【超長報告】利物浦2：1車路士 同強隊之間的差距
國際賽完左，英超第8輪有利物浦主場迎戰車路士，車仔因為古古尼亞同科芬拿累積夠5張黃牌要停賽，所以今仗由古斯度出任左閘，艾達拉比奧尤出任中堅，場上更有久違球場的拉維亞同隊長列斯占士。
睇返往績，車路士係過去各項對利物浦比賽入面已經連續九次無係法定時間內擊敗對手，只得到7和2負的成績，計埋呢場就直頭係7和3負。
係講感想之前，先將比賽的各個內容同數據送上。
比賽重點：
開賽6分鐘，祖達接應後場的長傳單刀，艾達拉比奧尤係中圈拉跌祖達，成個劇本好似由阿仙奴果邊搬過黎咁，但今次球證就判黃牌，引起一眾利迷不滿。其後29分鐘，高維爾禁區內從後踢跌鍾斯，球證直指12碼，由沙拿操刀領先。
換邊後，積臣接應卡些度的直線，單刀突破利物浦防線射入追和，原本判越位在先，但由VAR推翻越位，入球有效。
可惜係3分鐘後，鍾斯把握車路士防守失誤接應沙拿傳中，近門再一次改寫比數射成2：1。
戰術＆數據：
馬利斯卡有別於之前的踢法，用兩個防中 — 拉維亞同卡些度加強左中場的控制能力，為左對應沙拿係車路士左路的威脅，唔用副選左閘維加而選擇用古斯度逆位打左閘。換人之前，古斯度的位置都好靠近中路，目標係靠人數去
先唔講車路士後防自爆引致的兩個入球，兩隊之間的分野在於戰術的執行力同球員的經驗。
對手的利物浦無用一貫的進攻組織，反而係用Mid Block的方式加讓出控球權留守中圈，控球都如實地反映出利物浦的戰術。
🔸控球率：(主隊：客隊)
上半場：44.7：55.3
下半場：40.4：59.6
透過限制車路士球員的空間，盡量將車路士壓制係禁區之外，車路士262次係對手半場傳球，只錄得56次進入Final Third，比例係21.4%，相對於車路士，利物浦的效率就好得多，54/187的28.9%。
望埋防守數據，利物浦全場造出：
⭕️ 25 次 Tackle
⭕️ 6 次 Interceptions
⭕️ 18 次 Clearances
事實上定數據上都確確實實地係自己半場封鎖左車路士。唔單係防守方面的效率好，睇埋攻擊數據亦表明左同一件事：
利物浦❌ 射門：9次
⭕️ 預計入球：1.94
車路士
⭕️ 射門：12次
❌ 預計入球：0.99
當車路士球員進入禁區，利物浦亦唔介意車路士搏到角球，車路士今場的5次角球全數無功而還，連同上場對森林，已經連續有16個角球無做到任何野。利物浦呢種節奏控制的方式有效地將車路士拒之門外，甚至係3次換人之後車路士都無方法打破僵局。
個人表現：
同之前一樣，唔寫晒咁多球員，抽左部份覺得值得留意的出黎寫，例如大家都知今場艾達拉比奧尤踢得唔好，基本上同大家認知無乜出入就唔特別再寫，如果想睇去Facebook留言敲碗啦。
1) 積臣
⭕️ 入球：1
⭕️ xG：0.33
❌ 觸球次數：18 (90分鐘計的話全場最低)
❌ 傳球成功率： 11 (7) [64%] (全場最低)
幾時都話積臣令人又愛又恨。單睇佢的觸球次數，傳球成功率，你真係想半場就鏈死佢。但偏偏佢就有本事把握到對手一次大意推高的機會，射入車路士今場唯一入球。上半場都有一下係右路自己殺入去起腳仲要中框。歸根究底，積臣的表現係未夠成熟，面對住Mid Block拍得快的對手，周圍無太多空間的話要點樣踢，改善到先有可能再進一步。
2) 彭馬
⭕️ xG：0.38
❌ 地面對抗：9 (4)
❌ 嘗試過人：4 (1)
今場被對手中場線封鎖，雖然仲上下跑動嘗試係狹窄的空間入面創造機會，但係效果就唔多理想。由於係中路太難發揮的關係，今場彭馬都偏向走去右翼位置尋找更多空間。話就話佢被封鎖，但預期入球仍然係車路士隊中最高果個。
3) 山曹
⭕️ 帶入Final Third：5
⭕️ 帶入禁區：3
⭕️ 禁區內觸球：5
❌ 嘗試過人：3 (0)
❌ 射門數：0
❌ 地面對抗：3 (0)
如果要話山曹廢，我覺得係言過其實。馬蛇為左封鎖沙拿同增加中場的控制力，用古斯度兼職打唔熟識的左閘位，拉維亞留係較深的位置防守。彭馬受限於利物浦的中場無接近左路，結果就係令山曹係左路孤立無援，每次進入Final Third想再傳返出黎都無隊友幫到佢做Overlap，結果就係要嘗試自己突破，俾機會TAA表演。但如果要因為咁就責怪佢，又會否太過苛刻？
4) 馬杜基
⭕️ 禁區內觸球：6 (全隊最高)
⭕️ 帶入禁區：5 (全隊最高)
⭕️ 向前帶波： 8 (全隊最高)
❌ 控球失誤：3 (全隊最高)
因為有彭馬同後上的占士拉空，馬杜基有多次入侵禁區的機會，佢亦有運用自己的速度同盤扭係底線發難，可惜佢自己同隊友都無因為佢的推進而得到任何著數。睇佢踢波，多少見到好多年前史杜列治係車路士時期的影子，但係入禁區之後的判斷仍然要更多時間磨練。
5) 拉維亞
⭕️ 地面對抗：7 (5)
⭕️ Turnover：3 (3)
❌ 長傳：0 (0)
❌ 關鍵傳球：0 (0)
今場拍住卡些度，主要係負責第一點的掃蕩同轉守為攻，佢單人造出5次地面對抗，係全隊最多果個。3次Turnover都全數成功，以復出球員黎講真係好唔錯。但有得就有失，暫時未見到拉維亞係球隊進攻組織上幫到D咩，除左Turnover傳個波俾隊友之外，就無任何Attack Final的貢獻。而且同位置仲有安素&新飲水哥霍爾爭，必要時仲有菲歷斯都會踢呢個位，長遠拉維亞不見得會繼續踢呢個位置。
6) 卡些度
⭕️ 地面對抗：9 (5)
⭕️ 助攻：1
⭕️ 射門機會創造：3
⭕️ 關鍵傳球：2
⭕️ 向前傳球：10 (全隊最高)
今場單講防守動作，卡些度的確無乜作為。但係以阻止對方推進，覆蓋極大範圍仲要從後助攻，卡些度今場已經俾足左120%的表演俾大家。位置上，當右閘的占士或者古斯度上前，卡些度會主動退到邊線填補空間，亦代替左安素係中場提供左好好的直線傳球俾前場，數據上就無咩可以挑剔，亦慢慢兌現出佢的身價。
7) 尼圖
⭕️ 射門機會創造：5
⭕️ 關鍵傳球：3
❌ 禁區內觸球：0
❌ 嘗試過人：2 (0)
既然山曹係邊線無帶來優勢，就換一個覆蓋範圍更大，更快的球員，尼圖的數據同山曹可以話係相反體。尼圖無特別嘗試進入利物浦禁區，相反，佢偏向係禁區外圍製造混亂，唔止利用速度，更加因為佢可左可右的特性，係唔同地方為車路士注入左些少活力。係邊線傳俾安宮古亦差少少就幫車路士追和。同山曹一樣，尼圖自己暫時仲未表現出威脅門將的能力，睇黎佢同山曹可以孖住一齊練下射波。
8) 古斯度
⭕️ 防守動作：7 (全隊最高) + 2 次 傳球阻止
⭕️ 向前傳球：8
⭕️ 地面對抗：9 (4)
❌ 嘗試過人：3 (1)
逆位打左閘，換人之後回歸右閘。上半場算係馬蛇的戰術下的犧牲品之一。但的確，係無古古尼亞的情況下，單靠維加又好似無乜能力應付到沙拿，甚至較有經驗的古斯度都多次俾沙拿突破得手，防守層面就已經做晒佢可以做的野，作為閘位佢都做足晒邊線的供應，只係佢未搵到方法同山曹配合咁解。黎緊的日子會有占士復出，要贏到占士就要睇佢係右閘點樣變得更加有侵略性，同點樣比占士更快咁適應切入中場的踢法。
9) 列斯占士
⭕️ 地面對抗：3 (2)
⭕️ 傳入Final Third：7 (隊內第二高)
⭕️ 失去控球：0
❌ 過頭波：6 (0)
❌ 嘗試過人：0 (0)
我覺得今場最難寫的其中一個人。啱啱復出的占士，未搵得返100%狀態係事實，今場見佢係邊路的突破都未有以前果種力量同速度，不過判斷上夠準確，係自己後場多次用轉身擺脫對手解除壓迫，算係隊中比較穩健果個。然而車迷對佢的期待不止於此，除左想佢守得，更加希望佢可以協助到前線攻堅，呢一部份係今場就未見到有咩進展，甚至係季前熱身賽就已經感覺到占士對馬蛇的閘位安排水土不服。數據上亦反映出占士無係前線做到咩幫助。但點都好，最重要的係隊長健健康康，畢竟「人無事，先可以做到世界冠軍。」
10) 巴迪亞舒尼
⭕️ 傳球成功率：42/43 (98%)
⭕️ 長傳：3 (3)
⭕️ 地面對抗：6 (4)
⭕️ 高空爭頂：2 (2)
今場最精彩係睇佢同紐尼斯互相碰撞。明明之前係盃賽隊仲係表現低迷，今場後備入替居然少有地交足功課，算係令我比較意外的一位。後備入替後的短短37分鐘已經交出幾乎係90分鐘的數據，唔止係後場幾次破壞利物浦的攻勢，同時又透過長傳俾到波前線。佢亦係車仔陣中少有的高大衰，今場兩次高空爭頂都贏晒。之前一直話佢傷癒復出之後大不如前，到底只係「曇花一現」定係「師兄弟全部返曬嚟」，就要多幾場先可以下定論。
感想：
呢場比賽幾乎顯示晒車路士不足的部份。前面見到彭馬受限，面對Mid Block時攻力盡失的問題。後面就有球員唔集中無做好Shoulder Check，傳波唔到位犯錯等等的幼稚問題。換人之後亦無見到有咩改善，因為拉維亞同占士都唔可以踢足全場，基本上用佢地同犧牲兩個換人名額無分別。
呢一切一切就係車路士呢一刻同真正強隊之間的差距，如果唔針對呢d問題做改善，就算其他球隊抄功課抄得唔足都好，類似的Mid Block踢法都會令車路士跟住落黎好頭痕。
當然，我地都可以樂觀少少睇，作客輸俾已經成形的利物浦並不可恥，睇到問題都總比賽後一句"I don't know why"好，而且今場兩個失波，都係因為自己後防犯錯造成；亦證明俾大家睇，車路士繼續進步的話，係有能力同強隊爭一日之長短。
2：1的賽果，車迷你收貨嗎？
========================================
Facebook Page已經開咗啦！如果鍾意我的文章可以入黎按個讚！
車迷狗up天地
https://www.facebook.com/profile.php?id=61566593983419
睇返往績，車路士係過去各項對利物浦比賽入面已經連續九次無係法定時間內擊敗對手，只得到7和2負的成績，計埋呢場就直頭係7和3負。
係講感想之前，先將比賽的各個內容同數據送上。
比賽重點：
開賽6分鐘，祖達接應後場的長傳單刀，艾達拉比奧尤係中圈拉跌祖達，成個劇本好似由阿仙奴果邊搬過黎咁，但今次球證就判黃牌，引起一眾利迷不滿。其後29分鐘，高維爾禁區內從後踢跌鍾斯，球證直指12碼，由沙拿操刀領先。
換邊後，積臣接應卡些度的直線，單刀突破利物浦防線射入追和，原本判越位在先，但由VAR推翻越位，入球有效。
可惜係3分鐘後，鍾斯把握車路士防守失誤接應沙拿傳中，近門再一次改寫比數射成2：1。
戰術＆數據：
馬利斯卡有別於之前的踢法，用兩個防中 — 拉維亞同卡些度加強左中場的控制能力，為左對應沙拿係車路士左路的威脅，唔用副選左閘維加而選擇用古斯度逆位打左閘。換人之前，古斯度的位置都好靠近中路，目標係靠人數去
先唔講車路士後防自爆引致的兩個入球，兩隊之間的分野在於戰術的執行力同球員的經驗。
對手的利物浦無用一貫的進攻組織，反而係用Mid Block的方式加讓出控球權留守中圈，控球都如實地反映出利物浦的戰術。
🔸控球率：(主隊：客隊)
上半場：44.7：55.3
下半場：40.4：59.6
透過限制車路士球員的空間，盡量將車路士壓制係禁區之外，車路士262次係對手半場傳球，只錄得56次進入Final Third，比例係21.4%，相對於車路士，利物浦的效率就好得多，54/187的28.9%。
望埋防守數據，利物浦全場造出：
⭕️ 25 次 Tackle
⭕️ 6 次 Interceptions
⭕️ 18 次 Clearances
事實上定數據上都確確實實地係自己半場封鎖左車路士。唔單係防守方面的效率好，睇埋攻擊數據亦表明左同一件事：
利物浦❌ 射門：9次
⭕️ 預計入球：1.94
車路士
⭕️ 射門：12次
❌ 預計入球：0.99
當車路士球員進入禁區，利物浦亦唔介意車路士搏到角球，車路士今場的5次角球全數無功而還，連同上場對森林，已經連續有16個角球無做到任何野。利物浦呢種節奏控制的方式有效地將車路士拒之門外，甚至係3次換人之後車路士都無方法打破僵局。
個人表現：
同之前一樣，唔寫晒咁多球員，抽左部份覺得值得留意的出黎寫，例如大家都知今場艾達拉比奧尤踢得唔好，基本上同大家認知無乜出入就唔特別再寫，如果想睇去Facebook留言敲碗啦。
1) 積臣
⭕️ 入球：1
⭕️ xG：0.33
❌ 觸球次數：18 (90分鐘計的話全場最低)
❌ 傳球成功率： 11 (7) [64%] (全場最低)
幾時都話積臣令人又愛又恨。單睇佢的觸球次數，傳球成功率，你真係想半場就鏈死佢。但偏偏佢就有本事把握到對手一次大意推高的機會，射入車路士今場唯一入球。上半場都有一下係右路自己殺入去起腳仲要中框。歸根究底，積臣的表現係未夠成熟，面對住Mid Block拍得快的對手，周圍無太多空間的話要點樣踢，改善到先有可能再進一步。
2) 彭馬
⭕️ xG：0.38
❌ 地面對抗：9 (4)
❌ 嘗試過人：4 (1)
今場被對手中場線封鎖，雖然仲上下跑動嘗試係狹窄的空間入面創造機會，但係效果就唔多理想。由於係中路太難發揮的關係，今場彭馬都偏向走去右翼位置尋找更多空間。話就話佢被封鎖，但預期入球仍然係車路士隊中最高果個。
3) 山曹
⭕️ 帶入Final Third：5
⭕️ 帶入禁區：3
⭕️ 禁區內觸球：5
❌ 嘗試過人：3 (0)
❌ 射門數：0
❌ 地面對抗：3 (0)
如果要話山曹廢，我覺得係言過其實。馬蛇為左封鎖沙拿同增加中場的控制力，用古斯度兼職打唔熟識的左閘位，拉維亞留係較深的位置防守。彭馬受限於利物浦的中場無接近左路，結果就係令山曹係左路孤立無援，每次進入Final Third想再傳返出黎都無隊友幫到佢做Overlap，結果就係要嘗試自己突破，俾機會TAA表演。但如果要因為咁就責怪佢，又會否太過苛刻？
4) 馬杜基
⭕️ 禁區內觸球：6 (全隊最高)
⭕️ 帶入禁區：5 (全隊最高)
⭕️ 向前帶波： 8 (全隊最高)
❌ 控球失誤：3 (全隊最高)
因為有彭馬同後上的占士拉空，馬杜基有多次入侵禁區的機會，佢亦有運用自己的速度同盤扭係底線發難，可惜佢自己同隊友都無因為佢的推進而得到任何著數。睇佢踢波，多少見到好多年前史杜列治係車路士時期的影子，但係入禁區之後的判斷仍然要更多時間磨練。
5) 拉維亞
⭕️ 地面對抗：7 (5)
⭕️ Turnover：3 (3)
❌ 長傳：0 (0)
❌ 關鍵傳球：0 (0)
今場拍住卡些度，主要係負責第一點的掃蕩同轉守為攻，佢單人造出5次地面對抗，係全隊最多果個。3次Turnover都全數成功，以復出球員黎講真係好唔錯。但有得就有失，暫時未見到拉維亞係球隊進攻組織上幫到D咩，除左Turnover傳個波俾隊友之外，就無任何Attack Final的貢獻。而且同位置仲有安素&新飲水哥霍爾爭，必要時仲有菲歷斯都會踢呢個位，長遠拉維亞不見得會繼續踢呢個位置。
6) 卡些度
⭕️ 地面對抗：9 (5)
⭕️ 助攻：1
⭕️ 射門機會創造：3
⭕️ 關鍵傳球：2
⭕️ 向前傳球：10 (全隊最高)
今場單講防守動作，卡些度的確無乜作為。但係以阻止對方推進，覆蓋極大範圍仲要從後助攻，卡些度今場已經俾足左120%的表演俾大家。位置上，當右閘的占士或者古斯度上前，卡些度會主動退到邊線填補空間，亦代替左安素係中場提供左好好的直線傳球俾前場，數據上就無咩可以挑剔，亦慢慢兌現出佢的身價。
7) 尼圖
⭕️ 射門機會創造：5
⭕️ 關鍵傳球：3
❌ 禁區內觸球：0
❌ 嘗試過人：2 (0)
既然山曹係邊線無帶來優勢，就換一個覆蓋範圍更大，更快的球員，尼圖的數據同山曹可以話係相反體。尼圖無特別嘗試進入利物浦禁區，相反，佢偏向係禁區外圍製造混亂，唔止利用速度，更加因為佢可左可右的特性，係唔同地方為車路士注入左些少活力。係邊線傳俾安宮古亦差少少就幫車路士追和。同山曹一樣，尼圖自己暫時仲未表現出威脅門將的能力，睇黎佢同山曹可以孖住一齊練下射波。
8) 古斯度
⭕️ 防守動作：7 (全隊最高) + 2 次 傳球阻止
⭕️ 向前傳球：8
⭕️ 地面對抗：9 (4)
❌ 嘗試過人：3 (1)
逆位打左閘，換人之後回歸右閘。上半場算係馬蛇的戰術下的犧牲品之一。但的確，係無古古尼亞的情況下，單靠維加又好似無乜能力應付到沙拿，甚至較有經驗的古斯度都多次俾沙拿突破得手，防守層面就已經做晒佢可以做的野，作為閘位佢都做足晒邊線的供應，只係佢未搵到方法同山曹配合咁解。黎緊的日子會有占士復出，要贏到占士就要睇佢係右閘點樣變得更加有侵略性，同點樣比占士更快咁適應切入中場的踢法。
9) 列斯占士
⭕️ 地面對抗：3 (2)
⭕️ 傳入Final Third：7 (隊內第二高)
⭕️ 失去控球：0
❌ 過頭波：6 (0)
❌ 嘗試過人：0 (0)
我覺得今場最難寫的其中一個人。啱啱復出的占士，未搵得返100%狀態係事實，今場見佢係邊路的突破都未有以前果種力量同速度，不過判斷上夠準確，係自己後場多次用轉身擺脫對手解除壓迫，算係隊中比較穩健果個。然而車迷對佢的期待不止於此，除左想佢守得，更加希望佢可以協助到前線攻堅，呢一部份係今場就未見到有咩進展，甚至係季前熱身賽就已經感覺到占士對馬蛇的閘位安排水土不服。數據上亦反映出占士無係前線做到咩幫助。但點都好，最重要的係隊長健健康康，畢竟「人無事，先可以做到世界冠軍。」
10) 巴迪亞舒尼
⭕️ 傳球成功率：42/43 (98%)
⭕️ 長傳：3 (3)
⭕️ 地面對抗：6 (4)
⭕️ 高空爭頂：2 (2)
今場最精彩係睇佢同紐尼斯互相碰撞。明明之前係盃賽隊仲係表現低迷，今場後備入替居然少有地交足功課，算係令我比較意外的一位。後備入替後的短短37分鐘已經交出幾乎係90分鐘的數據，唔止係後場幾次破壞利物浦的攻勢，同時又透過長傳俾到波前線。佢亦係車仔陣中少有的高大衰，今場兩次高空爭頂都贏晒。之前一直話佢傷癒復出之後大不如前，到底只係「曇花一現」定係「師兄弟全部返曬嚟」，就要多幾場先可以下定論。
感想：
呢場比賽幾乎顯示晒車路士不足的部份。前面見到彭馬受限，面對Mid Block時攻力盡失的問題。後面就有球員唔集中無做好Shoulder Check，傳波唔到位犯錯等等的幼稚問題。換人之後亦無見到有咩改善，因為拉維亞同占士都唔可以踢足全場，基本上用佢地同犧牲兩個換人名額無分別。
呢一切一切就係車路士呢一刻同真正強隊之間的差距，如果唔針對呢d問題做改善，就算其他球隊抄功課抄得唔足都好，類似的Mid Block踢法都會令車路士跟住落黎好頭痕。
當然，我地都可以樂觀少少睇，作客輸俾已經成形的利物浦並不可恥，睇到問題都總比賽後一句"I don't know why"好，而且今場兩個失波，都係因為自己後防犯錯造成；亦證明俾大家睇，車路士繼續進步的話，係有能力同強隊爭一日之長短。
2：1的賽果，車迷你收貨嗎？
========================================
Facebook Page已經開咗啦！如果鍾意我的文章可以入黎按個讚！
車迷狗up天地
https://www.facebook.com/profile.php?id=61566593983419