90後聽90's廣東歌 --- (一)許美靜/明知故犯

香港係上世紀八九十年代係亞洲金融中心之外,仲係亞洲音樂中心。

唔同既係,係以前既香港,無而家韓國trainee模式咁係世界各地去發掘新人,然後投入資金去train。

咁想做歌星搵大錢點算?

一個機會,一首好歌去打入香港哩個市場。Simple enough,right?

但香港人不嬲出名咀刁,要真真正正上到位,一定要一首歷久不衰既好歌先得。
今日為大家推介 許美靜 ----- 明知故犯。



話說許美靜想當年一個坡妹,由參加新加坡華裔小姐,到去台灣出道,以一曲《明知故犯》打入廣東歌市場,可謂十分傳奇。

《明知故犯》由林夕大師親自操刀,對比起零零年打後大師飄忽不定既作品水準,《明知故犯》可以話到左騰訊475個位,高到無可再高。筆者尤好以下幾句:
誰也知

夜夜與她那內情

甘心去做你佈景

得到

你的愛情

還要再得到你任性


淒美而實在既歌詞配上許美靜羞澀既咬字,餘韻悠悠。


到2015年有男聲version, 唔計佢拍tvb啲膠劇,聽聲係ok既。