如果香港人唔係咁mean 嘅話，其實Tommy仔一早上咗神枱
Tommy 仔可以話係非常之有獅子山精神嘅香港代表人物，同香港樂壇興衰並濟。由e-kids 三子出道，出過熱門嘅情歌，試過比人話爭人錢冇還，又整個MV向G-Dragon致敬，其實佢係樂壇花費嘅努力同埋承受嘅壓力係我哋一般凡人想像唔到。但係喺大部分人心目中，依然都係擺脫唔到佢地嗰個「會考加埋三個唔過5分」同「老MK」嘅印象。
其實我對於e-kids嘅印象都唔係好深刻，由啱啱出道開始，其實都冇乜留意呢對組合，直至到幾年前喺YouTube聽下歌嗰陣時，見到下面有e-kids N年前嘅MV，click入去一路喺度聽，好多MK時代嘅回憶慢慢咁浮現出嚟，嗰個一杯珍珠奶茶先收得嗰十蚊，無大媽跳老舞嘅旺角回憶。
嗰陣先發覺，其實香港歌真係非常之啱香港人聽。或者而家我哋嘅音樂冇比其他國家或者地方做得更加出色，音樂嘅種類未必太多，但係聽住熟悉嘅廣東話，睇到稍有笨拙嘅舞蹈，點點滴滴香港嘅回憶就會慢慢咁樣重現腦海，油然生出淡淡嘅感動。
但始終冇辦法，如果歌手要紅嘅話，少不免天時地利人和。咁啱香港又過咗90年代迴光返照嘅Golden Age。
係零二年出道嘅 e-kids 有一首又一首熱門嘅MK情歌—《初哥》，《下學期》，《開始戀愛》，《青春火花》，去到15年後嘅《終止戀愛》，一點一滴都係MK回憶。
仲記得以前《初哥》嘅MV其實就係喺韓國拍嘅，嗰陣時韓國仲未發展得好好，係MV入邊見到嘅女仔大多數都係冇整容或者佢係整得唔算太成功。估唔到係拍完MV過左唔夠10年，韓國嘅音樂狂流已經狠狠咁覆蓋亞洲，到而家大家每一次一講起亞洲音樂，大概只會諗起韓國pop music。
有時諗起，當你聽見有啲人話求學不是求分數，但係又會笑人哋會考加埋唔過5分;一邊喺度講撐廣東歌撐香港歌手嗰陣時，見到瓊姐個page喺度笑下明星啲76野又跟住一齊笑嗰陣時，其實香港歌手嘅地位就係咁一點一滴咁俾我地磨滅咗。究竟係咪真係單單大台同四大唱片公司搞到僵令成個香港樂壇步向衰落呢？ 其實坦白講，呢個只不過係一個相對大嘅原因，而另外一邊，就係喺社交媒體嗰度，大家都可以見到香港歌手比其他歌手冇咁大嘅資金同埋支持，香港明星有咩7野就笑埋一份，順便踩埋一腳，心入面諗:老子我幫你推高人氣tim喇！笑下like下有你so呀！袋錢落你袋呀！
好似陳偉霆咁，佢返咗上大陸一陣，就已經做到男一。但係大家只會恥笑佢想當年係英皇新秀嘅舞步，的士佬，再加埋而家做戲面容扭曲到難以理解嘅表情之外，其實有冇細心真正諗過，佢作為一個香港歌手，係其他人嘅地方發光發熱，真係值得我哋尊敬，even你可能覺得人地無品味，but so what？
雖然會有人話:我哋香港人比較理性lor，有品味lor， 唔會任何野都盲從lor excuse me。但係有冇諗過，麻木嘅理性其實都係一種假理性？又有冇諗過，有時一份盲目嘅狂熱先可以造王？
每一次見到吳亦凡出show嗰陣時扮晒型但係得一副冇料扮四條咁嘅樣嗰陣時，我就會諗起我哋香港嘅代表Tommy仔，香港人欠左Tommy 仔一句道歉，sorry for being so mean ah Tommy jai。
其實我對於e-kids嘅印象都唔係好深刻，由啱啱出道開始，其實都冇乜留意呢對組合，直至到幾年前喺YouTube聽下歌嗰陣時，見到下面有e-kids N年前嘅MV，click入去一路喺度聽，好多MK時代嘅回憶慢慢咁浮現出嚟，嗰個一杯珍珠奶茶先收得嗰十蚊，無大媽跳老舞嘅旺角回憶。
嗰陣先發覺，其實香港歌真係非常之啱香港人聽。或者而家我哋嘅音樂冇比其他國家或者地方做得更加出色，音樂嘅種類未必太多，但係聽住熟悉嘅廣東話，睇到稍有笨拙嘅舞蹈，點點滴滴香港嘅回憶就會慢慢咁樣重現腦海，油然生出淡淡嘅感動。
但始終冇辦法，如果歌手要紅嘅話，少不免天時地利人和。咁啱香港又過咗90年代迴光返照嘅Golden Age。
係零二年出道嘅 e-kids 有一首又一首熱門嘅MK情歌—《初哥》，《下學期》，《開始戀愛》，《青春火花》，去到15年後嘅《終止戀愛》，一點一滴都係MK回憶。
仲記得以前《初哥》嘅MV其實就係喺韓國拍嘅，嗰陣時韓國仲未發展得好好，係MV入邊見到嘅女仔大多數都係冇整容或者佢係整得唔算太成功。估唔到係拍完MV過左唔夠10年，韓國嘅音樂狂流已經狠狠咁覆蓋亞洲，到而家大家每一次一講起亞洲音樂，大概只會諗起韓國pop music。
有時諗起，當你聽見有啲人話求學不是求分數，但係又會笑人哋會考加埋唔過5分;一邊喺度講撐廣東歌撐香港歌手嗰陣時，見到瓊姐個page喺度笑下明星啲76野又跟住一齊笑嗰陣時，其實香港歌手嘅地位就係咁一點一滴咁俾我地磨滅咗。究竟係咪真係單單大台同四大唱片公司搞到僵令成個香港樂壇步向衰落呢？ 其實坦白講，呢個只不過係一個相對大嘅原因，而另外一邊，就係喺社交媒體嗰度，大家都可以見到香港歌手比其他歌手冇咁大嘅資金同埋支持，香港明星有咩7野就笑埋一份，順便踩埋一腳，心入面諗:老子我幫你推高人氣tim喇！笑下like下有你so呀！袋錢落你袋呀！
好似陳偉霆咁，佢返咗上大陸一陣，就已經做到男一。但係大家只會恥笑佢想當年係英皇新秀嘅舞步，的士佬，再加埋而家做戲面容扭曲到難以理解嘅表情之外，其實有冇細心真正諗過，佢作為一個香港歌手，係其他人嘅地方發光發熱，真係值得我哋尊敬，even你可能覺得人地無品味，but so what？
雖然會有人話:我哋香港人比較理性lor，有品味lor， 唔會任何野都盲從lor excuse me。但係有冇諗過，麻木嘅理性其實都係一種假理性？又有冇諗過，有時一份盲目嘅狂熱先可以造王？
每一次見到吳亦凡出show嗰陣時扮晒型但係得一副冇料扮四條咁嘅樣嗰陣時，我就會諗起我哋香港嘅代表Tommy仔，香港人欠左Tommy 仔一句道歉，sorry for being so mean ah Tommy jai。