「香港小輪」很恐怖

話說，某一夜乘渡海輪，人很多，大家魚貫的湧上船倉，但一艘可載三百多人的小輪，竟然擠了四百人，而且大多塞在下層，不少乘客感到呼吸困難，甚至已經有人暈倒，救命之聲此起彼落。可是仍有大批人拚死也要擠進船倉，於是船上有人驚呼：
「夠啦！咪再上船，再嚟隻船會沉！就嚟有人焗死啦！」

可是碼頭上的人卻說：「我畀左錢，點解唔可以上船！你唔畀我上係唔公道！」然後又繼續湧上船。

下層乘客氣急敗壞，向船員求助，殊不知船員卻一派化境，擺擺手說：「碼頭嗰道閘唔係我地管，嗰日一早被班陀地控制住，所以唔關我地事。」眼見船身一直下沉，遲早攬死是常識，於是「舊乘客」便你一言我一語的喝止「新乘客」繼續上船，場面混亂。

此時上層的乘客看着此亂況，好人1便探頭向下倉的人罵道：「上多一個半個有乜所謂？我地上層都唔係好逼啫！況且他們的確係畀左錢，唔畀佢上船係唔公道！」當然好人1知道，上層閘門早已關上，而下層亦不准走到上層。這是「乘客守則」列明的，大家必須捍衞。
好人2也附和說：「係呀！你地咁樣真係好冇禮貌！我以前搭開呢隻船都唔係咁，同你地同船真係影衰我。」

好人3好人4好人5好人6……也閒坐在長椅上附和，大家相視而笑，彷彿慶幸着船上還有這班正義的同路好人。

就在下層的乘客陷入歇斯底里之際，機房內突然傳來一位船員的聲音：「hihi！隻船開始入水！個引擎直頭着火，安全活門壞埋……」話未畢，已有海水倒貫進下層船倉，人人驚呼像鬼叫，小輪慢慢往水平線下沉，可是岸上人仍湧進來，上層的乘客仍覺得下層人唔知黐左邊條線。

就係生死一線之間，個故事講到呢度，結局如何？大家放長雙眼自己感受吓……