消失又回來：綠寶橙汁
Follow「香港食史」，搶先睇更多好野：https://www.facebook.com/hongkongeatshit/
1950年前，牛奶公司已在香港生產「綠寶橙汁」，但香港荳品有限公司（維他奶前身）在1950年成功奪得代理權。當年，廣告賣點係「不含汽，鮮橙汁」，每支一角五仙。綠寶真係鮮橙汁？如果呢則廣告放去今日，應該違反商品說明條例。1957年代理結束後，淘化大同（淘大食品前身）接手。去到90年代，淘大又將代理權賣給永南食品——本業生產公仔麵那家呢。去到2000年後，綠寶逐漸消失在香港市場。
六七十年代出世的小朋友，一定記得1974年綠寶橙汁的廣告。當時佢地背景係半島酒店，話你知入酒店，飲綠寶，人生一樂事也。仲有侍應斟埋畀你，有face又有class。呢個廣告有幾經典？2008年，半島酒店八十周年，舉辦懷舊傳統下午茶舞會，特別由泰國入口2400支樽裝綠寶橙汁，供賓客暢飲。根據傳媒報導，賓客之一的歐陽應霽表示當年廣告入面的小男孩，原來「係拍攝嗰個廣告導演嘅仔，姓胡，當時只得4、5歲……𠵱家亦係一個廣告導演。」
想飲綠寶有冇方法？早年部分懷舊小店有去泰國入口。而家呢，逐漸多咗香港網店同超市，有樣學樣，從泰國入口綠寶，售價大約5至8蚊一支。想懷念的老朋友，或者未試過的小朋友，不妨去買支試試。（圖片：小編新年期間，都去超市買左一支飲。）
Follow「香港食史」，搶先睇更多好野：https://www.facebook.com/hongkongeatshit/
1950年前，牛奶公司已在香港生產「綠寶橙汁」，但香港荳品有限公司（維他奶前身）在1950年成功奪得代理權。當年，廣告賣點係「不含汽，鮮橙汁」，每支一角五仙。綠寶真係鮮橙汁？如果呢則廣告放去今日，應該違反商品說明條例。1957年代理結束後，淘化大同（淘大食品前身）接手。去到90年代，淘大又將代理權賣給永南食品——本業生產公仔麵那家呢。去到2000年後，綠寶逐漸消失在香港市場。
想飲綠寶有冇方法？早年部分懷舊小店有去泰國入口。而家呢，逐漸多咗香港網店同超市，有樣學樣，從泰國入口綠寶，售價大約5至8蚊一支。想懷念的老朋友，或者未試過的小朋友，不妨去買支試試。（圖片：小編新年期間，都去超市買左一支飲。）
Follow「香港食史」，搶先睇更多好野：https://www.facebook.com/hongkongeatshit/