世界盃外圍賽：保方力挽狂瀾 意軍一球險勝
尋晚既世界盃外圍賽，意大利係巴勒莫主場以1比0險勝保加利亞，暫時以7分拋離次席既保加利亞，出線形勢大好，只要下一場係拖連奴主場擊敗捷克就可以提前出線。
呢場波可以話係比較平淡，雖然兩隊各自都有超過10次既射門，但真正有威脅既埋門唔多。意大利前中後包括巴神、奥斯華度、蒙度利禾、巴沙利各自因為停賽同受傷而缺陣，對意軍影響好大，尤其是前線無咗巴神，係保加利亞全力收縮後防之下，意大利好難打得入禁區。今場柏蘭迪利排出4321既陣式，前線由簡迪華同恩斯利支援單箭頭基拿甸奴，基本上三人既狀態都唔錯，經常嘗試走位配合，但簡/恩兩人好少能夠帶球突破對方，整個中前場既運作比較慢，而保加利亞反擊亦慢，令到整個上半場都係維持係一種平淡既節奏當中。而意大利亦剛好把握到一次機會，由簡迪華左路傳中比基奴頭鎚頂入領先。
保方神救力保不失
相對地下半場因為保加利亞既反擊，令到戰情稍為好轉，而真正既主角就變成咗保方。下半場三分鐘萊德洛夫禁區左路橫傳，波波夫中路小禁區包抄，神奇既保方反應極快飛身將球擋出，呢球波雖然波波夫既射門食得唔係好應，但係兩米面前保方能夠作出咁快既反應的確係神級。到61分鐘保加利亞藉著角球做成混亂，連續兩次近距離攻門都比保方係白界線前救出，佢可以話憑一人之力去保住咗呢三分，再次證明佢係世界第一門將既地位。
除咗呢幾次驚險之外，臨完場意大利亦幾乎失手，補時階段保加利亞連續獲得角球，三番四次既射門被保方同後衛用身體擋出，臨完場前最後一刻，明尼夫既頭鎚攻門僅僅頂中右網側，球證除即吹雞完場，呢球波保方已經失咗位，如果對方頂中龍門的話必入無疑。
整個下半場保加利亞因為要追和而壓上，形成中場中路及後防出現好多空位，但意大利既反擊推進速仍然好慢，並無把握空檔去快速反擊，直至換入基亞卓利尼，憑住佢既速度多次係左路發難，製造咗幾次進攻機會，佢既速度同衝擊力係球隊所欠缺既，作用亦比恩斯利更大。
今場波意大利踢得比較保守，並無發揮出主場既氣勢，只不過對手實力比較弱而未能反平。下場對捷克有巴神同蒙度利禾復出，希望意大利既進攻可以積極一d。後防方面，今場安東利尼同阿比迪受傷，下場將會缺陣，柏帥已經緊急召入費倫既柏斯高同森多利亞既迪施維斯查，下場對捷克後防有一定隱憂。
藍軍之星
保方
呢場波可以話係比較平淡，雖然兩隊各自都有超過10次既射門，但真正有威脅既埋門唔多。意大利前中後包括巴神、奥斯華度、蒙度利禾、巴沙利各自因為停賽同受傷而缺陣，對意軍影響好大，尤其是前線無咗巴神，係保加利亞全力收縮後防之下，意大利好難打得入禁區。今場柏蘭迪利排出4321既陣式，前線由簡迪華同恩斯利支援單箭頭基拿甸奴，基本上三人既狀態都唔錯，經常嘗試走位配合，但簡/恩兩人好少能夠帶球突破對方，整個中前場既運作比較慢，而保加利亞反擊亦慢，令到整個上半場都係維持係一種平淡既節奏當中。而意大利亦剛好把握到一次機會，由簡迪華左路傳中比基奴頭鎚頂入領先。
保方神救力保不失
相對地下半場因為保加利亞既反擊，令到戰情稍為好轉，而真正既主角就變成咗保方。下半場三分鐘萊德洛夫禁區左路橫傳，波波夫中路小禁區包抄，神奇既保方反應極快飛身將球擋出，呢球波雖然波波夫既射門食得唔係好應，但係兩米面前保方能夠作出咁快既反應的確係神級。到61分鐘保加利亞藉著角球做成混亂，連續兩次近距離攻門都比保方係白界線前救出，佢可以話憑一人之力去保住咗呢三分，再次證明佢係世界第一門將既地位。
除咗呢幾次驚險之外，臨完場意大利亦幾乎失手，補時階段保加利亞連續獲得角球，三番四次既射門被保方同後衛用身體擋出，臨完場前最後一刻，明尼夫既頭鎚攻門僅僅頂中右網側，球證除即吹雞完場，呢球波保方已經失咗位，如果對方頂中龍門的話必入無疑。
整個下半場保加利亞因為要追和而壓上，形成中場中路及後防出現好多空位，但意大利既反擊推進速仍然好慢，並無把握空檔去快速反擊，直至換入基亞卓利尼，憑住佢既速度多次係左路發難，製造咗幾次進攻機會，佢既速度同衝擊力係球隊所欠缺既，作用亦比恩斯利更大。
今場波意大利踢得比較保守，並無發揮出主場既氣勢，只不過對手實力比較弱而未能反平。下場對捷克有巴神同蒙度利禾復出，希望意大利既進攻可以積極一d。後防方面，今場安東利尼同阿比迪受傷，下場將會缺陣，柏帥已經緊急召入費倫既柏斯高同森多利亞既迪施維斯查，下場對捷克後防有一定隱憂。
藍軍之星
保方