小學雞足球玩意

好多人鐘意睇波之餘，亦好鍾意踢波，就算唔鐘意踢波，都鐘意打下足球game，Winning、FIFA緊有一樣好。
當老孫仲係小學雞年代，都好鐘意足球game，可惜屋企窮到燶，咩嘢紅白機超任都完全與我無關。不過，細路仔就算無玩具，都唔會戇鳩鳩喺度鳩坐，一定識得自己搵野玩。一盒顏色筆加幾張白紙，已經可以創造出好多可能性，消磨一整天時間。

呢個摺紙足球game，對一個細路嚟講，已經相當好玩。第一個步驟，製作「球員」已經好過癮，用畫筆將自己喜愛嘅球員畫晒出黎組成超級明星隊，仲可以自己設計球衣。畫夠兩隊人馬，就可以邀請同學仔或朋友仔打番場友誼波，兩條友拍下拍下就已經樂趣無窮。

不過，時代已經唔同晒，老孫深信如果呢段野比依家嘅新一代小學雞睇到，老孫肯撚定俾佢地屌到天花板：「戇鳩仔，一部ipad都大把野玩啦，駛撚自己攪一大輪大龍鳳呀？」冇錯，新一代資源豐厚，予取予攜，大把野玩，呢個摺紙足球game又點會有人問津。如果老孫喺佢地呢個年代長大，相信都會同佢地一樣。
所以，往事只能回味，但細個嗰陣時嗰種「窮則變、變則通」嘅精神就唔單止要回味，仲要活用，尤其係當我地依家面對社會上日日新鮮鑊鑊甘嘅問題同障礙，一定要動下腦筋為自己諗下計仔打破困局。

P.S. 巴打玩過呢個摺紙足球game，就俾個Like啦。如果想懷舊下約老死打返場友誼波，就Share啦！

Into The Darkness 入黑圖文
更多精彩內容: www.facebook.com/intothedarknesshk