【數據分析】11輪英超過後 車路士數據 (隊伍篇)
國際賽期，又進入無波睇唔知寫咩好的日子，不過已經踢左11場英超比賽，正好可以抽出黎比較下車路士對英超的各項數字。今日以隊伍的角度抽出左各方面的數據，之後會再用球員的角度寫下。以下的數據中，[]係車路士係英超的排名。
攻擊力：
⭕️ 非十二碼預計入球：18.8 [3]
⭕️ 把握力(G-xG)：+1.4 [6]
⭕️ 入球數：21 [3]
⭕️ 射門數：153 [8]⭕️ 射門轉化率：0.13 [3]
頭11輪比賽的對手集中係前十的居多，啱啱換帥的車路士居然仲可以有呢個成績其實要劏雞還神。馬蛇的車路士今季的入波算係多，但係同登頂的球隊比睇落就仲有距離。
頭幾輪升到好高的射門距離就稍有回落，由之前的平均20.6碼跌落16.8，都相對反映出馬蛇係戰術上會因應對手而調整攻門方式。
最開始果時車路士用狼隊刷數據，4場比賽就刷出極高的入球/預計入球差距，果部份的數字都俾最近幾場強強對碰消化左。
射門唔多，算係把握到，入球轉化率唔差，呢個就係而家車路士排係第三的原因。
傳球組織創造力：
⭐️ 助攻：17 [1]
⭐️ 預計助攻：17 [1]
⭕️ 射門機會創造：278 [7]
⭐️ 射門機會創造(過人)：24 [1]
💩 射門機會創造(死球)：12 [20]
⭕️ 入球機會創造：39 [2]
❌ 射門所需傳球：26.8 [10]
💩 死球預計入球：0.19 [20]
上面一眼就睇晒車路士的進攻手段：過人。比例黎計，車路士而家過於依賴球員的個人實力去創造射門，實際上創造左之後真正變成助攻的傳波都無想像中咁多，上半季的餘下比賽開始要對付下游防守硬淨的球隊，馬蛇會唔會用更多組織相信會係呢兩星期的功課。
順帶一提，明明車路士駛左錢係賓福特挖角死球教練返黎，仲要因為咁而同肥普鬧翻左，但係今季車路士係死球的表現上仍然係一潭死水，由死球創造的射門次數同xG雙雙排英超榜尾，車路士的平均身高係1.83m，排係英超11位，同阿仙奴一樣，確實唔可以用身高作為入唔到死球的藉口。
控球/過人：
⭕️ 嘗試過人：231(107) [4(2)]
⭕️ 控失：139 [15]
⭕️ 失去控球：90 [19]
相信呢部份係車路士今季其中一個最大的進步。雖然好多人仲繼續鬧緊班後防派膠，但係控球上面數字已經保持得唔錯，上文都有講車路士係靠過人去創造射門機會，過人次數同成功率都相當唔錯，年輕人腳下功夫唔好的問題係今季得以改善，失去控球次數更加係英超入面第二少。人黎，加隻雞脾俾馬蛇。
防守：
⭕️ 失波數： 13 [13]
⭕️ 被射門預計入球： 12.7 [13]
⭕️ 搶斷：270 [16]
⭕️ 清波：214 [13]
⭕️ 射門阻止：43 [10]
⭕️ 傳球阻止：85 [12]
❌ 犯錯引致射門：8 [8]
今季的車路士算係幾神奇的球隊。11輪英超比賽，只有對般尼茅夫同韋斯咸兩場力保不失，如果計晒咁其他盃賽，亦只有5場比賽係不失球，受惠於車路士的控球能力同進攻能力，相對車路士面對對手進攻的次數其實相對係少。同差唔多排名的球隊相比，車路士的失波數字都唔係相差太遠。唯一問題就係車路士係前列的球隊入面係最多犯錯引致射門的球隊，如果唔係前面入波幫後面遮醜的話，車路士今季都會係下半版掙扎。
小總結：
抽數據出黎比較，就會更加確切咁感受到車路士排係呢個位置的原因。攻擊，防守，創造，傳送等等暫時都比上季出色，雖然仍然有過於依賴單一球員的問題 (彭馬同卡些度)，但係已經唔係最初的彭馬朋友隊。黎緊馬蛇仲會有可能將盃賽隊融入A隊，變化又會再增加，的確令人幾期待。
========================================
Facebook Page已經開咗啦！如果鍾意我的文章可以入黎按個讚！
⭕️ ⭐️ 車迷狗up天地 ❌ 💩
https://www.facebook.com/profile.php?id=61566593983419
攻擊力：
⭕️ 非十二碼預計入球：18.8 [3]
⭕️ 把握力(G-xG)：+1.4 [6]
⭕️ 入球數：21 [3]
⭕️ 射門數：153 [8]⭕️ 射門轉化率：0.13 [3]
頭11輪比賽的對手集中係前十的居多，啱啱換帥的車路士居然仲可以有呢個成績其實要劏雞還神。馬蛇的車路士今季的入波算係多，但係同登頂的球隊比睇落就仲有距離。
頭幾輪升到好高的射門距離就稍有回落，由之前的平均20.6碼跌落16.8，都相對反映出馬蛇係戰術上會因應對手而調整攻門方式。
最開始果時車路士用狼隊刷數據，4場比賽就刷出極高的入球/預計入球差距，果部份的數字都俾最近幾場強強對碰消化左。
射門唔多，算係把握到，入球轉化率唔差，呢個就係而家車路士排係第三的原因。
傳球組織創造力：
⭐️ 助攻：17 [1]
⭐️ 預計助攻：17 [1]
⭕️ 射門機會創造：278 [7]
⭐️ 射門機會創造(過人)：24 [1]
💩 射門機會創造(死球)：12 [20]
⭕️ 入球機會創造：39 [2]
❌ 射門所需傳球：26.8 [10]
💩 死球預計入球：0.19 [20]
上面一眼就睇晒車路士的進攻手段：過人。比例黎計，車路士而家過於依賴球員的個人實力去創造射門，實際上創造左之後真正變成助攻的傳波都無想像中咁多，上半季的餘下比賽開始要對付下游防守硬淨的球隊，馬蛇會唔會用更多組織相信會係呢兩星期的功課。
順帶一提，明明車路士駛左錢係賓福特挖角死球教練返黎，仲要因為咁而同肥普鬧翻左，但係今季車路士係死球的表現上仍然係一潭死水，由死球創造的射門次數同xG雙雙排英超榜尾，車路士的平均身高係1.83m，排係英超11位，同阿仙奴一樣，確實唔可以用身高作為入唔到死球的藉口。
控球/過人：
⭕️ 嘗試過人：231(107) [4(2)]
⭕️ 控失：139 [15]
⭕️ 失去控球：90 [19]
相信呢部份係車路士今季其中一個最大的進步。雖然好多人仲繼續鬧緊班後防派膠，但係控球上面數字已經保持得唔錯，上文都有講車路士係靠過人去創造射門機會，過人次數同成功率都相當唔錯，年輕人腳下功夫唔好的問題係今季得以改善，失去控球次數更加係英超入面第二少。人黎，加隻雞脾俾馬蛇。
防守：
⭕️ 失波數： 13 [13]
⭕️ 被射門預計入球： 12.7 [13]
⭕️ 搶斷：270 [16]
⭕️ 清波：214 [13]
⭕️ 射門阻止：43 [10]
⭕️ 傳球阻止：85 [12]
❌ 犯錯引致射門：8 [8]
今季的車路士算係幾神奇的球隊。11輪英超比賽，只有對般尼茅夫同韋斯咸兩場力保不失，如果計晒咁其他盃賽，亦只有5場比賽係不失球，受惠於車路士的控球能力同進攻能力，相對車路士面對對手進攻的次數其實相對係少。同差唔多排名的球隊相比，車路士的失波數字都唔係相差太遠。唯一問題就係車路士係前列的球隊入面係最多犯錯引致射門的球隊，如果唔係前面入波幫後面遮醜的話，車路士今季都會係下半版掙扎。
小總結：
抽數據出黎比較，就會更加確切咁感受到車路士排係呢個位置的原因。攻擊，防守，創造，傳送等等暫時都比上季出色，雖然仍然有過於依賴單一球員的問題 (彭馬同卡些度)，但係已經唔係最初的彭馬朋友隊。黎緊馬蛇仲會有可能將盃賽隊融入A隊，變化又會再增加，的確令人幾期待。
========================================
Facebook Page已經開咗啦！如果鍾意我的文章可以入黎按個讚！
⭕️ ⭐️ 車迷狗up天地 ❌ 💩
https://www.facebook.com/profile.php?id=61566593983419