【數據分析】神又係你鬼又係你 詳述今季的山齊士
上一篇講完車路士整體表現，本身係想寫下個人表現，但係落筆寫寫下，發現山齊士係好多數據上表現好矛盾，同大家的睇法唔同，越寫就越長，所以決定呢篇集中寫山齊士，如果仲有時間先再寫下其他我在意的數據。
今季的馬利斯卡，為左遷就山齊士，將自己本身係李城的戰術改變左。原本需要走出禁區的門將改成深閨的踢法，減少左因為門將失禁帶來的風險，但係同時都削弱左後防的組織能力。
山齊士個人數據：[]係佢係英超的排名⭕️ 對手的npxG：12.7 [14]
⭕️ PSxG (/90)：13.8 (1.25) [20/29]
⭕️ PSxG/SoT：0.21 [19/29]
⭕️ PSxG+/-：+0.8 [15/29]
⭕️ 面對的射門距離：19.2碼 [1]
⭕️ 撲救比率：79.6% [2]
❌ 失誤引致射門：3 [1]
⭕️ 失球數：13 (1.18) [16/19]
⭕️ 禁區外防守行為：2.39 [1]
呢度，有個算係相對複雜的用語出現左。PSxG/SoT - 射門後預計入球 / 中龍射門。
拆開黎講，PSxG係講緊果一球的射門質素，以1為最大。PSxG同xG唔同，會考慮埋門將的位置，用統計的數字話你知呢球入球的機會有幾高。
而 PSxG/SoT 則反映對手射中龍門時該球的質素。數值越高表示門將面對的射門質素越高 (當射門次數係1，上面個數字越大就越高汁，整體數字越接近1就越表示對手射得靚)。所以，單睇PSxG/SoT，你就明白今季山齊士面對的射門質素其實唔係咁高，全英超29個門將入面佢只係排20。
PSxG+/- 代表緊射門後預計入球同失波數的差距，山齊士表現未算負面，係正0.8。再進一步細睇返數字，車路士的防守指數(PPDA) 係13.94，排係英超第9，加埋對手偏向長距離的射門，證明左車路士的防線係有效咁限制左對手射門。所以，山齊士的撲救率高，某程度上係受惠於車路士的防守體系，失波就係因為對手突破左防線的結果。
單講龍門撲救表現的話，得出的結論大約就係：山齊士面對高質素射門時無辦法提供更多額外價值，雖然不至於係英超黃大仙有救必應，但佢角色更接近於「完成基本任務的門將」，而唔係可以改變比賽的關鍵角色。
好，咁我地唔講撲救，講下門將其他工作範圍 -
禁區外防守次數係場均2.39，呢樣係山齊士第一樣亦係唯一一樣登頂的數據。車路士的踢法上偏向高位，間中就會出現防線推左上去俾人打高位反擊的情況，而山齊士係掃蕩呢類波的方面的表現好好。多少算係滿足左馬蛇想門將係禁區外工作的一小部份。
但有一樣好就有另一樣壞。山齊士係英超龍門的中長傳準確度可以話係絕望級。
長傳成功率：38.6% (平均43.8%) [17/22]
中傳成功率：98.8% (平均98.6%) [14/22]
相信今季有唔少車迷同我一樣，睇山齊士傳波就頭痛。數字就擺左係度，亦無乜要補充。
咁係唔係真係我地睇比賽果時體感咁絕望？我抽埋之前幾季的數據出黎，單睇今季數據你唔會覺，我post埋上季同今季場均數就明：
⭕️ PSxG+/-：-0.8 -> +0.8
⭕️ 撲救比率：70.5% -> 79.6%
❌ 失誤引致射門：0.07 -> 0.09
⭕️ 失球數：1.57 -> 1.18
⭕️ 禁區外防守行為：1.70 -> 2.39
⭕️ 高波應對：9.4% -> 11.6%
咁多項數據，除左派膠之外其實整體都係有進步，甚至進步幅度唔算細，呢個可以話係馬蛇繼續留用佢的原因之一。
當然啦，我地唔係教頭，實際的原因只有馬蛇先知，但係山齊士撲救表現發揮正常，掃蕩能力好，傳球能力差，幾乎每場會派一次膠，但係一直有進步緊。
佢值唔值得車迷俾多一季時間佢？呢樣留返俾大家討論。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
今季的馬利斯卡，為左遷就山齊士，將自己本身係李城的戰術改變左。原本需要走出禁區的門將改成深閨的踢法，減少左因為門將失禁帶來的風險，但係同時都削弱左後防的組織能力。
山齊士個人數據：[]係佢係英超的排名⭕️ 對手的npxG：12.7 [14]
⭕️ PSxG (/90)：13.8 (1.25) [20/29]
⭕️ PSxG/SoT：0.21 [19/29]
⭕️ PSxG+/-：+0.8 [15/29]
⭕️ 面對的射門距離：19.2碼 [1]
⭕️ 撲救比率：79.6% [2]
❌ 失誤引致射門：3 [1]
⭕️ 失球數：13 (1.18) [16/19]
⭕️ 禁區外防守行為：2.39 [1]
呢度，有個算係相對複雜的用語出現左。PSxG/SoT - 射門後預計入球 / 中龍射門。
拆開黎講，PSxG係講緊果一球的射門質素，以1為最大。PSxG同xG唔同，會考慮埋門將的位置，用統計的數字話你知呢球入球的機會有幾高。
而 PSxG/SoT 則反映對手射中龍門時該球的質素。數值越高表示門將面對的射門質素越高 (當射門次數係1，上面個數字越大就越高汁，整體數字越接近1就越表示對手射得靚)。所以，單睇PSxG/SoT，你就明白今季山齊士面對的射門質素其實唔係咁高，全英超29個門將入面佢只係排20。
PSxG+/- 代表緊射門後預計入球同失波數的差距，山齊士表現未算負面，係正0.8。再進一步細睇返數字，車路士的防守指數(PPDA) 係13.94，排係英超第9，加埋對手偏向長距離的射門，證明左車路士的防線係有效咁限制左對手射門。所以，山齊士的撲救率高，某程度上係受惠於車路士的防守體系，失波就係因為對手突破左防線的結果。
單講龍門撲救表現的話，得出的結論大約就係：山齊士面對高質素射門時無辦法提供更多額外價值，雖然不至於係英超黃大仙有救必應，但佢角色更接近於「完成基本任務的門將」，而唔係可以改變比賽的關鍵角色。
好，咁我地唔講撲救，講下門將其他工作範圍 -
禁區外防守次數係場均2.39，呢樣係山齊士第一樣亦係唯一一樣登頂的數據。車路士的踢法上偏向高位，間中就會出現防線推左上去俾人打高位反擊的情況，而山齊士係掃蕩呢類波的方面的表現好好。多少算係滿足左馬蛇想門將係禁區外工作的一小部份。
但有一樣好就有另一樣壞。山齊士係英超龍門的中長傳準確度可以話係絕望級。
長傳成功率：38.6% (平均43.8%) [17/22]
中傳成功率：98.8% (平均98.6%) [14/22]
相信今季有唔少車迷同我一樣，睇山齊士傳波就頭痛。數字就擺左係度，亦無乜要補充。
咁係唔係真係我地睇比賽果時體感咁絕望？我抽埋之前幾季的數據出黎，單睇今季數據你唔會覺，我post埋上季同今季場均數就明：
⭕️ PSxG+/-：-0.8 -> +0.8
⭕️ 撲救比率：70.5% -> 79.6%
❌ 失誤引致射門：0.07 -> 0.09
⭕️ 失球數：1.57 -> 1.18
⭕️ 禁區外防守行為：1.70 -> 2.39
⭕️ 高波應對：9.4% -> 11.6%
咁多項數據，除左派膠之外其實整體都係有進步，甚至進步幅度唔算細，呢個可以話係馬蛇繼續留用佢的原因之一。
當然啦，我地唔係教頭，實際的原因只有馬蛇先知，但係山齊士撲救表現發揮正常，掃蕩能力好，傳球能力差，幾乎每場會派一次膠，但係一直有進步緊。
佢值唔值得車迷俾多一季時間佢？呢樣留返俾大家討論。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419