【叱吒 2016年 我最喜愛的歌曲 20強】

又到一年一度叱吒，
睇下今年有咩"付fit"（排名不分先後）


「女神 - 鄭欣宜 」
肥係咪原罪我唔知但聲底厚音域闊夠食力係無可否認，
試下用喇叭聽佢d歌係夜媽媽個時包你震醒哂全屋，
btw 唱歌ed野聽聲架者唔洗開眼既。


「百姓 - 吳業坤」俾高登仔反到變紅，上年連掃三獎今年唔知咩玩法，
唱香港人唱本土唱基層市民，
唯獨個MV後尾多謝老闆有d失色。


「四季 - 陳奕迅 」
吹神，咩退步聲沙老婆提款機etc是但由佢，
剩係想知幾時再開演唱會？


「同一 - Supper Moment 」
點解唔係<風箏>！點解唔係<風箏>！點解唔係<風箏>！
重要既事要講三次，聽到眼濕濕架大佬，
我知，band sound係玩熱血架嘛應該，
我知，<風箏>大路野d，mk d 呀嘛，我知架wo。


「炮火 - 鄭俊弘」
CCTVB 慢性入侵已經係街知巷聞既一件事，
唔係話佢唱得唔好聽但選首好少少既得唔得先，
又或者俾下d機會少眾得唔得先，
演而優則唱已經係大勢所趨既事係“樂壇“來說。


「羅賓 - 張敬軒 」
點解唔係<不同班同學>？我都唔知點解等人話我知thx。
形象正面，十大有掛。



「山林道 - 謝安琪」
急流引退 十分支持，臨走整番首時代曲亦屬正常，
以前<囍帖街> 帶紅左個一帶，今日 山林道 話你知，
個度有好多好好食既餐廳同小店值得一試。


「剛剛好 - 楊千嬅 」
聽聞係E神作俾佢唱番佢地之前段關係，
岩哂俾自己既紅顏or男顏知己聽，
又或者俾你追唔到既佢or 佢追唔到你既佢聽都得，
加埋林夕，好難會唔入耳。



「卜卜卜 - 小塵埃 」
近年“樂壇“最突出既女聲都不為過，中文得英文又得，
曲風新穎詞又唔係大路野，又係一個由小室內跳上大舞臺既鼓舞人例子，
令我諗起另一清泉My little airport 。


「我的志願 - 許廷鏗 」
許廷堅，高音甜中音準低音勁（好似係），
佢唱得既歌未必其他人唱得好聽，
黑馬之一但未必入到頭五個人認為。


「獨一無二 - GinLee / AGA 」
竟然無<雙雙>，又竟然無<孤雛>，
係咪合左體就會增加勝算？
兩人對比我會中意AGA 多d，
佢既歌你聽完會有種好想重播既感覺。


「矛盾一生 - 王灝兒 」
事後先發現原來首歌係唱緊佢自己，
一入副歌無人唔識唱哂成首咁滯，
姑勿論你buy唔buy佢平時講野把聲定佢既愛情私生活，
起碼陳詠謙既詞幫佢賺左唔少女fans 先。


「有人共鳴 - 林奕匡 」
一貫愛情小品風格，當年<高山低谷>唱到天水圍到中環無人唔識，
今日再殺你暖男小情歌，除左靚仔外實力有，
起碼聽完佢d歌個人會放鬆下同會諗起自己女朋友（如果你有的話）。


「親愛的黑色 - 何韻詩」
本土派既歌手，深得後生仔女，真 香港人既支持，
欣賞佢既決心，堅持同毅力。
今時今日做歌唔係為左搵錢無乜邊個歌手可以做到，起碼佢唱出過我們既心聲。


「專業失戀30年 - C AllStar 」
無需多講既有實力組合，亦係香港“樂壇“少見既形式，
由街頭走到台上，有幾努力眾人心中有數。


「無人知道雙子座 - 容祖兒 」
貴為天后級人馬出產唔洗多，搭Y-文詞 除左講中雙子座外基本上換上任何星座都ok，只要你係信星座同埋係女仔。


「經過一些秋與冬 - Dear Jane 」
三部曲之完，其實三首歌分早午晚咁聽係最 perfect ，
除捧紅左女主角外亦都好成功make 到noice，有一貫曲風亦都有故事既行承轉合，
起碼令一眾係情場失意既苦主有共鳴。


「沒有你我甚麼都不是 - 陳柏宇」
記得有人話過聽陳柏宇唱live會好炆，因為佢唱live唱到同聽CD一模一樣，
無錯，小弟都覺當今“樂壇“ 除軒神同E神外佢唱live都算係咁。
好平淡平穩既詞岩d拍左幾年拖既情侶btw 我好中意 <別來無恙>。


「你是你本身的傳奇 - 方皓玟 」
小弟是熱烈支持小明的，我覺得佢算係懷才不遇個種，
把聲又沉又穩，攪咁耐先依2年彈番起，
而且佢d舊歌好聽過d新歌 e.g. <大同>，<唵嘛呢叭咪吽> 。


「CHILDREN SONG - 周國賢」
以為無<今生不回家> 就無佢，點知原來入左依首，
有d失望不過遲到好過無到，好老豆好高好型，
係lo 黑馬份子之一咁。