旺角飲品店：【唔洗再飲珍珠奶茶！轉飲酸奶啦！】- 我是酸奶君

近呢幾年珍珠奶茶熱潮，同圍都開晒台式飲品店，旺角開左一間係深圳好出名既我是酸奶君，主打都係賣酸奶飲品，由鮮奶和乳酪調製。酸奶飲落去酸酸甜甜，對比飲珍珠奶茶仲健康。當你飲得太多黑糖珍珠奶茶果陣，飲番杯酸奶都係一個唔錯既選擇。可以試下呢間鋪既排行榜No.1－吃米酸奶同埋排行榜no.2既百香果果。
▲吃米酸奶($29): 呢杯酸奶個底有紫米，紫米同酸奶既份量岩岩好，飲落唔會太甜，亦都唔會飲落去太多紫米飲到好飽，同埋多左煙韌既口感。

▲芒果果海($38): 芒果味既酸奶，同樣地係飲品底部都會有正常份量既紫米。

▲每一杯既包裝紙設計都唔一樣，不過都一定會加句「特別紫米，獨家工藝」落去令客人更加記得酸奶君既紫米有幾咁特別。

▲餐牌除左酸奶，仲有VC酸奶益生菌系列，呢個系列係茶底，飲落去更清更幫助消化。

▲大家經過旺角見到呢個門面粉紫色同埋呢個男仔Logo，不妨試下留意間鋪。


原文及地址詳情：https://hkppltravel.com/?p=65454&fbclid=IwAR2S4hXQLVno-Q_uytJuqR6xp2vRFtztqbjngVfGJhKOC33COr9MVXYeDak
文字來源：香港人.遊香港／圖片來源：@belalaful、＠catcheung、＠lorbblooo、@yogosthk_official