季尾大檢閱 – 我要真。最佳陣容
聽日就係決戰之日，好快就會誕生新一屆嘅港超皇者。煞科臨近，除咗冠軍誰屬，球迷有份投票嘅最佳十一人亦都成為各界焦點。上次筆者就曾經「獻醜」，介紹咗今屆港超表現較為出色嘅年青球員，今次筆者就以自己嘅角度判斷，利用球員今屆表現作評核，選出心水十一人最佳陣容，歡迎大家一齊討論一下。
門將：謝德謙 (冠忠南區)
南區今年賽程安排唔太理想，頭幾場都係對勁旅，所以表現未如理想。但去到季中開始上力，謝德謙亦開始回復神勇表現，更加創下超過800分鐘不失球紀錄，協助南區由頭幾輪包尾嘅位置，一直爬升至今日第三，極大機會晉身季後附加賽，競逐亞冠盃外圍賽參賽資格。
雖然現實中葉鴻輝知名度最高，頭戴港隊隊長光環，好可能到最後都係葉鴻輝勝出，但單論今季表現嚟講其實謝德謙亦唔輸蝕，甚至筆者覺得佢喺港超嘅表現更勝葉鴻輝。故此，筆者喺門將位置上選擇咗謝德謙。
後衛：曾錦濤 (東方龍獅)
曾錦濤去到今年已經係東方不可或缺嘅一位後防主力，季初擔任左閘，季中則因應黃梓浩歸隊，而「回歸」擔任右閘，但無論打左閘定右閘，佢喺本地賽都得心應手，甚至恩師李健和都為佢未能入選港隊備戰亞洲盃外圍賽而抱不平。而去到亞洲舞台，雖然東方每場亞冠盃都係踢下風波，但曾錦濤係陣中少數有足夠體力同技術立足亞洲舞台嘅香港球員。咁多年嚟曾錦濤都缺乏大家注意，希望佢呢一兩年嘅表現可以為佢贏番一啲認同啦。
後衛：金奉珍 (傑志)
季初傑志組軍時亦曾經坦言金奉珍好大機會唔會入選亞冠盃陣容，有機會只係本地賽嘅「專員」，但佢好成功地用表現說服咗傑志同球迷，縱使季中加入南韓前國腳金東進，佢仍然成功入選亞冠盃陣容，仲差啲憑佢嘅入波協助傑志擊敗蔚山現代。去番港超，傑志今年343核心陣容中金奉珍出勤率甚高，失波極少，金奉珍嘅功勞亦不可抹殺。
後衛：米曹 (東方龍獅)
筆者掙扎咗一段時間，究竟呢個位置我揀金東進好，定係米曹好呢？兩個球員都係咁出色，但金東進受傷咗一段時間，米曹就喺亞冠盃分組賽為東方披甲上陣，所以筆者最終心水十一人陣容之中選擇咗米曹。
東方今年後防中堅以米曹搭檔羅拔圖，季初米曹都發揮唔錯，起碼就係對得住佢亞援嘅身份啦。去到季尾拍檔羅拔圖都開始有啲甩漏，多咗好多失波，但米曹喺亞冠盃嘅表現就贏得筆者嘅認同。喺三場主場嘅亞冠盃賽事，米曹都顯示咗佢喺後防嘅穩定性。可能對比起亞冠最高水平米曹仲有一段距離，但米曹今季對東方嘅貢獻又的確係毋庸置疑嘅。
中場：勞高 (東方龍獅)
先旨聲明，勞高係無入選到最佳陣容候選名單嘅，但筆者覺得如果東方今年喺港超係無勞高嘅話，可能已經失去咗爭逐冠軍嘅機會。羅拔圖喺今年亞冠盃仍然被當做外援，令到基奧雲尼、勞高、美路史拿域成為「本地賽專員」，其中基奧雲尼同勞高成功幫助東方喺本地賽保持佳績，射入唔少重要嘅入球。所以筆者覺得我係要畀番一個credit畀勞高嘅。
中場：華杜斯 (傑志)
筆者99%肯定華杜斯係而家港超最強嘅球員之一，佢加盟傑志之後成條中場線穩陣到不得了，每場睇落佢都好似唔係跑得好多，但佢嘅攔截、遮位、傳送係歐洲級嘅表現。好可惜傑志喺亞冠盃附加賽對蔚山現代功敗垂成，無法見證華杜斯面對更強對手。筆者之前有同華杜斯略略傾過計，知道佢其實都幾鍾意香港嘅生活，更加學識用廣東話同球迷打招呼，留隊與否就睇未來事態發展。希望華杜斯可以留隊啦，相信有咁高質而專業嘅外援留效傑志，無論對於傑志球迷、抑或香港球迷都係一件好事。
中場：伊達 (和富大埔)
伊達回歸香港加盟大埔，成功將大埔成隊波提升咗一個層次，作為中場核心伊達仍然寶刀未老，令到大埔由上半季「攻不銳守不穩」，去到下半季利用伊達激活陳俊樂、黃威同盧卡斯，繼而成功奪取菁英盃，可見佢對大埔有幾重要。嚟緊伊達都應該會繼續留隊幫助大埔一眾香港球員成長，大家可以繼續期待。
中場：費蘭度 (傑志)
費蘭度呢一兩年喺傑志已經奠定咗佢必然正選嘅位置，無論以往433擔任左右兩翼位置，抑或係今年343左中場嘅位置，費蘭度都展現咗佢能攻擅射嘅能力。除咗華杜斯之外，筆者覺得費蘭度會係另一個穩入真正最佳十一人嘅球員，而最後能否問鼎足球先生，就睇傑志最後能否成功登上聯賽冠軍寶座啦。
前鋒：高美斯 (南華)
係今年乏善可陳嘅南華會陣中，唯一踢得好嘅就係得高美斯。季初高美斯「單天保至尊」，不斷拯救南華，好多球迷都會笑南華係「高美斯朋友隊」，實在佢喺季初亞協盃同港超真係入球停不了。縱使踏入2017年高美斯開始減產，但佢帶俾對手嘅壓力無減，全場跑動壓迫、對於足球嘅熱情，高美斯絕對稱得上係南華近幾年最佳嘅外援。
前鋒：洛迪古斯 (東方龍獅)
洛迪古斯把握力頗高，長期位列神射手前列位置，對東方貢獻良多。而去到亞冠盃，洛迪古斯係唯一一個能夠幫東方入波嘅球員，縱然嗰個只係十二碼，但搏到十二碼嘅功勞都係要歸功於佢吖。
前鋒：辛祖 (傑志)
筆者除咗米曹同金東進要諗之外，辛祖定基奧雲尼係我第二個要苦惱嘅位置，因為基奧雲尼喺本地賽真係寶刀未老，但辛祖去到季尾專注本地賽火力全開嘅表現又唔錯……最後筆者都係揀辛祖放棄基奧雲尼，當然最客觀指標係睇入球數字，的確辛祖入波多過基奧雲尼；但另一個主要觀點係辛祖喺傑志經歷季初兩度引入外援前鋒馬高斯同梅斯達菲，但佢仍然能夠站穩陣腳成為必然正選，對比起基奧雲尼大多時候喺本地賽輪換洛迪古斯，辛祖對於球會嘅重要性高啲，所以筆者做咗呢個選擇。
筆者覺得今季最佳十一人都幾難揀下，筆者就已經掙扎咗兩次，不過呢個亦都代表咗今屆港超聯有好多有好表現嘅球員吖。寄望未來最佳十一人會愈嚟愈多幸福嘅煩惱，咁樣香港足球就有福啦~
至於未投票嘅朋友，珍惜你手上嘅一票，快啲去足總網站投票，表達你對香港足球嘅支持啦~
投票網址：https://www.hkfa.com/vote
球員圖片來源：
https://cdn.hk01.com/media/images/463632/xlarge/b73d27bf83a18462bfbaee085b55ac16.jpg
http://static.stheadline.com/stheadline/news_res/2017/03/15/79752/i_367x255_090022207.jpghttps://www.hkfa.com/var/images/player/20162017/Kitchee/90_Kim_Bongjin_kitchee.jpg
http://football.easternlonglions.com/uploads/2017/02/071006136648.jpg
http://football.easternlonglions.com/uploads/2017/02/071135354677.jpg
https://cdn.thestandnews.com/media/photos/cache/sports2_Qg1j5_1200x0.PNG
http://www.hkfa.com/var/images/player/1617/PL_update/manoel_pegasus.jpg
https://hkfa.com/var/images/player/20142015/20152016/KItchee/7.png
https://www.hkfa.com/var/images/player/20162017/SCAA/9.jpg
http://www.eastern-sportsclub.com/files/original/1478491182581ffc2e7ab30.JPG
http://www.kitchee.com/admin/new/531/header_image/14899834658433694.jpg
封面圖片來源：
http://i2.wp.com/sportsroad.hk/wp-content/uploads/2017/04/FOOTBALL_VOTE_190417_005-1.jpg?fit=800%2C533
門將：謝德謙 (冠忠南區)
南區今年賽程安排唔太理想，頭幾場都係對勁旅，所以表現未如理想。但去到季中開始上力，謝德謙亦開始回復神勇表現，更加創下超過800分鐘不失球紀錄，協助南區由頭幾輪包尾嘅位置，一直爬升至今日第三，極大機會晉身季後附加賽，競逐亞冠盃外圍賽參賽資格。
雖然現實中葉鴻輝知名度最高，頭戴港隊隊長光環，好可能到最後都係葉鴻輝勝出，但單論今季表現嚟講其實謝德謙亦唔輸蝕，甚至筆者覺得佢喺港超嘅表現更勝葉鴻輝。故此，筆者喺門將位置上選擇咗謝德謙。
後衛：曾錦濤 (東方龍獅)
曾錦濤去到今年已經係東方不可或缺嘅一位後防主力，季初擔任左閘，季中則因應黃梓浩歸隊，而「回歸」擔任右閘，但無論打左閘定右閘，佢喺本地賽都得心應手，甚至恩師李健和都為佢未能入選港隊備戰亞洲盃外圍賽而抱不平。而去到亞洲舞台，雖然東方每場亞冠盃都係踢下風波，但曾錦濤係陣中少數有足夠體力同技術立足亞洲舞台嘅香港球員。咁多年嚟曾錦濤都缺乏大家注意，希望佢呢一兩年嘅表現可以為佢贏番一啲認同啦。
後衛：金奉珍 (傑志)
季初傑志組軍時亦曾經坦言金奉珍好大機會唔會入選亞冠盃陣容，有機會只係本地賽嘅「專員」，但佢好成功地用表現說服咗傑志同球迷，縱使季中加入南韓前國腳金東進，佢仍然成功入選亞冠盃陣容，仲差啲憑佢嘅入波協助傑志擊敗蔚山現代。去番港超，傑志今年343核心陣容中金奉珍出勤率甚高，失波極少，金奉珍嘅功勞亦不可抹殺。
後衛：米曹 (東方龍獅)
筆者掙扎咗一段時間，究竟呢個位置我揀金東進好，定係米曹好呢？兩個球員都係咁出色，但金東進受傷咗一段時間，米曹就喺亞冠盃分組賽為東方披甲上陣，所以筆者最終心水十一人陣容之中選擇咗米曹。
東方今年後防中堅以米曹搭檔羅拔圖，季初米曹都發揮唔錯，起碼就係對得住佢亞援嘅身份啦。去到季尾拍檔羅拔圖都開始有啲甩漏，多咗好多失波，但米曹喺亞冠盃嘅表現就贏得筆者嘅認同。喺三場主場嘅亞冠盃賽事，米曹都顯示咗佢喺後防嘅穩定性。可能對比起亞冠最高水平米曹仲有一段距離，但米曹今季對東方嘅貢獻又的確係毋庸置疑嘅。
中場：勞高 (東方龍獅)
先旨聲明，勞高係無入選到最佳陣容候選名單嘅，但筆者覺得如果東方今年喺港超係無勞高嘅話，可能已經失去咗爭逐冠軍嘅機會。羅拔圖喺今年亞冠盃仍然被當做外援，令到基奧雲尼、勞高、美路史拿域成為「本地賽專員」，其中基奧雲尼同勞高成功幫助東方喺本地賽保持佳績，射入唔少重要嘅入球。所以筆者覺得我係要畀番一個credit畀勞高嘅。
中場：華杜斯 (傑志)
筆者99%肯定華杜斯係而家港超最強嘅球員之一，佢加盟傑志之後成條中場線穩陣到不得了，每場睇落佢都好似唔係跑得好多，但佢嘅攔截、遮位、傳送係歐洲級嘅表現。好可惜傑志喺亞冠盃附加賽對蔚山現代功敗垂成，無法見證華杜斯面對更強對手。筆者之前有同華杜斯略略傾過計，知道佢其實都幾鍾意香港嘅生活，更加學識用廣東話同球迷打招呼，留隊與否就睇未來事態發展。希望華杜斯可以留隊啦，相信有咁高質而專業嘅外援留效傑志，無論對於傑志球迷、抑或香港球迷都係一件好事。
中場：伊達 (和富大埔)
伊達回歸香港加盟大埔，成功將大埔成隊波提升咗一個層次，作為中場核心伊達仍然寶刀未老，令到大埔由上半季「攻不銳守不穩」，去到下半季利用伊達激活陳俊樂、黃威同盧卡斯，繼而成功奪取菁英盃，可見佢對大埔有幾重要。嚟緊伊達都應該會繼續留隊幫助大埔一眾香港球員成長，大家可以繼續期待。
中場：費蘭度 (傑志)
費蘭度呢一兩年喺傑志已經奠定咗佢必然正選嘅位置，無論以往433擔任左右兩翼位置，抑或係今年343左中場嘅位置，費蘭度都展現咗佢能攻擅射嘅能力。除咗華杜斯之外，筆者覺得費蘭度會係另一個穩入真正最佳十一人嘅球員，而最後能否問鼎足球先生，就睇傑志最後能否成功登上聯賽冠軍寶座啦。
前鋒：高美斯 (南華)
係今年乏善可陳嘅南華會陣中，唯一踢得好嘅就係得高美斯。季初高美斯「單天保至尊」，不斷拯救南華，好多球迷都會笑南華係「高美斯朋友隊」，實在佢喺季初亞協盃同港超真係入球停不了。縱使踏入2017年高美斯開始減產，但佢帶俾對手嘅壓力無減，全場跑動壓迫、對於足球嘅熱情，高美斯絕對稱得上係南華近幾年最佳嘅外援。
前鋒：洛迪古斯 (東方龍獅)
洛迪古斯把握力頗高，長期位列神射手前列位置，對東方貢獻良多。而去到亞冠盃，洛迪古斯係唯一一個能夠幫東方入波嘅球員，縱然嗰個只係十二碼，但搏到十二碼嘅功勞都係要歸功於佢吖。
前鋒：辛祖 (傑志)
筆者除咗米曹同金東進要諗之外，辛祖定基奧雲尼係我第二個要苦惱嘅位置，因為基奧雲尼喺本地賽真係寶刀未老，但辛祖去到季尾專注本地賽火力全開嘅表現又唔錯……最後筆者都係揀辛祖放棄基奧雲尼，當然最客觀指標係睇入球數字，的確辛祖入波多過基奧雲尼；但另一個主要觀點係辛祖喺傑志經歷季初兩度引入外援前鋒馬高斯同梅斯達菲，但佢仍然能夠站穩陣腳成為必然正選，對比起基奧雲尼大多時候喺本地賽輪換洛迪古斯，辛祖對於球會嘅重要性高啲，所以筆者做咗呢個選擇。
筆者覺得今季最佳十一人都幾難揀下，筆者就已經掙扎咗兩次，不過呢個亦都代表咗今屆港超聯有好多有好表現嘅球員吖。寄望未來最佳十一人會愈嚟愈多幸福嘅煩惱，咁樣香港足球就有福啦~
至於未投票嘅朋友，珍惜你手上嘅一票，快啲去足總網站投票，表達你對香港足球嘅支持啦~
投票網址：https://www.hkfa.com/vote
球員圖片來源：
https://cdn.hk01.com/media/images/463632/xlarge/b73d27bf83a18462bfbaee085b55ac16.jpg
http://static.stheadline.com/stheadline/news_res/2017/03/15/79752/i_367x255_090022207.jpghttps://www.hkfa.com/var/images/player/20162017/Kitchee/90_Kim_Bongjin_kitchee.jpg
http://football.easternlonglions.com/uploads/2017/02/071006136648.jpg
http://football.easternlonglions.com/uploads/2017/02/071135354677.jpg
https://cdn.thestandnews.com/media/photos/cache/sports2_Qg1j5_1200x0.PNG
http://www.hkfa.com/var/images/player/1617/PL_update/manoel_pegasus.jpg
https://hkfa.com/var/images/player/20142015/20152016/KItchee/7.png
https://www.hkfa.com/var/images/player/20162017/SCAA/9.jpg
http://www.eastern-sportsclub.com/files/original/1478491182581ffc2e7ab30.JPG
http://www.kitchee.com/admin/new/531/header_image/14899834658433694.jpg
封面圖片來源：
http://i2.wp.com/sportsroad.hk/wp-content/uploads/2017/04/FOOTBALL_VOTE_190417_005-1.jpg?fit=800%2C533