即使放工已經好攰，仲要再搭長途車出嚟.. 但只要見到面，就算只係一餐飯嘅時間都會覺得好值:)

相信好多情侶出街都會揀星期六日，始終唔洗返工返學，時間長啲又輕鬆啲，重點係可以見足對方一日嘛！但有時又會覺得一星期先見得一次，分開無幾耐又會心掛掛想念對方...所以有時即使平日要返工返學，夜晚都會好想見到佢，就算只係好短時間...

而我同女朋友正正都有呢種想法～
.
.

不過最慘就係我地兩個返工嘅地方又唔小心變咗long D，一個香港島、一個新界，真係遙遠的她…
但既然大家要工作都無辦法，所以我地都直頭改變諗法！！每次都唔介意天南地北咁L遠去發掘一啲新餐廳，一於一齊食好西！反正距離已經阻唔到我地....#好癲

我地仲利用車程嘅時間研究吓間餐廳、諗吓會唔會伏等等，但已經唔到我地控制了...有時真係出晒事...仲要去到老死咁遠先嚟中個大伏，但呢一種sweet住一齊奶嘢嘅模式又幾享受ha
.
雖然好多人會覺得情侶之間住得近係贏在起跑線，而無可否認的確有好多優點，好似慳咗時間又慳咗交通費咁，重點係想見就即刻見～
但分隔一個維港嘅思念同感受，或者，又會係你地之間另一種難忘嘅體會同經歷:)
.

btw 女友:「夏天戶外食會唔會太癲…」
「食好西唔緊要啦！仲有小動物欣賞吓添～～」
「那裡！」
「我P番上去…」

PS 你地放工之後，又係咪好想即刻見對方呢？:)

FB:熱豆腐仔
https://www.facebook.com/hothottofu/

IG: hottofuzai
https://www.instagram.com/hottofuzai/

延伸閲讀：
第一次上女朋友屋企訓教，訓醒第一眼就見到對方、可以攬住佢，呢種感覺真係勁sweet～
一個人願意向你展示自己最真的一面，係一種信任同幸福
女朋友病咗都唔戒口 大聲啲同佢講，又話我做咩鬧佢… 原來人類總係要好似小朋友咁氹先會聽話:)