【賽後報告】彭馬FC 4:2 白禮頓 大勝背後令人失望果位
我係車迷我都要認，如果今場比賽無左彭馬，我地應該無辦法全身而退。不過除左彭馬之外，呢場比賽係戰術層面上有更多令人意外的地方，亦有一個令人好失望的球員。
同賽前預測一樣，呢場比賽的節奏明快，快上快落。白禮頓意外地擺出433的配置，希望可以靠高位同中場人數抗衡車路士的戰術。車路士呢邊亦如同賽前估計，用古斯度出任正選封鎖白禮頓左路的三苫薰。
相關連結：
【賽事前瞻】車路士對白禮頓 主場不勝記錄刷新？
戰術＆數據：
1) 先講白禮頓的兩個入波。白禮頓開賽不久就已經成功係車路士禁區造成混亂，係4名前白禮頓球員(卡些度，古古尼亞，高維爾同山齊士)各自犯錯後，俾白禮頓頂入先開記錄。第二個入波係33分鐘，山齊士傳波唔夠力，俾白禮頓中場巴利巴搶走之後直射入網。兩個入球都算係車路士自己製造，亦係開季以來一直都存在的問題，如果搵唔到方法解決的話，恐怕車路士的成績多少會被影響。
2) 車路士4個入波都係來自彭馬。第一球來自積臣的橫傳，第二球來自辛祖搏得的十二碼，第三球來自自由球，最後一球係辛祖傳入禁區再近柱射入。彭馬的個人能力固然值得讚賞，白禮頓幾乎係俾彭馬一個人摧毀，彭馬成為左英超史上第一個半場就入四球的球員，轉會後的三次帽子戲法，同時追上哈索賓基，杜奧巴同林柏特，並列車路士英超最多帽子戲法的球員。
3) 全場比賽的第一個重點，係車路士賽前部署上，領隊馬蛇(馬利斯卡)顛覆開季以來的控球走位策略，首先係企位上，左右兩邊閘位放棄主動切入中場，留守係邊路。卡些度減少覆蓋範圍，專心掃蕩進入自己半場的攻擊，有效地阻止白禮頓的組織，係Tackle數字上都反映上車路士比往常更加積極(Tackle由平均的16.7次升到今場的22次)。
4) 踢法上，馬蛇都改變左一貫的控球方針，全場只有41%時間控球。平均控球數由往常的643次降到536次，而呢一切的改動都係為左應付白禮頓的高位搶迫戰術。因為高維爾，安素，卡些度同彭馬都有能力交出精準的長傳，所以前場至少保留2個球員隨時挑戰白禮頓的越位線。
5) 就係呢堆戰術上的部署，令車路士今場比賽係進攻面上有一定的優勢而唔係單方面受壓。亦如同我標題所講，季初馬蛇的戰術無太大的變化，就算面對強如曼城的對手佢仍然保持控球同傳波，但今仗對白禮頓就反其道而行，多少令人感到意外。當然，比賽入面的戰術調動就暫時未見到，而家車路士後備板凳深度足夠的情況下，黎緊可能會有更多驚喜。
個別球員表現：
彭馬：踢成咁基本上無咩好講，走位判斷，把握力，自由球，十二碼，彭馬同夏薩特的分別，就只有速度同過人的盤扭兩樣。多得彭馬，車路士的入球轉化率以19%繼續頂立於英超。
辛祖：之前就有寫過辛祖的特點，係馬蛇的手下辛祖就更加發揮到自己的長處。全場最多的9次嘗試過人有7次成功，12次地面身體對抗贏左8次，僅次於彭馬的4次射門機會創造，前場的球員計，佢亦係成功帶波向前推進最多的一位, 達69碼。可以話辛祖今場成功搏得12碼，又助攻俾彭馬並非運氣造成。辛祖亦成為繼夏薩特同法比加斯之後第三個加盟後連續三場比賽都有助攻的球員，真係要講聲多謝曼市大佬。
積臣：一場就將自己積落的數據清空。經過上場對住韋斯咸的比賽，積臣把握力的數字名列英超前十。但今場5次起腳得1次中龍，xG高達1.4可惜毫無斬獲，G-xG一口氣跌到-0.7。當你鬧佢把握力唔好果時，偏偏佢就入波俾你睇；到你以為佢有長進識入波，佢又會表演射龜俾你睇，就係積臣呢種時好時壞的表現先令球迷又愛又恨。
馬杜基：自從狼隊一戰之後，馬杜基就一直處於不穩的狀態。本身佢最大的武器係右路切入起腳，算係車路士陣中少有會盤扭的球員，今場波明顯睇得出佢入球心切，隊友企空晒佢照樣睇唔到自己一腳射完就算。今場佢錄得全場取多的4次控失，傳球成功率係全隊最低的45.5%。睇怕唔使幾場，馬杜基個正選位就會被尼圖搶走。
梅迪歷：最後一個要講的球員，亦係最令人失望的一位。雖然領先兩球，換入的球員主要係以穩守為主，但71分鐘換入之後，梅迪歷20分鐘內只有一次觸球，而呢個唯一的觸球都被對手搶迫引致失去控球。反而係右邊，早過佢入替的尼圖有13次觸球，最應該係反高位戰術上有表現的梅迪歷，偏偏就係前場表現最差的一位，難怪完場之後佢離隊的傳聞繼續滿天飛。
同賽前預測一樣，呢場比賽的節奏明快，快上快落。白禮頓意外地擺出433的配置，希望可以靠高位同中場人數抗衡車路士的戰術。車路士呢邊亦如同賽前估計，用古斯度出任正選封鎖白禮頓左路的三苫薰。
相關連結：
【賽事前瞻】車路士對白禮頓 主場不勝記錄刷新？
戰術＆數據：
1) 先講白禮頓的兩個入波。白禮頓開賽不久就已經成功係車路士禁區造成混亂，係4名前白禮頓球員(卡些度，古古尼亞，高維爾同山齊士)各自犯錯後，俾白禮頓頂入先開記錄。第二個入波係33分鐘，山齊士傳波唔夠力，俾白禮頓中場巴利巴搶走之後直射入網。兩個入球都算係車路士自己製造，亦係開季以來一直都存在的問題，如果搵唔到方法解決的話，恐怕車路士的成績多少會被影響。
2) 車路士4個入波都係來自彭馬。第一球來自積臣的橫傳，第二球來自辛祖搏得的十二碼，第三球來自自由球，最後一球係辛祖傳入禁區再近柱射入。彭馬的個人能力固然值得讚賞，白禮頓幾乎係俾彭馬一個人摧毀，彭馬成為左英超史上第一個半場就入四球的球員，轉會後的三次帽子戲法，同時追上哈索賓基，杜奧巴同林柏特，並列車路士英超最多帽子戲法的球員。
3) 全場比賽的第一個重點，係車路士賽前部署上，領隊馬蛇(馬利斯卡)顛覆開季以來的控球走位策略，首先係企位上，左右兩邊閘位放棄主動切入中場，留守係邊路。卡些度減少覆蓋範圍，專心掃蕩進入自己半場的攻擊，有效地阻止白禮頓的組織，係Tackle數字上都反映上車路士比往常更加積極(Tackle由平均的16.7次升到今場的22次)。
4) 踢法上，馬蛇都改變左一貫的控球方針，全場只有41%時間控球。平均控球數由往常的643次降到536次，而呢一切的改動都係為左應付白禮頓的高位搶迫戰術。因為高維爾，安素，卡些度同彭馬都有能力交出精準的長傳，所以前場至少保留2個球員隨時挑戰白禮頓的越位線。
5) 就係呢堆戰術上的部署，令車路士今場比賽係進攻面上有一定的優勢而唔係單方面受壓。亦如同我標題所講，季初馬蛇的戰術無太大的變化，就算面對強如曼城的對手佢仍然保持控球同傳波，但今仗對白禮頓就反其道而行，多少令人感到意外。當然，比賽入面的戰術調動就暫時未見到，而家車路士後備板凳深度足夠的情況下，黎緊可能會有更多驚喜。
個別球員表現：
彭馬：踢成咁基本上無咩好講，走位判斷，把握力，自由球，十二碼，彭馬同夏薩特的分別，就只有速度同過人的盤扭兩樣。多得彭馬，車路士的入球轉化率以19%繼續頂立於英超。
辛祖：之前就有寫過辛祖的特點，係馬蛇的手下辛祖就更加發揮到自己的長處。全場最多的9次嘗試過人有7次成功，12次地面身體對抗贏左8次，僅次於彭馬的4次射門機會創造，前場的球員計，佢亦係成功帶波向前推進最多的一位, 達69碼。可以話辛祖今場成功搏得12碼，又助攻俾彭馬並非運氣造成。辛祖亦成為繼夏薩特同法比加斯之後第三個加盟後連續三場比賽都有助攻的球員，真係要講聲多謝曼市大佬。
積臣：一場就將自己積落的數據清空。經過上場對住韋斯咸的比賽，積臣把握力的數字名列英超前十。但今場5次起腳得1次中龍，xG高達1.4可惜毫無斬獲，G-xG一口氣跌到-0.7。當你鬧佢把握力唔好果時，偏偏佢就入波俾你睇；到你以為佢有長進識入波，佢又會表演射龜俾你睇，就係積臣呢種時好時壞的表現先令球迷又愛又恨。
馬杜基：自從狼隊一戰之後，馬杜基就一直處於不穩的狀態。本身佢最大的武器係右路切入起腳，算係車路士陣中少有會盤扭的球員，今場波明顯睇得出佢入球心切，隊友企空晒佢照樣睇唔到自己一腳射完就算。今場佢錄得全場取多的4次控失，傳球成功率係全隊最低的45.5%。睇怕唔使幾場，馬杜基個正選位就會被尼圖搶走。
梅迪歷：最後一個要講的球員，亦係最令人失望的一位。雖然領先兩球，換入的球員主要係以穩守為主，但71分鐘換入之後，梅迪歷20分鐘內只有一次觸球，而呢個唯一的觸球都被對手搶迫引致失去控球。反而係右邊，早過佢入替的尼圖有13次觸球，最應該係反高位戰術上有表現的梅迪歷，偏偏就係前場表現最差的一位，難怪完場之後佢離隊的傳聞繼續滿天飛。