【尖沙咀新店！精緻九宮格超鮮甜刺身+海膽】

日日空運直送!
呢間位於尖沙咀新開的日本料理店，日日都會由日本市場直送鮮魚、海膽、蟹、蠔等過黎，真係超級新鮮。當中精緻九宮格寶盒賣相已經吸睛，而且盒內已經有齊大家都會流晒口水的鮮甜海膽、蟹肉、拖羅蓉、魚子粒等等。仲有個六層燒廣島蠔，有六種不同口味，包括芝士海膽焗蠔、芝士焗蠔、蒜蓉燒蠔、清酒酒糟煮蠔、蘿蔔蓉配天婦羅炸蠔、昆布汁煮蠔，總有一味係至愛!
▲平成三十花木慶典寶盒($588) 九宮格內有海膽、蟹肉、拖羅蓉、魚子粒、帶子刺身、甜蝦刺身、海帶。當中海膽非常鮮甜和魚子粒更是脆口，配合紫菜和紫蘇葉包住食，更有另一番味道。

▲炎燒六式珍味蠔($248) 日本直送新鮮廣島蠔，用六種不同的口味去帶出蠔的鮮甜味。分別是清酒酒糟煮蠔、昆布汁煮蠔、芝士海膽焗蠔、芝士焗蠔、蒜蓉燒蠔、蘿蔔蓉配天婦羅炸蠔。

▲花木激安刺身盛($388) 8款不同種類的當天時令刺身，包括有海膽、吞拿魚、帶子、真鯛、三文魚、池魚、八爪魚、蝦。全放入魚缸中，放盤有心思。

▲香蔥吞拿魚腩蓉薄脆($128) 薄脆味道帶咸和吞拿魚腩蓉的味道非常夾。

▲輕燒和牛配酸汁($228) 和牛肉味濃厚，外熟內生，肉質非常軟淋。配上酸汁食用非常開胃。

▲牛油果彩虹卷($88) 用上三文魚，吞拿魚刺身做的卷物上放了大大份牛油果蓉，賣相吸引，牛油果蓉和卷物更是絕配。
▲酥炸軟殼蟹卷($138) 即炸的軟殼蟹非常香脆，不油膩，軟殼蟹味道夠突出。配上沙律醬和脆脆蟹子，口感好滿足。

▲牛肋骨($388) 原條燒牛肋骨，外層肉質帶點香脆，而內裡剛好是半生。牛肉入口嫩滑仲保留了豐富肉汁，牛味非常突出。不用點醬汁都非常好味。
▲什錦天婦羅($238) 有大蝦、茄子、青椒、香菇、南瓜和池魚，可配傳統的慳魚汁或者綠茶鹽。綠茶鹽的綠茶味好香，能提升味道之餘還可以減低油炸的肥膩感。

▲海膽炒飯($268) 大大幾片海膽，非常足夠混合一碟炒飯令每一啖都可以食到鮮甜海膽。炒飯炒得夠乾身，粒粒分明，還加入了少許椒鹽，好惹味。
▲和風野菜炒麵($98) 有多款野菜做材料，包括香菇，青椒，紅椒，椰菜絲。炒麵上還放了大量紫菜，增加香味。炒麵是用日本炒麵，夠彈牙。


原文及地址詳情: http://hkppltravel.com/?p=52628
文字及圖片來源：香港人.遊香港
—————————————————————
相關文章：
【旺角掃街篇：有辣有唔辣！點可以唔食魚蛋！？】
【日本師傅主理！午市三色丼！】