【賽後報告】車路士2：1紐卡素 挑戰心臟健康的山齊士
車路士主場以2：1擊敗紐卡素，本輪有積臣同彭馬入球協助主隊取得3分。
戰術＆數據：
馬利斯卡大膽地排出兩隻左閘(古斯度+占士)，兩個防中(拉維亞+卡些度)，兩個右翼(馬杜基+尼圖)。一睇就知佢係黎做大事架啦(好似係)。
講返今場個戰術排陣，講就講馬蛇大膽起用同位置的球員，實際上佢係上場對陣利物浦之後，睇黎多少有汲取教訓，將古斯度留守係右線，改由占士出任左閘，一來係為左應付阿米朗同利華文圖，另一方面係想善用占士出波長傳的能力。
防中選用拉維亞同卡些度的意圖就相對明顯，由兩個有掃蕩力同轉守為攻能力的球員給予更多中場的控制力。當前線進入禁區附近的時候，就加埋內切的閘位係中場準備搶Second Ball，今場呢種踢法有效咁限制左紐卡素的反擊，亦為車路士帶來唔錯的攻擊機會。
左右翼均由快馬擔任，左邊的尼圖配右邊的馬杜基，目的係運用紐卡素攻上之後的空間做快速的跑動。
自 5 月初以來，車路士在 14 場英超比賽中贏了 10 場（D2 L2），同期只有曼城（35 分）比車路士（32 分）得分多。
個別表現：
彭馬：
⭕️ 入球：1*
⭕️ 預計入球數：0.05⭕️ 關鍵傳球：1
⭕️ 射門機會創造：4*
神奇的球員就係可以做到神奇的野。今場彭馬的預計入球明明連 0.1 都唔夠(0.05)，姐係話統計學上，佢要射20球先有1球會入。偏偏彭馬就入到俾你睇。連同佢越位果一球，今場彭馬仍然係前線為車路士製造入球。
上場對利物浦被封印，今場馬蛇擺脫過往的踢法，安排佢係左路搵食，填補左唔會後上的拉維亞同尼圖前推左之後真空的部份。而對手紐卡素亦無刻意壓縮中場的空間，多少都令彭馬多左時間思考點樣處理。
但係今場兩個入波都關彭馬事，無左彭馬的車路士要面對強隊…我就唔太敢想像啦。
積臣：
⭕️ 入球：1*
⭕️ 預計入球：0.6*
⭕️ 關鍵傳球：3*
⭕️ 觸球數：20
⭕️ 射門機會創造：3
計埋今場呢球，積臣係車路士44場比賽的累積入球已經去到 20 球。而佢所用的場數比古莊臣(48)，維埃里(49)，杜奧巴(50)更少。而入20球的球員入面，場數較少就只有迪亞高哥斯達(26)，哈索賓基(27)，彭馬(33)同史坦(37)。
經過左差唔多一年的蛻變，積臣由最初被球迷嫌棄變成今季車路士正選前鋒，最大的功勞莫過於領隊馬蛇。同今場一樣，佢將積臣收係較接近中圈的位置，憑積臣最近越黎越好的轉身同埋速度去接應隊友的傳送再射門。而積臣進步的地方，包括左佢走位的判斷同First Touch能力。
除此之外，最令球迷意外的，恐怕係佢今年的把握力，當上年講緊積臣入球同預計入球的差距仲有-4.6的時候，今季預計入球同入球的差距係 0；暫時亦以 0.27 的入球轉化率排係英超 11 位，單講效率仲好過隊友彭馬(0.21)同曼城的夏蘭特(0.24)。
如果積臣可以保持呢種實力，睇黎冬天車路士可以慳返筆錢唔買前鋒。
占士：
⭕️ 傳球次數：63 (54)*
⭕️ 傳球成功率：87%
⭕️ 傳入Final Third：5
⭕️ 防守次數：3
⭕️ 清波數：2
⭕️ 射門阻擋：2*
⭕️ 地面對抗：6 (5)⭕️ 空中爭頂：3 (3)
經過左足足558日，車路士的青訓隊長列斯占士終於成功踢完90分鐘的比賽，仲要踢得好有車路士風格：跑上跑落，飛身爭頂，勇救空門，唔難理解車路士的高層點解會想留住占士。甚至今場調整佢去左閘位置都好，占士都一樣交足功課，成功係後場傳波俾前線攻堅。
位置上一定唔係占士最好的位置，畢竟而家仍然缺少左後上射門同傳入禁區的機會，但係繼續健健康康踢到波的話，唔止係車路士正選，英格蘭正選右閘一樣有本事爭。
卡些度：
⭕️ 防守動作：11*
⭕️ 清波：1
⭕️ 地面對抗：7 (4)
⭕️ 長傳：4 (3)
⭕️ 關鍵傳球：2
無入球，好多球迷未必有留意，但卡些度今場係中場出色的發揮簡直係紐卡素的噩夢。卡些度唔止係中場阻止紐卡素的攻勢，當古斯度切入中場的時候，亦有退去邊線補返古斯度的空間，11 次防守動作入面有 6 次都係靠近邊線的地方發生。車路士陣中的億元戰士名譽就靠晒你一個啦！
山齊士：
❌ 長傳：24 (5) [20.8%]
❌ 傳送：40 (20)
❌ 撲救：1
⭕️ 禁區外防守：2
山齊士每次拎波都令到一眾車迷醒一醒，雖然咁樣有效令球迷精神一振，但90分鐘不停承受住壓力其實對心臟唔係咁好。
山齊士今場的主要問題係長傳準確度，當講緊市面上的門將平均傳球成功率係35.9%，山齊士今場的成功率只有可憐的20.8%，個波仲要落係反擊速度快的紐卡素腳下，結果就係不停挑戰車路士防線的集中力同球迷的心臟能力。
賽後馬蛇就繼續維護住山齊士，話咁樣踢係佢的指示，要怪就怪佢。但希望馬蛇都可以關心一下球迷的身體狀況，不如換下人等山齊士有多少少時間練下傳波？
總結：
今場防守仍然甩甩漏漏，唔係Isak刀下留人，彭馬又神來之筆的話，車路士恐怕又失分而回。今季係英超的9場賽事只有2場無失球，球迷關心自己隊波入唔入到波之餘，都好關心自己隊波仲要交幾多學費先可以係防守上有進步。占士的復出固然令人高興，但之後的賽程越黎越密，點樣管理好球員的健康都好重要。
希望跟住係聯賽盃再對紐卡素，可以交出更加令人信服的成績。
========================================
Facebook Page已經開咗啦！如果鍾意我的文章可以入黎按個讚！
車迷狗up天地
https://www.facebook.com/profile.php?id=61566593983419-
戰術＆數據：
馬利斯卡大膽地排出兩隻左閘(古斯度+占士)，兩個防中(拉維亞+卡些度)，兩個右翼(馬杜基+尼圖)。一睇就知佢係黎做大事架啦(好似係)。
講返今場個戰術排陣，講就講馬蛇大膽起用同位置的球員，實際上佢係上場對陣利物浦之後，睇黎多少有汲取教訓，將古斯度留守係右線，改由占士出任左閘，一來係為左應付阿米朗同利華文圖，另一方面係想善用占士出波長傳的能力。
防中選用拉維亞同卡些度的意圖就相對明顯，由兩個有掃蕩力同轉守為攻能力的球員給予更多中場的控制力。當前線進入禁區附近的時候，就加埋內切的閘位係中場準備搶Second Ball，今場呢種踢法有效咁限制左紐卡素的反擊，亦為車路士帶來唔錯的攻擊機會。
左右翼均由快馬擔任，左邊的尼圖配右邊的馬杜基，目的係運用紐卡素攻上之後的空間做快速的跑動。
自 5 月初以來，車路士在 14 場英超比賽中贏了 10 場（D2 L2），同期只有曼城（35 分）比車路士（32 分）得分多。
個別表現：
彭馬：
⭕️ 入球：1*
⭕️ 預計入球數：0.05⭕️ 關鍵傳球：1
⭕️ 射門機會創造：4*
神奇的球員就係可以做到神奇的野。今場彭馬的預計入球明明連 0.1 都唔夠(0.05)，姐係話統計學上，佢要射20球先有1球會入。偏偏彭馬就入到俾你睇。連同佢越位果一球，今場彭馬仍然係前線為車路士製造入球。
上場對利物浦被封印，今場馬蛇擺脫過往的踢法，安排佢係左路搵食，填補左唔會後上的拉維亞同尼圖前推左之後真空的部份。而對手紐卡素亦無刻意壓縮中場的空間，多少都令彭馬多左時間思考點樣處理。
但係今場兩個入波都關彭馬事，無左彭馬的車路士要面對強隊…我就唔太敢想像啦。
積臣：
⭕️ 入球：1*
⭕️ 預計入球：0.6*
⭕️ 關鍵傳球：3*
⭕️ 觸球數：20
⭕️ 射門機會創造：3
計埋今場呢球，積臣係車路士44場比賽的累積入球已經去到 20 球。而佢所用的場數比古莊臣(48)，維埃里(49)，杜奧巴(50)更少。而入20球的球員入面，場數較少就只有迪亞高哥斯達(26)，哈索賓基(27)，彭馬(33)同史坦(37)。
經過左差唔多一年的蛻變，積臣由最初被球迷嫌棄變成今季車路士正選前鋒，最大的功勞莫過於領隊馬蛇。同今場一樣，佢將積臣收係較接近中圈的位置，憑積臣最近越黎越好的轉身同埋速度去接應隊友的傳送再射門。而積臣進步的地方，包括左佢走位的判斷同First Touch能力。
除此之外，最令球迷意外的，恐怕係佢今年的把握力，當上年講緊積臣入球同預計入球的差距仲有-4.6的時候，今季預計入球同入球的差距係 0；暫時亦以 0.27 的入球轉化率排係英超 11 位，單講效率仲好過隊友彭馬(0.21)同曼城的夏蘭特(0.24)。
如果積臣可以保持呢種實力，睇黎冬天車路士可以慳返筆錢唔買前鋒。
占士：
⭕️ 傳球次數：63 (54)*
⭕️ 傳球成功率：87%
⭕️ 傳入Final Third：5
⭕️ 防守次數：3
⭕️ 清波數：2
⭕️ 射門阻擋：2*
⭕️ 地面對抗：6 (5)⭕️ 空中爭頂：3 (3)
經過左足足558日，車路士的青訓隊長列斯占士終於成功踢完90分鐘的比賽，仲要踢得好有車路士風格：跑上跑落，飛身爭頂，勇救空門，唔難理解車路士的高層點解會想留住占士。甚至今場調整佢去左閘位置都好，占士都一樣交足功課，成功係後場傳波俾前線攻堅。
位置上一定唔係占士最好的位置，畢竟而家仍然缺少左後上射門同傳入禁區的機會，但係繼續健健康康踢到波的話，唔止係車路士正選，英格蘭正選右閘一樣有本事爭。
卡些度：
⭕️ 防守動作：11*
⭕️ 清波：1
⭕️ 地面對抗：7 (4)
⭕️ 長傳：4 (3)
⭕️ 關鍵傳球：2
無入球，好多球迷未必有留意，但卡些度今場係中場出色的發揮簡直係紐卡素的噩夢。卡些度唔止係中場阻止紐卡素的攻勢，當古斯度切入中場的時候，亦有退去邊線補返古斯度的空間，11 次防守動作入面有 6 次都係靠近邊線的地方發生。車路士陣中的億元戰士名譽就靠晒你一個啦！
山齊士：
❌ 長傳：24 (5) [20.8%]
❌ 傳送：40 (20)
❌ 撲救：1
⭕️ 禁區外防守：2
山齊士每次拎波都令到一眾車迷醒一醒，雖然咁樣有效令球迷精神一振，但90分鐘不停承受住壓力其實對心臟唔係咁好。
山齊士今場的主要問題係長傳準確度，當講緊市面上的門將平均傳球成功率係35.9%，山齊士今場的成功率只有可憐的20.8%，個波仲要落係反擊速度快的紐卡素腳下，結果就係不停挑戰車路士防線的集中力同球迷的心臟能力。
賽後馬蛇就繼續維護住山齊士，話咁樣踢係佢的指示，要怪就怪佢。但希望馬蛇都可以關心一下球迷的身體狀況，不如換下人等山齊士有多少少時間練下傳波？
總結：
今場防守仍然甩甩漏漏，唔係Isak刀下留人，彭馬又神來之筆的話，車路士恐怕又失分而回。今季係英超的9場賽事只有2場無失球，球迷關心自己隊波入唔入到波之餘，都好關心自己隊波仲要交幾多學費先可以係防守上有進步。占士的復出固然令人高興，但之後的賽程越黎越密，點樣管理好球員的健康都好重要。
希望跟住係聯賽盃再對紐卡素，可以交出更加令人信服的成績。
========================================
Facebook Page已經開咗啦！如果鍾意我的文章可以入黎按個讚！
車迷狗up天地
https://www.facebook.com/profile.php?id=61566593983419-