一首夾硬填詞的廣告歌 - 煤氣

早陣子要協作一段企業短片，會談中有意見希望製作方向好似某電視廣告——

老闆說：「呢……個廣告好似係中電，由日頭到夜的生活，仲有係個肥佬唱廣告歌……個肥佬好似威……係叫威利。」隨即他便跟我和身旁的同事補上一句：「你倆個後生的肯定唔知我講乜啦！」
席間，有比我年輕幾歲和比我年長十幾歲的同事一頭霧水，或唯唯諾諾的說：「我記得我記得係中電呀係中電呀！」那一刻我在想：「幹！三十幾年前的煤氣廣告黎架喎！咁都用黎benchmark？唔係化……」但我沒有吐出口，一來這心聲若化成言語是大不敬；二來或者我真係好戀棧他那「後生」二字，所以選擇扮無知來冒認後生。

其實煤氣係整個八十年代的廣告，都選用了這首〈陽光空氣〉為主題音樂，不過除這個初版由威利主唱外，其餘時間都以純音樂托底。老實說，相比原來版本，威利唱廣告版時表現得幾hea，而且歌詞幾夾硬兼唔啱音，唔知畀李純恩聽番，會唔會話八十年代的廣告音樂已死呢？