【賽後報告】紐卡素2：0車路士 車仔B隊無力回天
聯賽盃第4回合，紐卡素主場迎戰車路士，車路士上半場先失兩球下，最終以2球被紐卡素淘汰出局。
戰術＆數據：
今場比賽有趣的地方，係紐卡素有半隊人係幾日前已經踢完90分鐘，再係週中對多一次車路士，但對手的車路士就換晒11件蛋散，體力充沛咁應戰。
本來應該係咁。
但係實際上踢落，根本就唔知邊隊先係無體力果面。馬利斯卡擺位上繼續係佢的4-2-3-1，但人腳就限米煮飯，起用霍爾做右翼，中場用維加同安素，防線由巴迪亞舒尼加阿達拉比奧尤配左右的古古尼亞同迪西斯。
咁樣排，問題就會有幾個：
❌ 右線所有人幾乎都係黎兼職打工，包括本身係中場的霍爾同本身係中堅的迪西施。結果就係令車路士的攻擊大部份都去晒左邊。
❌ 中場維加同安素的控制力同掃蕩力不足，加埋菲力斯都好仍然不足以撐起條中場線，結果車路士係面對紐卡素的攻勢時往往由中場線開始崩盤。
❌ 防線四個人的職責分配同默契未夠，特別係當維加回後的時候，兩個中堅都無走位提供傳球選擇，第一個失波正正就係來自維加的傳球失誤。(甚至之後都有類似的畫面出現，只係東拿尼射斜死唔去。) 其餘走漏的問題就係一貫車路士的作風，唔特別講。
贏夠兩球之後，紐卡素下半場已經轉攻為守，想保留體力之餘亦睇死你車路士無能力追和，事實都證明左車路士就算控制住比賽但係仍然點摸都摸唔入。機會唔係缺，但係B隊的安宮古同菲力斯無把握力，更遑論右邊碌碌無為的霍爾。
下半場車路士數據：
⭕️ 控球：67%
⭕️ 傳球數 (成功)：339 (314)
⭕️ 射門數 (命中)：11 (1)
⭕️ 地面對抗(成功)： 36 (14)
賽後訪問就話馬蛇唔換人係因為信任班球員，覺得佢地場上表現無問題先留佢地係場，換言之霍爾的表現真係差到馬蛇都頂佢唔順。
個別表現：
⭐️梅迪歷：
全場走上走落，連中場掃蕩都要幫埋手，攻果時又係你，守果時都係你。今場後有古古尼亞幫佢的情況下，梅迪歷明顯地踢得好左，係邊線利用對手的Half Space傳入禁區成功咁造出威脅，奈何隊友唔爭氣送唔到個波入網……唯一不足的就係梅迪歷未搵到機會自己起腳，暫時包括辛祖在內的左翼都無乜射門慾望，可能要搵馬杜基教下佢地點樣重拾自信先得。
❌ 射門數：0
⭕️ 關鍵傳球：2
⭕️ 地面對抗：11 (7)*⭕️ 防守動作：3
安素費南迪斯：
又係你。上次的長文已經講過，安素係而家的戰術下攻守兩端皆不穩，今場繼續延續同樣的表現。本來對安素的要求就係節奏控制同第一線防守。但數據上都反映出安素有幾唔掂。特別係傳中同長傳的數字上，傳中波的成功率太低，長傳的次數太少，兩者對於中場核心黎講都唔係合格。更重要係失去控球次數太多，直接引致車路士的防線要面對對手。安素呀安素，幾時先生性呀你。
⭕️ 傳球數：121 (106)
⭕️ 關鍵傳球：1
❌ 長傳：6 (3)
❌ 傳中：8 (1)
❌ 失去控球：23
❌ 鏟斷：2
維加：
年輕球員的野，你明我明單眼佬都明，就係時好時壞。維加踢左咁多場唔錯的比賽，今場終於迎來爆炸性的演出。本來就屬於多面手的的維加，放係中場的話理論上應該作為防中的角色，必要時要外切去閘位填補空位。可惜的係，當要維加自己一個負起防中責任的時候，佢無變成防線第一點，反而同安素一齊死火俾你睇。唔講佢係禁區頂的失誤都好，維加無幫助古古尼亞或者右路迪西施已經唔算合格。
❌ 地面對抗：6 (2)
❌ 鏟斷：2
❌ 錯誤引致射門：3
❌ 錯誤引致失球：1
迪西施：
踢足90分鐘的防線喎……我無野補充啦法官大人。
❌ 清波：0
❌ 射門阻擋：0
❌ 鏟斷：0
❌ 地面對抗：6 (2)
❌ 空中對抗：0 (0)
❌ 失去控球：11
總結：
要講的話，其實仲可以詳細講埋菲力斯同安宮古，不過兩者都係有機會但把握唔到，而且因為右路受限，本身獲得的機會已經唔多，唔似上面幾位咁，好似漆黑中嘅螢火蟲一樣，咁鮮明，咁出眾。出局的事實無辦法改變，對於呢一刻的車路士黎講，就係B隊少左出場機會，雖然係可惜，但知道問題再去改善先係最重要的野，下年聯賽盃再努力過啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
戰術＆數據：
今場比賽有趣的地方，係紐卡素有半隊人係幾日前已經踢完90分鐘，再係週中對多一次車路士，但對手的車路士就換晒11件蛋散，體力充沛咁應戰。
本來應該係咁。
但係實際上踢落，根本就唔知邊隊先係無體力果面。馬利斯卡擺位上繼續係佢的4-2-3-1，但人腳就限米煮飯，起用霍爾做右翼，中場用維加同安素，防線由巴迪亞舒尼加阿達拉比奧尤配左右的古古尼亞同迪西斯。
咁樣排，問題就會有幾個：
❌ 右線所有人幾乎都係黎兼職打工，包括本身係中場的霍爾同本身係中堅的迪西施。結果就係令車路士的攻擊大部份都去晒左邊。
❌ 中場維加同安素的控制力同掃蕩力不足，加埋菲力斯都好仍然不足以撐起條中場線，結果車路士係面對紐卡素的攻勢時往往由中場線開始崩盤。
❌ 防線四個人的職責分配同默契未夠，特別係當維加回後的時候，兩個中堅都無走位提供傳球選擇，第一個失波正正就係來自維加的傳球失誤。(甚至之後都有類似的畫面出現，只係東拿尼射斜死唔去。) 其餘走漏的問題就係一貫車路士的作風，唔特別講。
贏夠兩球之後，紐卡素下半場已經轉攻為守，想保留體力之餘亦睇死你車路士無能力追和，事實都證明左車路士就算控制住比賽但係仍然點摸都摸唔入。機會唔係缺，但係B隊的安宮古同菲力斯無把握力，更遑論右邊碌碌無為的霍爾。
下半場車路士數據：
⭕️ 控球：67%
⭕️ 傳球數 (成功)：339 (314)
⭕️ 射門數 (命中)：11 (1)
⭕️ 地面對抗(成功)： 36 (14)
賽後訪問就話馬蛇唔換人係因為信任班球員，覺得佢地場上表現無問題先留佢地係場，換言之霍爾的表現真係差到馬蛇都頂佢唔順。
個別表現：
⭐️梅迪歷：
全場走上走落，連中場掃蕩都要幫埋手，攻果時又係你，守果時都係你。今場後有古古尼亞幫佢的情況下，梅迪歷明顯地踢得好左，係邊線利用對手的Half Space傳入禁區成功咁造出威脅，奈何隊友唔爭氣送唔到個波入網……唯一不足的就係梅迪歷未搵到機會自己起腳，暫時包括辛祖在內的左翼都無乜射門慾望，可能要搵馬杜基教下佢地點樣重拾自信先得。
❌ 射門數：0
⭕️ 關鍵傳球：2
⭕️ 地面對抗：11 (7)*⭕️ 防守動作：3
安素費南迪斯：
又係你。上次的長文已經講過，安素係而家的戰術下攻守兩端皆不穩，今場繼續延續同樣的表現。本來對安素的要求就係節奏控制同第一線防守。但數據上都反映出安素有幾唔掂。特別係傳中同長傳的數字上，傳中波的成功率太低，長傳的次數太少，兩者對於中場核心黎講都唔係合格。更重要係失去控球次數太多，直接引致車路士的防線要面對對手。安素呀安素，幾時先生性呀你。
⭕️ 傳球數：121 (106)
⭕️ 關鍵傳球：1
❌ 長傳：6 (3)
❌ 傳中：8 (1)
❌ 失去控球：23
❌ 鏟斷：2
維加：
年輕球員的野，你明我明單眼佬都明，就係時好時壞。維加踢左咁多場唔錯的比賽，今場終於迎來爆炸性的演出。本來就屬於多面手的的維加，放係中場的話理論上應該作為防中的角色，必要時要外切去閘位填補空位。可惜的係，當要維加自己一個負起防中責任的時候，佢無變成防線第一點，反而同安素一齊死火俾你睇。唔講佢係禁區頂的失誤都好，維加無幫助古古尼亞或者右路迪西施已經唔算合格。
❌ 地面對抗：6 (2)
❌ 鏟斷：2
❌ 錯誤引致射門：3
❌ 錯誤引致失球：1
迪西施：
踢足90分鐘的防線喎……我無野補充啦法官大人。
❌ 清波：0
❌ 射門阻擋：0
❌ 鏟斷：0
❌ 地面對抗：6 (2)
❌ 空中對抗：0 (0)
❌ 失去控球：11
總結：
要講的話，其實仲可以詳細講埋菲力斯同安宮古，不過兩者都係有機會但把握唔到，而且因為右路受限，本身獲得的機會已經唔多，唔似上面幾位咁，好似漆黑中嘅螢火蟲一樣，咁鮮明，咁出眾。出局的事實無辦法改變，對於呢一刻的車路士黎講，就係B隊少左出場機會，雖然係可惜，但知道問題再去改善先係最重要的野，下年聯賽盃再努力過啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419