施丹不再神奇? 回歸21場僅8勝仗

今季西甲三雄於轉會窗都有重大改變，大家都預期今季皇馬、巴塞、馬體會三支勁旅會有一番激鬥。不過三輪過後，目前只有馬體會發揮超水準，兩支宿敵皇馬、巴塞都於聯賽一再失分，而銀河艦隊連續兩場失分後更令人擔心會如上季般重蹈覆徹。
皇馬上季自施丹及C朗拿度離隊後成績一落千丈，季內更多次換帥。雖然於季尾成功邀請施丹重返救駕，但於季尾無慾無求下施丹多次試陣亦未見有太大起息。

自施丹回歸後，皇馬連同熱身賽至今共有21場比賽，當中只能取得8勝6平7負，攻入36球，失了35球，對一支頂級豪門絕對係不合格嘅成績表。值得一提嘅係，21場比賽中銀河艦隊只有5場可保清白之身，而門將古圖奧斯早前亦打破個人連續失球記錄，可見呢支西甲豪門嘅防守問題極為嚴重。

皇馬於今夏轉會窗大手重建，分別重金買入夏薩特、祖域、文迪、洛迪高等等高價球員，可惜多次新購入球星目前看似仍未融入球隊，未能發揮全部實力，令施丹壓力百上加斤。

當中最受注目嘅夏薩特於熱身賽發揮一般，其過重體重反而成呢位世界級新援最受人注視嘅地方，該比利時球星更不幸於開鑼前受傷，未能立即為球隊作出貢獻。
除夏薩特外，文迪上場正選登場表現亦算不俗。而祖域雖然未有入球，但於球場上嘅串連亦得到皇迷認可，兩位算為現時重建工程中最為對辦嘅球員。

經過三輪比賽後，皇馬現時只得五分，幸好巴塞亦出閘脫腳只有四分，但仍與馬體會相差四分。銀河艦隊傷兵滿營，現時最可信嘅反而係多次被施丹表明希望賣走嘅巴爾，否則情況分分鍾比巴塞更差，認真諷刺。

若情況持續，以皇馬球會風格施丹隨時都會帥位不保。早前就有報導指摩連奴已為皇馬主帥做好準備，待施丹被辭退就會馬上上任。

本欄Facebook 專頁：https://www.facebook.com/hkomme/
本欄網址: http://hommehk.com/