港隊遠征西亞之啟示
首先筆者在此感謝各位讀者及fanpiece支持，將筆者上次分析香港年輕球員政策嘅文章列為推薦文章，筆者會繼續努力，大家一齊努力推動香港足球發展。
上次傾過年青球員，今次不如就檢討一下港隊上星期遠征西亞嘅表現啦。
講番成績，首先港隊作客約旦以0：4落敗，之後亞洲盃外圍賽作客黎巴嫩則以0：2落敗。從結果同表現得知，縱使港隊已加入不少入籍兵助陣，但踢起上嚟同西亞球隊仍然有一段距離。
1)球賽速率
香港球員上到亞洲舞台有種通病，就係跟唔上對方球員嘅節奏。喺港超，技術較好嘅球員通常可以喺中場慢慢搓，組織攻勢，老實講亦都唔係好多港超球隊崇尚壓迫性踢法，因為香港球員體能仍然比較參差，體力上唔能夠負荷全場緊迫性踢法，所以喺港超，進攻球員通常都可能控住個波數三至四秒先可能有人撲上去對波。但去到亞洲賽對住體力充沛、平日習慣高壓迫踢法嘅西亞球員，你控球在腳嘅決定必須做得極快，如果唔係一拍就失，所以港隊球員呢兩場都做唔到啲咩有效攻勢出嚟，因為球員根本就唔慣對手埋身埋得咁快，控球都唔穩定又點樣製造入波機會呢？
2)入籍兵嘅身體對抗性
華人天生個身體質素就不及外國人，呢一點係與生俱來嘅基因優點，係無得挽回，所以入籍兵就補足呢方面嘅差距，希望「師夷之長技以制夷」，拉近港隊與亞洲球隊嘅距離。早在1117港中大戰，入籍兵就已經充份顯示佢哋喺身體對抗性上嘅優勢，當時辛祖、保連奴以其強壯身軀，成功為中國隊嘅防線帶嚟重大威脅；而之後東亞盃外圍賽艾力士嘅亮麗表現，其實都係用其速度優勢去撕破對方防線。對住東亞球隊尚且可以用呢個方法去贏波，但西亞球員體格上同港隊入籍兵差無幾，甚至有啲更勝於港隊球員，加上紮實嘅基本功，可見而家單靠入籍兵個人質素嘅港隊仍然無法戰勝西亞球隊。
1117陣容：保連奴及辛祖該場於前線表現甚佳
3)戰術運用
睇番對黎巴嫩嘅出場陣容，羅拔圖出任左閘、積施利出任右翼，兩者都唔係打緊最佳嘅位置，雖說佢哋兩個當日嘅表現唔算失禮，但金判坤嘅戰術未能發揮球員最大嘅功能卻係不爭嘅事實。Kim Sir喜愛羅拔圖由中堅移任左閘、積施利由右閘移任防守中場或者右翼、辛祖由中鋒移任進攻中場，雖然話呢三者係權宜之計，但球員打出嚟嘅效果同佢哋喺球會嘅最佳表現又的確係有一段距離。究竟應該遷就球員最佳位置去調整球隊踢法，抑或堅持一貫球隊踢法，將球員置於佢哋不太擅長嘅位置，邊樣先啱？我諗而家嘅港隊係傾向後者，希望喺原有433框架之下，繼續尋求最大嘅贏波空間，但呢個選擇又係咪適合球隊長遠利益呢？
對黎巴嫩正選陣容：葉鴻輝、李志豪、艾里奧、法圖斯、羅拔圖、積施利、梁振邦、黃洋、李康廉、麥基、辛祖
踩咗幾腳，都係時候提出下筆者嘅睇法啦。
要務一：放低身段
日本身材矮小，但基本功紮實，利用小組滲入製造入球機會；南韓體力充沛，高壓迫踢法輔以兩翼傳中爭取入球。呢兩隊東亞強隊畀咗一個好好嘅模範畀亞洲球員，就係踢波唔一定靠體格，食腦同靠鬥志都一樣可以贏波。但港隊多咗入籍兵之後好似就當咗自己戰力提升咗好多咁，輕視對手，熱血防守已經唔再復見，搞到而家兩頭唔到岸，壓迫踢法又唔係，搶攻又無本錢，細膩小組喺球員缺乏基本功之下更加唔使講可以做得到。
而家嘅港隊我相信最大可能性就係回復熱血防守，好好把握死球機會，爭取爆冷，呢個係客觀現實。東方同傑志喺亞冠盃嘅表現，其實都顯示咗而家嘅香港球隊要能夠喺亞洲舞台爭一日之長短，就要好好利用死球、同埋硬淨嘅防守，只要球員肯放低身段，承認客觀現實，我相信港隊係有能力喺亞洲舞台立足嘅。
要務二：善用年青球員嘅活力
入籍兵的確有用，但年青球員帶嚟嘅活力亦都唔可以忽視。陳俊樂上場對黎巴嫩表現不俗，成功注入不少活力，相信可以為港隊帶嚟新元素。雖則而家年青球員之中好似得佢一個可以見到大場面，但入籍兵黃金時期好短，過多幾年都係要有新星湧現接班。希望港隊可以約多啲友誼賽，俾年青球員喺友賽見多啲世面，到啱時候咪可以一用，好過而家為揀而揀，顧得輿論又輸成績吖。
入選22人大軍名單嘅年青球員：黃梓浩、梁諾恆、李毅凱、陳俊樂
亡羊補牢，未為晚也。而家先過得一場外圍賽，唔係絕路嚟。希望港隊能重整旗鼓，不斷進步，晉身2019年亞洲盃嘅希望係仲有嘅。加油港隊！
圖片來源：
http://i.imgur.com/7U0ixaj.jpg
https://images-sports.now.com/sport/news/1/271/17649605271/17657809255_600x400.jpg
https://cdn.hk01.com/media/images/476817/xlarge/0cb273c52eba309c224fc92ea71760f0.jpg
http://m.e-zone.com.hk/thumbs/734x420/1/channelnews/20160830231324.jpg
https://na.cx/i/00qaqgN.jpg
http://www.hongkongsport.org/wp-content/plugins/wp-o-matic/cache/078e8d0d0d_ASIANCUP19-HONGKONG-Lebanon-290317-5.jpg
上次傾過年青球員，今次不如就檢討一下港隊上星期遠征西亞嘅表現啦。
講番成績，首先港隊作客約旦以0：4落敗，之後亞洲盃外圍賽作客黎巴嫩則以0：2落敗。從結果同表現得知，縱使港隊已加入不少入籍兵助陣，但踢起上嚟同西亞球隊仍然有一段距離。
1)球賽速率
香港球員上到亞洲舞台有種通病，就係跟唔上對方球員嘅節奏。喺港超，技術較好嘅球員通常可以喺中場慢慢搓，組織攻勢，老實講亦都唔係好多港超球隊崇尚壓迫性踢法，因為香港球員體能仍然比較參差，體力上唔能夠負荷全場緊迫性踢法，所以喺港超，進攻球員通常都可能控住個波數三至四秒先可能有人撲上去對波。但去到亞洲賽對住體力充沛、平日習慣高壓迫踢法嘅西亞球員，你控球在腳嘅決定必須做得極快，如果唔係一拍就失，所以港隊球員呢兩場都做唔到啲咩有效攻勢出嚟，因為球員根本就唔慣對手埋身埋得咁快，控球都唔穩定又點樣製造入波機會呢？
2)入籍兵嘅身體對抗性
華人天生個身體質素就不及外國人，呢一點係與生俱來嘅基因優點，係無得挽回，所以入籍兵就補足呢方面嘅差距，希望「師夷之長技以制夷」，拉近港隊與亞洲球隊嘅距離。早在1117港中大戰，入籍兵就已經充份顯示佢哋喺身體對抗性上嘅優勢，當時辛祖、保連奴以其強壯身軀，成功為中國隊嘅防線帶嚟重大威脅；而之後東亞盃外圍賽艾力士嘅亮麗表現，其實都係用其速度優勢去撕破對方防線。對住東亞球隊尚且可以用呢個方法去贏波，但西亞球員體格上同港隊入籍兵差無幾，甚至有啲更勝於港隊球員，加上紮實嘅基本功，可見而家單靠入籍兵個人質素嘅港隊仍然無法戰勝西亞球隊。
1117陣容：保連奴及辛祖該場於前線表現甚佳
3)戰術運用
睇番對黎巴嫩嘅出場陣容，羅拔圖出任左閘、積施利出任右翼，兩者都唔係打緊最佳嘅位置，雖說佢哋兩個當日嘅表現唔算失禮，但金判坤嘅戰術未能發揮球員最大嘅功能卻係不爭嘅事實。Kim Sir喜愛羅拔圖由中堅移任左閘、積施利由右閘移任防守中場或者右翼、辛祖由中鋒移任進攻中場，雖然話呢三者係權宜之計，但球員打出嚟嘅效果同佢哋喺球會嘅最佳表現又的確係有一段距離。究竟應該遷就球員最佳位置去調整球隊踢法，抑或堅持一貫球隊踢法，將球員置於佢哋不太擅長嘅位置，邊樣先啱？我諗而家嘅港隊係傾向後者，希望喺原有433框架之下，繼續尋求最大嘅贏波空間，但呢個選擇又係咪適合球隊長遠利益呢？
對黎巴嫩正選陣容：葉鴻輝、李志豪、艾里奧、法圖斯、羅拔圖、積施利、梁振邦、黃洋、李康廉、麥基、辛祖
踩咗幾腳，都係時候提出下筆者嘅睇法啦。
要務一：放低身段
日本身材矮小，但基本功紮實，利用小組滲入製造入球機會；南韓體力充沛，高壓迫踢法輔以兩翼傳中爭取入球。呢兩隊東亞強隊畀咗一個好好嘅模範畀亞洲球員，就係踢波唔一定靠體格，食腦同靠鬥志都一樣可以贏波。但港隊多咗入籍兵之後好似就當咗自己戰力提升咗好多咁，輕視對手，熱血防守已經唔再復見，搞到而家兩頭唔到岸，壓迫踢法又唔係，搶攻又無本錢，細膩小組喺球員缺乏基本功之下更加唔使講可以做得到。
而家嘅港隊我相信最大可能性就係回復熱血防守，好好把握死球機會，爭取爆冷，呢個係客觀現實。東方同傑志喺亞冠盃嘅表現，其實都顯示咗而家嘅香港球隊要能夠喺亞洲舞台爭一日之長短，就要好好利用死球、同埋硬淨嘅防守，只要球員肯放低身段，承認客觀現實，我相信港隊係有能力喺亞洲舞台立足嘅。
要務二：善用年青球員嘅活力
入籍兵的確有用，但年青球員帶嚟嘅活力亦都唔可以忽視。陳俊樂上場對黎巴嫩表現不俗，成功注入不少活力，相信可以為港隊帶嚟新元素。雖則而家年青球員之中好似得佢一個可以見到大場面，但入籍兵黃金時期好短，過多幾年都係要有新星湧現接班。希望港隊可以約多啲友誼賽，俾年青球員喺友賽見多啲世面，到啱時候咪可以一用，好過而家為揀而揀，顧得輿論又輸成績吖。
入選22人大軍名單嘅年青球員：黃梓浩、梁諾恆、李毅凱、陳俊樂
亡羊補牢，未為晚也。而家先過得一場外圍賽，唔係絕路嚟。希望港隊能重整旗鼓，不斷進步，晉身2019年亞洲盃嘅希望係仲有嘅。加油港隊！
圖片來源：
http://i.imgur.com/7U0ixaj.jpg
https://images-sports.now.com/sport/news/1/271/17649605271/17657809255_600x400.jpg
https://cdn.hk01.com/media/images/476817/xlarge/0cb273c52eba309c224fc92ea71760f0.jpg
http://m.e-zone.com.hk/thumbs/734x420/1/channelnews/20160830231324.jpg
https://na.cx/i/00qaqgN.jpg
http://www.hongkongsport.org/wp-content/plugins/wp-o-matic/cache/078e8d0d0d_ASIANCUP19-HONGKONG-Lebanon-290317-5.jpg