的水準有一定程度的提升。相反，全英超傳波被攔截最多的球隊係熱刺…4場波已經54次…
4) 防守數據
防守數據方法就幾乎無乜特別的地方。唯一可以提下就只有防守次數。車路士「Tackle」數全英超第二少，只有59次，最低係曼城的57次。馬蛇的踢法講求使用更多時間控球，Overload對手中場，迫對方傳失波或者出界，睇得出馬蛇有確確實實咁跟住佢師父哥迪奧拿。
5) 控球數據
全部數據入面，最好笑的一項。車路士自己「控失(Miscontrol)」的數字達64次。場均多達16次。觀乎所有強隊，例如阿仙奴，到目前為止都只係得36次控失。當然，除左要怪球員本身波底唔好控甩個波，仲要考慮埋傳波果個人有無好好控制力度，傳俾隊友做到First Touch但係太大力甩左腳，一樣會計落控失而唔係傳失。64次控失入面積臣一個人就佔左12次，睇黎馬蛇真係要捉班球員加操控波先掂。