【賽後報告】車路士1：1森林 攻唔破的密集防守
車路士係主場史丹福橋迎戰諾定咸森林，最終以1:1握手言和。上半場，車路士佔據主導，但未能破門。馬杜基係9分鐘同13分鐘都有射門機會，但被對方門將化解。38分鐘，森林的艾利亞治安達臣突進射門，被車路士門將山齊士撲出。雙方半場互交白卷。
下半場，森林率先發難，49分鐘米蘭高域助攻基斯活破門，森林1:0領先。車路士隨後加強進攻，57分鐘馬杜基接應彭馬傳送，扳平比分。78分鐘，森林球員獲特包斯因兩黃一紅被罰下，森林剩10人應戰。
車路士試圖利用人數優勢取勝，但多次進攻無果。比賽尾段，雙方都有破門機會，但均被門將化解。最終，雙方以1:1結束比賽，各取1分。
戰術＆數據：
1) 基本數據：
相信無人會質疑森林今場採用的係唔係主守策略，雙方的觸球數仲有傳球數都如實咁反映出黎。擁有66%控球的車路士全場無停過手攻擊，整體預期進球數高達2.1。而森林方面就以穩定的防守企位應對，全場清波次數高達32次，最後只失一球真係要多謝門將的努力。
2) 進攻方面：
今場貫徹今季的攻擊力優勢，彭馬／馬杜基／辛祖三個人的貢獻最多。車路士以彭馬為中心點，右邊有馬杜基長距離移動入侵禁區，左邊就有辛祖接應傳球後的窄位盤扭，兩者都為車路士造成好多攻勢。但係空有優勢，無辦法送個波入網都係問題，對住密集式防守，車路士英超隊的組織力睇黎仲要更多的磨練，或者係最初就用安宮古而唔係積臣，增加前線的傳送點。
3) 防守方面：
今場車路士唯一的失球係來自死球，同上場波好類似，因為中堅科芬拿失位，後上的卡些度無成功擋住對手。甚至係下半場，當森林紅牌踢少一個之後，車路士換人想爭取入球，但森林居然仲可以搵到車路士的防守漏洞制造兩次好近傍的射門機會。今季車路士無停過因為犯錯派膠或者失位導致失波，下場將會對戰利物浦，古古尼亞仲要因為5張黃牌停賽，係國際賽期有無可能改善好呢d部份應該會變成勝負的分野。
4) 角球戰術：
繼阿仙奴的Dark Art之後，車路士琴晚都表現出佢地果一套，Clown Art。
11次角球全數無功而還，睇落明明好似有備而來，偏偏踢完出黎唔係無隊友接應就係出界。車路士之前有挖角賓福特的死球專家，但練左差唔多大半年都係無乜起色，到低係班人太矮定係太蠢，還是係開角球條友唔掂，就交俾大家判斷。
個人表現：
積臣：
今日唔係佢的日子，呢樣我估大家都明。積臣的武器係突破高位同越位的跑動，腳下功夫麻麻地的積臣面對low block的森林，唔好話跑動，佢連接收隊友的傳送都有困難。全場無接應過來自彭馬同馬杜基的傳球，4次自己控失，2次失去控球權，6次地面對抗只有3次贏到，4次高空爭頂都係得1次贏，證明左積臣到呢刻仍然唔擅於應付密集的對手，當空間變得狹窄就會因為腳下功夫未夠成熟同無辦法運用速度陷入苦戰，數字唔好睇係事實，馬蛇太遲先換走佢都係問題，下次再努力啦年輕人。
安素：
唔止係安素，同一個位置的球員，係馬蛇手下仍然未搵到自己的定位。本來的配置下，左中場應該可以後上分波，做球隊的節拍機，同時需要有大的防守範圍，協助防中的球員拖慢對方的節奏。如果有能力的話，球隊控球在腳最好就推埋上去後上射波。
亦因為咁高的要求，到呢一刻安素定賀爾都仲未完全表現出自己的實力。呢場都係，攻守兩邊都仲係好壞參半，1射1中 / 2次關鍵傳送 / 3次射門創造 / 3次清波 / 2次斷波，全部都係話多唔多話少唔少。到底今季會唔會有一場見到安素大爆發呢？
馬杜基：
佢的確令人又愛又恨。愛果邊，係佢每次帶波都充滿自信，扭得衝得又射得，今場可以扳平都係要多得佢。恨的部份，除左佢唔夠靚仔之外，太過獨食都係大家唔滿意的地方。今季佢的把握力同射門轉化率仍然係正數，但黎緊的賽程面對的對手難度太增，會唔會突然跌落谷底呢？
梅迪歷：
做緊正確的事，但明顯仲要更多時間。係比賽尾段入替，踢左23分鐘，實際上只有6次觸球機會。6次掂波，居然成功2次傳入禁區，1次關鍵傳送，為安宮古送出一個幾乎可以反勝的傳波。上場的迷失，睇黎多少有令梅迪歷思考自己要點做。
感想：
由落後，到追返1分，雖然未能全取3分，但難得見到車路士可以好似以前咁唔肯認輸，我諗除左我其他的車迷都願意俾時間球隊。賽程上開始難頂，但球隊係磨合同戰術理解上越做越好，今季可能真係有機會保住前4。
下半場，森林率先發難，49分鐘米蘭高域助攻基斯活破門，森林1:0領先。車路士隨後加強進攻，57分鐘馬杜基接應彭馬傳送，扳平比分。78分鐘，森林球員獲特包斯因兩黃一紅被罰下，森林剩10人應戰。
車路士試圖利用人數優勢取勝，但多次進攻無果。比賽尾段，雙方都有破門機會，但均被門將化解。最終，雙方以1:1結束比賽，各取1分。
戰術＆數據：
1) 基本數據：
相信無人會質疑森林今場採用的係唔係主守策略，雙方的觸球數仲有傳球數都如實咁反映出黎。擁有66%控球的車路士全場無停過手攻擊，整體預期進球數高達2.1。而森林方面就以穩定的防守企位應對，全場清波次數高達32次，最後只失一球真係要多謝門將的努力。
2) 進攻方面：
今場貫徹今季的攻擊力優勢，彭馬／馬杜基／辛祖三個人的貢獻最多。車路士以彭馬為中心點，右邊有馬杜基長距離移動入侵禁區，左邊就有辛祖接應傳球後的窄位盤扭，兩者都為車路士造成好多攻勢。但係空有優勢，無辦法送個波入網都係問題，對住密集式防守，車路士英超隊的組織力睇黎仲要更多的磨練，或者係最初就用安宮古而唔係積臣，增加前線的傳送點。
3) 防守方面：
今場車路士唯一的失球係來自死球，同上場波好類似，因為中堅科芬拿失位，後上的卡些度無成功擋住對手。甚至係下半場，當森林紅牌踢少一個之後，車路士換人想爭取入球，但森林居然仲可以搵到車路士的防守漏洞制造兩次好近傍的射門機會。今季車路士無停過因為犯錯派膠或者失位導致失波，下場將會對戰利物浦，古古尼亞仲要因為5張黃牌停賽，係國際賽期有無可能改善好呢d部份應該會變成勝負的分野。
4) 角球戰術：
繼阿仙奴的Dark Art之後，車路士琴晚都表現出佢地果一套，Clown Art。
11次角球全數無功而還，睇落明明好似有備而來，偏偏踢完出黎唔係無隊友接應就係出界。車路士之前有挖角賓福特的死球專家，但練左差唔多大半年都係無乜起色，到低係班人太矮定係太蠢，還是係開角球條友唔掂，就交俾大家判斷。
個人表現：
積臣：
今日唔係佢的日子，呢樣我估大家都明。積臣的武器係突破高位同越位的跑動，腳下功夫麻麻地的積臣面對low block的森林，唔好話跑動，佢連接收隊友的傳送都有困難。全場無接應過來自彭馬同馬杜基的傳球，4次自己控失，2次失去控球權，6次地面對抗只有3次贏到，4次高空爭頂都係得1次贏，證明左積臣到呢刻仍然唔擅於應付密集的對手，當空間變得狹窄就會因為腳下功夫未夠成熟同無辦法運用速度陷入苦戰，數字唔好睇係事實，馬蛇太遲先換走佢都係問題，下次再努力啦年輕人。
安素：
唔止係安素，同一個位置的球員，係馬蛇手下仍然未搵到自己的定位。本來的配置下，左中場應該可以後上分波，做球隊的節拍機，同時需要有大的防守範圍，協助防中的球員拖慢對方的節奏。如果有能力的話，球隊控球在腳最好就推埋上去後上射波。
亦因為咁高的要求，到呢一刻安素定賀爾都仲未完全表現出自己的實力。呢場都係，攻守兩邊都仲係好壞參半，1射1中 / 2次關鍵傳送 / 3次射門創造 / 3次清波 / 2次斷波，全部都係話多唔多話少唔少。到底今季會唔會有一場見到安素大爆發呢？
馬杜基：
佢的確令人又愛又恨。愛果邊，係佢每次帶波都充滿自信，扭得衝得又射得，今場可以扳平都係要多得佢。恨的部份，除左佢唔夠靚仔之外，太過獨食都係大家唔滿意的地方。今季佢的把握力同射門轉化率仍然係正數，但黎緊的賽程面對的對手難度太增，會唔會突然跌落谷底呢？
梅迪歷：
做緊正確的事，但明顯仲要更多時間。係比賽尾段入替，踢左23分鐘，實際上只有6次觸球機會。6次掂波，居然成功2次傳入禁區，1次關鍵傳送，為安宮古送出一個幾乎可以反勝的傳波。上場的迷失，睇黎多少有令梅迪歷思考自己要點做。
感想：
由落後，到追返1分，雖然未能全取3分，但難得見到車路士可以好似以前咁唔肯認輸，我諗除左我其他的車迷都願意俾時間球隊。賽程上開始難頂，但球隊係磨合同戰術理解上越做越好，今季可能真係有機會保住前4。