【賽後報告】彭拿典奈高斯1：4車路士 有驚無險又過一關
歐協聯第二輪賽事，作客的車路士以4球大勝彭拿典奈高斯。
戰術＆數據：
今場馬蛇起用怪陣，迪西施，巴迪亞舒尼，維加同古古尼亞組成的新防線，安素配搭霍爾出任中場雙核，算係最無驚喜的就係前面4個人，菲力斯攻中左梅迪歷右尼圖，安宮古出任正中鋒。
不過今場實際踢落，仍然同馬蛇的4231有些少出入，首先係安宮古收後半格，由菲力斯同安宮古輪流推上踢類似假9的角色。第二樣係安素的位置，有別於過往的一個防中一個中場中，今場算係兩個都唔係防中的角色，因為掃蕩能力同搶迫能力較差的關係，直接導致我地早段被對手壓制。
咁排的原因就可能要問下馬蛇啦，呢個組合雖然係防守上唔太出色，但係攻擊力就真係十足。今場13個射門8次中龍，連埋尾段換入的小將泰基佐治，佢單人都射左4次中2次。
個別表現：
(下面有*的係隊內最高)
梅迪歷：
係季初，我就有寫過關於梅迪歷的野。
【數據分析】梅迪歷—數字講出的進步
https://s.fanpiece.com/Q81JTiD
當時我的意見同而家都係類似，梅迪歷係走位同帶波判斷唔好，落到場好多時都造唔出成績。但今場正正就針對住呢兩樣野做左改善。
⭕️ 入球：1
⭕️ 助攻：2
⭕️ 關鍵傳球：3*
⭕️ 射門機會創造：3
⭕️ 向前帶波：7*
⭕️ 傳球 (成功)： 17 (17)
❌ 地面身體對抗：10 (3)
❌ 嘗試過人 (成功)：5 (1)
❌ 控失：2*
速度無退步，但係佢入左禁區之後要傳定射的判斷做得好左，今場就好成功咁係禁區入面搵到菲力斯。17次傳波全數成功，無持球的時候有好好留意隊友的位置做出相應的跑動，接應尼圖的傳中波果球就係佢努力的成果。
雖然考慮到對手的實力同英超有差距，但係走位的判斷同傳射的判斷都明顯比之前有所改善。
數據上都唔係一面倒全部好，今場仍然有5次嘗試過人但只有1次成功，10次地面身體對抗都係得3次贏；要點樣運用自己的速度同力量，繼續改善自己禁區的處理，要搶走辛祖的正選位置相信只係時間的問題。
安宮古：
❌ 射門：0
❌ 嘗試過人 (成功)：2 (0)
❌ 禁區內觸球數：3
❌ 關鍵傳球：0
❌ 前帶距離：10碼
❌ 接收隊友傳球：23
你話對手有嚴密防守安宮古？我又睇唔到。隊友唔肯傳俾佢咩？又唔係。但今場係右路走動的安宮古的確無交出特別的表現。問題多少出在佢移後半格的位置上，咁的安排睇落係為左配合雙中場而設，透過中鋒後移提供多一點的傳球選擇。
有別於過往活躍係Attack Third的區域，今場的安宮古反而較多留守係中圈的位置。過長的攻擊距離確實咁削弱左佢的攻擊表現。
球季總係有起有跌，至少今季係車路士健健康康，入球數都已經升到8球，相信距離安宮古大爆發的時間都唔遠，期待佢有更多吹波波的機會。
菲力斯：
⭕️ 入球：2
⭕️ 預計入球：1.0
⭕️ 射門(命中)：4 (2)⭕️ 射門機會創造：4*
⭕️ 向前傳球：12*
今場無論係成為前場攻擊核心，突入禁區扮演假9，定係無球跑動，菲力斯都交足晒功課，數字亦如同佢本人一樣咁靚仔。唯一美中不足的可能係因為無完整參與季前熱身，菲力斯係比賽尾段明顯體力不繼。
呢個亦可能係佢未成功係英超爭取到正選上陣機會的原因，加上同位置係全盛期的彭馬，菲力斯睇黎要更多時間證明自己，或者係其他位置搵出路 (例如去同安素爭位)。
安素：
⭕️ 中場觸球數：54*
⭕️ 長傳：11(9)*
上一篇先寫完佢的野，今場馬蛇就有新諗法，數據上都反映出佢今場比較多留係中場，做返上季的樞紐工作，當旁邊的霍爾推上的話就主動橫移補返佢的空位。如果古古尼亞同梅迪歷殺入禁區，安素都會後上係禁區邊緣等波，今場唯一的射門就係由梅迪歷橫傳俾後上的安素，可惜俾門將頂高。
畢竟對手較弱，中場無受到太大的威脅，除左開段15分鐘無辦法搶走對方個控球權之外，車路士幾乎靠後防線就足夠抵抗對手的攻勢，你問我佢呢場的表現體現出佢的身價未，又好似…
巴迪亞舒尼：
⭕️ 防守次數：8*
⭕️ 清波：5*
⭕️ 高空爭頂：4 (3)*
❌ 地面身體對抗：2 (0)
繼上場精彩的演出之後，高大衰的巴迪亞舒尼今仗再為大家帶來穩健的防守。今季係馬蛇的手下雖然只係獲得盃賽的上陣時間，但係上陣的表現就一場比一場好，比起科芬拿更加有身高優勢的佢，有無可能係英超比賽入面威脅到科芬拿個正選位呢？
當然，而家話佢已經完全返上正軌仲係言之尚早。
總結：
雖然好想寫埋兩位中場球員同後備的表現，但係受時間同文長所限今次就寫到呢度。今場馬蛇又再係戰術上玩新花樣，但我仍然好樂意見到英超隊同盃賽隊的球員一齊落場增加默契，希望黎緊可以見到梅迪歷係英超賽場發光發熱，而唔係單單做辛祖的後備。
戰術＆數據：
今場馬蛇起用怪陣，迪西施，巴迪亞舒尼，維加同古古尼亞組成的新防線，安素配搭霍爾出任中場雙核，算係最無驚喜的就係前面4個人，菲力斯攻中左梅迪歷右尼圖，安宮古出任正中鋒。
不過今場實際踢落，仍然同馬蛇的4231有些少出入，首先係安宮古收後半格，由菲力斯同安宮古輪流推上踢類似假9的角色。第二樣係安素的位置，有別於過往的一個防中一個中場中，今場算係兩個都唔係防中的角色，因為掃蕩能力同搶迫能力較差的關係，直接導致我地早段被對手壓制。
咁排的原因就可能要問下馬蛇啦，呢個組合雖然係防守上唔太出色，但係攻擊力就真係十足。今場13個射門8次中龍，連埋尾段換入的小將泰基佐治，佢單人都射左4次中2次。
個別表現：
(下面有*的係隊內最高)
梅迪歷：
係季初，我就有寫過關於梅迪歷的野。
【數據分析】梅迪歷—數字講出的進步
https://s.fanpiece.com/Q81JTiD
當時我的意見同而家都係類似，梅迪歷係走位同帶波判斷唔好，落到場好多時都造唔出成績。但今場正正就針對住呢兩樣野做左改善。
⭕️ 入球：1
⭕️ 助攻：2
⭕️ 關鍵傳球：3*
⭕️ 射門機會創造：3
⭕️ 向前帶波：7*
⭕️ 傳球 (成功)： 17 (17)
❌ 地面身體對抗：10 (3)
❌ 嘗試過人 (成功)：5 (1)
❌ 控失：2*
速度無退步，但係佢入左禁區之後要傳定射的判斷做得好左，今場就好成功咁係禁區入面搵到菲力斯。17次傳波全數成功，無持球的時候有好好留意隊友的位置做出相應的跑動，接應尼圖的傳中波果球就係佢努力的成果。
雖然考慮到對手的實力同英超有差距，但係走位的判斷同傳射的判斷都明顯比之前有所改善。
數據上都唔係一面倒全部好，今場仍然有5次嘗試過人但只有1次成功，10次地面身體對抗都係得3次贏；要點樣運用自己的速度同力量，繼續改善自己禁區的處理，要搶走辛祖的正選位置相信只係時間的問題。
安宮古：
❌ 射門：0
❌ 嘗試過人 (成功)：2 (0)
❌ 禁區內觸球數：3
❌ 關鍵傳球：0
❌ 前帶距離：10碼
❌ 接收隊友傳球：23
你話對手有嚴密防守安宮古？我又睇唔到。隊友唔肯傳俾佢咩？又唔係。但今場係右路走動的安宮古的確無交出特別的表現。問題多少出在佢移後半格的位置上，咁的安排睇落係為左配合雙中場而設，透過中鋒後移提供多一點的傳球選擇。
有別於過往活躍係Attack Third的區域，今場的安宮古反而較多留守係中圈的位置。過長的攻擊距離確實咁削弱左佢的攻擊表現。
球季總係有起有跌，至少今季係車路士健健康康，入球數都已經升到8球，相信距離安宮古大爆發的時間都唔遠，期待佢有更多吹波波的機會。
菲力斯：
⭕️ 入球：2
⭕️ 預計入球：1.0
⭕️ 射門(命中)：4 (2)⭕️ 射門機會創造：4*
⭕️ 向前傳球：12*
今場無論係成為前場攻擊核心，突入禁區扮演假9，定係無球跑動，菲力斯都交足晒功課，數字亦如同佢本人一樣咁靚仔。唯一美中不足的可能係因為無完整參與季前熱身，菲力斯係比賽尾段明顯體力不繼。
呢個亦可能係佢未成功係英超爭取到正選上陣機會的原因，加上同位置係全盛期的彭馬，菲力斯睇黎要更多時間證明自己，或者係其他位置搵出路 (例如去同安素爭位)。
安素：
⭕️ 中場觸球數：54*
⭕️ 長傳：11(9)*
上一篇先寫完佢的野，今場馬蛇就有新諗法，數據上都反映出佢今場比較多留係中場，做返上季的樞紐工作，當旁邊的霍爾推上的話就主動橫移補返佢的空位。如果古古尼亞同梅迪歷殺入禁區，安素都會後上係禁區邊緣等波，今場唯一的射門就係由梅迪歷橫傳俾後上的安素，可惜俾門將頂高。
畢竟對手較弱，中場無受到太大的威脅，除左開段15分鐘無辦法搶走對方個控球權之外，車路士幾乎靠後防線就足夠抵抗對手的攻勢，你問我佢呢場的表現體現出佢的身價未，又好似…
巴迪亞舒尼：
⭕️ 防守次數：8*
⭕️ 清波：5*
⭕️ 高空爭頂：4 (3)*
❌ 地面身體對抗：2 (0)
繼上場精彩的演出之後，高大衰的巴迪亞舒尼今仗再為大家帶來穩健的防守。今季係馬蛇的手下雖然只係獲得盃賽的上陣時間，但係上陣的表現就一場比一場好，比起科芬拿更加有身高優勢的佢，有無可能係英超比賽入面威脅到科芬拿個正選位呢？
當然，而家話佢已經完全返上正軌仲係言之尚早。
總結：
雖然好想寫埋兩位中場球員同後備的表現，但係受時間同文長所限今次就寫到呢度。今場馬蛇又再係戰術上玩新花樣，但我仍然好樂意見到英超隊同盃賽隊的球員一齊落場增加默契，希望黎緊可以見到梅迪歷係英超賽場發光發熱，而唔係單單做辛祖的後備。