《會照顧你細微小事的人》

唔知大家去BBQ係會用燒烤叉定係用網燒？
而我同班朋友就有個習慣，好多時用叉燒幾條腸就會忍唔住落燒烤網！因為真係等到佛誕先食得！

或者一班人入面總會有一個叫所謂嘅「主廚」，負責攞個鉗係到燒吓、反吓啲嘢食咁，而嗰個人通常都係我！！
.

當燒到接近九成熟，隔離啲朋友就好主動伸個碗出嚟！又或者已經先下手為強，直接自己夾走晒
.

做咩姐你地～
.

係短暫BBQ時間，我已經體會到呢個弱肉強食嘅世界！

女朋友見到我無得食，就主動夾一舊餵我食，同我開心share~
呢個行為仲唔覺意閃一閃隔離啲朋友仔
真係一舉兩得！
.
.

呀！！盲啦！(又一個慘叫)
.

但自從無咗女朋友之後，我連習慣都要改埋，因為隔離嘅朋友係唔會理你死活！

而今次，我又再次做「主廚」角色～
.

我將兩個人嘅份量夾去隔離朋友隻碗

「哇，乜咁益我呀！」

「喂～留番啲我架！」

其實，我係想叫佢幫我hold住先
.

「咪咁hehe啦你，自己有碗又唔用！」

「我隻碗係隻枱到呀，唔想行…」

因為通常BBQ爐隔離都有隻食物枱，但因為好多時懶得行過去攞....

「男人老狗食你口水，傻的嗎？我唔係你女朋友呀！」

「呃…你正契弟，我啲口水都唔識欣賞！」

或者一班朋友就係咁鐘意串嚟串去，大家都慣~~~

最後我都係自己行去攞碗...
.
.

雖然呢個只係一件小事，但從剛才短短幾句對話之中，我發覺真正會照顧我、為我好嘅人，始終都係女朋友！

或者頭先我真係太hehe，又或者我人緣唔太好，始終男人老狗唔會為你咁貼心、咁無所謂去幫你

我發覺有時候，反而係一啲微細嘅生活細節，就好似簡單咁攞張紙巾俾你、主動幫你攞嘢、睇電影你凍主動俾件外套你等等

一啲可能好簡單、好細微嘅事，先更加反映到一個人對你好唔好、真唔真
.
.
你又幫吓我，我又幫吓你，一直一直咁樣走落去

愛情，其實就係咁簡單～
.

但似乎，唔係每個人都做到...就好似我咁

ig:hottofuzai
https://www.instagram.com/hottofuzai/

fb: 熱豆腐仔
https://www.facebook.com/hothottofu/